EZEQUIEL 2:5 - Biblia Guarani Tumpa Iñee

⁵ Güɨramoi ra oyeapɨsaka retata ani mbaetɨta, echa jae reta ko ipɨapochɨ vae, ërei oikuaa retata, oime ko jae reta ipɨte pe ñemombeúa vae.

EZEQUIEL 2:5 ပူးပေါင်းရင်းမြစ်များ

2 REYES 5:8

Eliseo, Tumpa iñeemombeúa oikuaa mburuvicha guasu Israel pegua omondoro jemimonde yave, omondo jeiuka mburuvicha guasu pe: “¡Remondoroiño ma nderemimonde! Tou jókuae kuimbae chekotɨ, oikuaa vaerä oime ko ñeemombeúa Israel pe vae.”

JEREMÍAS 36:21

Jayave mburuvicha guasu omondo Jehudí güeru vaerä jókuae tembikuatía Elisama icuarto güi, jae ko ombaekuatía vae; Jehudí güeru yave, omongeta mburuvicha guasu jóvai jare opaete iyɨvɨrigua mburuvicha reta jóvai.

JEREMÍAS 42:19

YandeYa jei pe Judá pe perembɨregüe reta pe, agüɨye vaerä peo Egipto kotɨ. Peikuaa kavi añave amombeu kavi voi peve vae.

EZEQUIEL 12:9

“Nde kuimbae, güɨramoi Israel iñemuña reta tëta ipɨapochɨ vae oparandu ma ndeve mbae ra reyapo reiko vae re.

EZEQUIEL 17:12

“Eparandu kuae tëta ipɨapochɨ vae pe, oikuaa reta ra kuae oyembojaanga vae re. Ere chupe reta: ‘Mburuvicha guasu Babilonia pegua ou Jerusalén pe oipɨɨ mburuvicha guasu Judá pegua jare iyɨvɨrigua mburuvicha reta, jare opa güɨraja reta jupíe Babilonia pe.

EZEQUIEL 2:7

Nde emombeu chupe reta cheñee, ipuere oyeapɨsaka nderé ani mbaetɨ vi, echa jae reta ko iñeereendumbae.

EZEQUIEL 24:3

Jare kuae tëta oyembopɨapochɨ chekotɨ vae pe ere rembojaanga reve: YandeYa Tumpa jei cheve: ‘Eñono metei yapepo tata pe jare eñono ɨ pɨpe,

EZEQUIEL 3:19

Ërei nde remboarakuaa tëi reve, jae mbaetɨ oeya jeko kavimbae yave, omanota iyoa jeko peguai, ërei nde reroasayepeta nderekove.

EZEQUIEL 3:26

Jare vi che amboyata nekü neäpeku re, neñeembae repɨta vaerä, jare mbaetɨta reiko chupe reta kuimbae teko re omboeta vae, echa jae reta ko ipɨapochɨ vae reta.

EZEQUIEL 3:27

Ërei che romomiari yave, neñee yeta, jayave rereta chupe reta: ‘Körai jei yandeYa Tumpa’. Kia ikɨ̈reɨ oendu vae toendu, jare kia mbaetɨ ikɨ̈reɨ oendu vae agüɨye toendu. Echa jae reta ko ipɨapochɨ vae reta.

EZEQUIEL 33:33

Ërei ngatu oyembopo ma yave remoërakua vae, oikuaa retata oime yepe oiko ñeemombeúa ipɨte reta rupi vae.”

EZEQUIEL 33:9

Ërei nde remombeu yave chupe oyepoepɨ vaerä jeko güi, jare jae mbaetɨ oyepoepɨ yave, omanota iyoa jeko pegua, ërei nde reroasayepeta nderekove.

EZEQUIEL 44:6

Ërei ere jókuae ipɨapochɨ vae Israel iñemuña reta pe: ‘Körai jei yandeYa: ¡Joko peño mo! Pe ikavimbae yae vae iyapoa reta, Israel iñemuña reta.

San Juan 15:22

Mbaetɨ yave mona ayu chemiari vaerä chupe reta, ngaraa tëi teko güɨnoi reta. Jáeramo jei rapeä mbaetɨ ko oikuaa reta iyoa re vae.

Hechos 13:46

Jayave Pablo jare Bernabé imiari okɨɨyembae reve chupe reta. Jei reta: —Añete jaekavi ko romoërakua vaerä peve räri Tumpa iñee. Ërei peröɨro ma. Mbaetɨ ma peipota, jökorai peikuaauka oreve mbaetɨta penoi tekove opambae vae. Jáeramo añave romoërakuata judiombae vae reta pe.

Romanos 3:3

¿Kërai pa jayave? Amogüe chugüi reta mbaetɨ güɨrovia. Jayave, güɨroviambae jeko pegua, ¿Tumpa ngaraa ra ombopo jei vae?