EZEQUIEL 2:3 - Biblia Guarani Tumpa Iñee

³ jei cheve: “Nde kuimbae, romondota Israel iñemuña reta pɨri, metei tëta iñeereendumbae, oyembopɨapochɨ chekotɨ vae reta kotɨ. Jae reta jare iñemuñagüe reta oyembopɨapochɨ ckekotɨ añave regua.

EZEQUIEL 2:3 ပူးပေါင်းရင်းမြစ်များ

2 REYES 17:14

Ërei Israel iñemuña reta mbaetɨ oendu, ipɨatäta yae reta iñemuñagüe reta ipɨatäta yae rami, echa jae reta mbaetɨ güɨrovia iYa Tumpa;

2 REYES 17:15

güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

ESDRAS 9:7

Oreñemuñagüe reta yogüɨreko güive voi ma roiko mbaeyoa rupi, orereko pɨ̈chɨi jeko pegua, ore, oreruvicha guasu reta, jare oresacerdote reta ndive, opa roñemeeuka ïru ɨvɨ pegua mburuvicha guasu reta ipo pe, royeyukauka, royererajauka oreɨvɨ güi, ropɨ̈rouka orembaembae, ñemomarai rupi roiko añave regua.

NEHEMÍAS 9:26

Ërei oyemboapɨsaä reta ndeve, oñemopüa reta ndekotɨ, güɨröɨro reta ndeporookuai. Neñeemombeúa reta omboeta jeko re chupe reta, oipota ramo omboyerova reta ye tëi ndekotɨ, ërei jae reta oyuka, jare oyapo reta mbae pɨ̈chɨi yae vae.

SALMOS 106:28

Jare oyemboya reta tumpa-raanga Baal-peor re, jou reta mɨmba oyeyukagüe, oikovembae pe oñemee vae.

ISAÍAS 30:1

YandeYa jei: “¡Paravete, cheraɨ oyembosɨrɨ chegüi vae reta, oyemongeta reta mbae oyapo vaerä, oparandumbae reve cheve, oyupavo reta mbae oyapo vaerä, mbaetɨ reve che añono ipɨa pe, jökorai jeiete omoïru reta mbaeyoa iyeupe!

JEREMÍAS 1:7

Ërei yandeYa jei cheve: “Agüɨye ere chetaɨrusu yae ko. Che royokuaía rupi ko reota, jare opaete royókuai vae rereta.

JEREMÍAS 3:25

Oreropa jare oremara yae, echa orendei güive añave regua, ore jare oreñemuñagüe reta oreyoa nde oreYa Tumpa kotɨ, jare mbaetɨ royapo nde rere vae.”

JEREMÍAS 36:2

“Eipɨɨ metei tupapire oyepomombɨ vae, jare eikuatía jese opaete che jae ndeve Israel jare Judá regua vae, jare ïru tëtaguasu reta regua, mburuvicha guasu Josías oiko yave güive amboɨpɨ chemiari ndeve añave regua vae.

JEREMÍAS 44:20

Jayave Jeremías jei opaete kuimbae reta jare kuña reta, omboyevɨ ñee chupe vae reta pe körai:

JEREMÍAS 44:21

—¿Perovia pa yandeYa mbaetɨ oikuaa kuae, ani iñakañɨ, pe reta jare peñemuñagüe reta, peruvicha guasu reta, tëta ruvicha reta jare opaete vae peapɨ ikäti kavi vae incienso tumpa-raanga reta pe tëta guasu reta Judá pegua pe jare kaye Jerusalén pegua rupi vae güi?

JEREMÍAS 7:2

“Eñeñono che ndeYa itupao jöke pe, jare joko pe emoërakua kuae ñee, körai: Opaete Judá pegua, kuae öke rupi peike pemboete vaerä yandeYa vae reta, peyeapɨsaka yandeYa iñee re.

EZEQUIEL 17:12

“Eparandu kuae tëta ipɨapochɨ vae pe, oikuaa reta ra kuae oyembojaanga vae re. Ere chupe reta: ‘Mburuvicha guasu Babilonia pegua ou Jerusalén pe oipɨɨ mburuvicha guasu Judá pegua jare iyɨvɨrigua mburuvicha reta, jare opa güɨraja reta jupíe Babilonia pe.

EZEQUIEL 24:3

Jare kuae tëta oyembopɨapochɨ chekotɨ vae pe ere rembojaanga reve: YandeYa Tumpa jei cheve: ‘Eñono metei yapepo tata pe jare eñono ɨ pɨpe,

EZEQUIEL 40:4

Jókuae kuimbae jei cheve: “Nde kuimbae, emae jare eyeapɨsaka kavi, agüɨye neakañɨ opaete aechaukata ndeve vae güi, echa jaerä ko ndereru kuae pe. Kuae reecha vae re nemiari Israel iñemuña reta pe.”

AMÓS 7:15

Ërei yandeYa ko chereenɨi mɨmba reta jaɨkue aguata vae güi, jare jei cheve: “Ekua jare emombeu cheñee Israel pe, tëta chembae vae.”

MALAQUÍAS 3:7

Peñemuñagüe reta rami opa pesɨrɨ cheporookuai güi, jare mbaetɨ peñovatu. ¡Peyerova ye chekotɨ jare che ayerova yeta pekotɨ!” Jei yandeYa Imbaepuere yae ete vae. Ërei pere: “¿Mbae rupi pa royerova yeta?”

NÚMEROS 20:10

Javoi Moisés jare Aarón omboatɨ opaete vae ɨ̈vavira jóvai, jare jei chupe reta: —¡Peyeapɨsaka añave, pe ipɨapochɨ vae reta! ¿Rogüɨnoeta pa peve ɨ kuae ɨ̈vavira güi?

Hechos 7:51

Pe reta ko pepɨa täta vae, pepɨa jare peapɨsa oyembocircuncidambae. Peyovaicho avei Espíritu Santo kotɨ. Peñemuñagüe reta rami etei vi pe reta.

Romanos 10:15

Jare ¿këraita pa kia omombeu chupe, mbaetɨ yave kia oyemondo? Echa oyekuatía oï körai: “Ipöra yae ko yogüeru oväe ñee mbɨakatu pegua omombeu vae reta. Ñee ikavi vae omoërakua vae reta.”

DEUTERONOMIO 9:24

¡Che amboɨpɨ pokuaa güive pepɨapochɨ reteiño yandeYa kotɨ!

DEUTERONOMIO 9:27

Nemaendúa nderembiokuai Abraham, Isaac jare Jacob re, agüɨye emae kuae tëta ipɨa täta vae re, ani iTumpa potambae re, ani iyoa re,