EZEQUIEL 2:6 - Biblia Guarani Tumpa Iñee

⁶ Nde kuimbae, agüɨye eipoɨu chugüi reta ani ekɨɨye iñee reta güi, yepe tëi reï ñairaka ani ñurati pɨte pe rami, ani reiko tumɨkarape oporoöpi vae ipɨte pe rami. Agüɨye ekɨɨye iñee reta güi ani taneiämondo reta, echa ipɨapochɨ vae reta ko.

EZEQUIEL 2:6 ပူးပေါင်းရင်းမြစ်များ

2 REYES 1:15

Jayave yandeYa iaraɨgua jei Elías pe: —Ekua jae ndive, agüɨye ekɨɨye chugüi. Elías ogüeyɨ jare ojo jókuae sundaro ruvicha ndive mburuvicha guasu jóvai,

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

ISAÍAS 9:18

Echa ikavimbae omboɨpɨ jendɨ tata rami, tata yavaete jendɨ vae oapɨ opaete yuu reta jare ñana reta, javoi oasa ɨvɨra ɨvate tëɨ vae reta re, jare ɨvate oñemokusumirou jätati.

JEREMÍAS 1:17

Jare nde, eyeumbɨkua täta, ekua jare ere chupe reta opaete che royókuai vae. Agüɨye ekɨɨye chugüi reta, echa rekɨɨye ko yave, che ameeta nde rekɨɨye vaerä chugüi reta.

JEREMÍAS 1:8

Agüɨye ekɨɨye kia reta güi, echa che aïta nde ndive roepɨ vaerä, che ndeYa ko, jae kuae ndeve.”

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 6:28

Opaete jae reta ipɨapochɨ vae reta ko, iñee ndaye reta, opaete oikomegua vae reta ko, jiero jare jiero iyu vae reta rami ko.

EZEQUIEL 24:3

Jare kuae tëta oyembopɨapochɨ chekotɨ vae pe ere rembojaanga reve: YandeYa Tumpa jei cheve: ‘Eñono metei yapepo tata pe jare eñono ɨ pɨpe,

EZEQUIEL 28:24

Jare ngaraa ye ma peiporarauka Israel iñemuña reta pe, yuu jäti pinda vae rami; jare Israel iyɨvɨrigua tëta reta ngaraa ma omotareɨ. Jayave opaete vae oikuaata che ko jae Tumpa vae.’ ”

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

MIQUEAS 7:4

Ipɨte reta güi jeko kavi vae ñurati rami ko; jeko sɨmbi vae, temitɨ jäti vae rami ko. Ërei oväeta ara reiporara vaerä, sundaro reta ɨvate güi omae vae omoërakua reta vae; jayave ramo reyembokepeguata.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

San Lucas 10:19

Mase, amee ma peve mbaepuere pepuere vaerä pepɨ̈ro mboi re jare tumɨkarape re, jare penoi vaerä mbaepuere opaete tovaicho re, ngaraa etei ipuere mbae oyapo peve.

San Lucas 11:12

Ani nderaɨ oyerure yave ndeve ururupía re, ngaraa remee chupe metei tumɨkarape ururupía ipoepɨka pe.

San Lucas 12:4

Jare che jae peve, chevɨa-ïru reta, agüɨye pekɨɨye pereteño ipuere oyuka vae reta güi. Echa jaɨkue rupi, ngaraa ye ma mbae ipuere oyapo peve.

Hechos 4:13

Jayave oecha reta yave kërai Pedro jare Juan okɨɨyembae reve imiari, jare oikuaa reta mbaetɨ ko oyemboe vae. Ipɨakañɨ yae jese reta, jare oikuaa reta Jesús jemimboe ko vae.

Hechos 4:19

Ërei Pedro jare Juan jei chupe reta: —Pemae kavi pe reta. ¿Jupi ra Tumpa jóvai royapo vaerä peporookuai Tumpa iporookuai güi?

Hechos 4:29

Añave, oreYa, emae oremomburu reve oreokuai vae reta re. Emee nderembiokuai reta pe okɨɨyembae reve imiari vaerä neñee re.

Efesios 6:19

jare cheré vi, Tumpa omee vaerä cheve ñee, akɨɨyembae reve aikuaauka vaerä yaikuaa rapembae vae ñee ikavi regua.

Filipenses 1:28

jare agüɨye pekɨɨye oyovaicho pekotɨ vae reta güi. Echa kuae oechauka jae reta ko kañɨtei peguarä, ërei peve ko yemboasa peguarä; kuae ko ou Tumpa güi.

2 Timoteo 1:7

Echa Tumpa mbaetɨ ko omee yandeve espíritu kɨɨye pegua, omee ko yandeve mbaepuere pegua, mboroaɨu pegua jare yayopia vaerä yanderete oipota vae.

Hebreos 11:27

Iporogüɨrovia rupi Moisés ojo Egipto güi, okɨɨyembae reve mburuvicha guasu iyarasɨ güi, echa oñemomɨ̈rata oecha rami Tumpa Oyekuaambae vae.

1 Pedro 3:14

Ërei peiporara yave jupigüe peyapo vae re, peyerovia. Jáeramo agüɨye pekɨɨye chugüi reta ani peyembojopa.

Apocalipsis 9:10

Jare tuku reta júguai tumɨkarape juguaiecha. Jare júguai pe güɨnoi ipɨ̈pia. Jare güɨnoi mbaepuere oiporarauka vaerä ɨvɨ pegua reta pe pandepo yasɨ pegua.