EZEQUIEL 18:9 - Biblia Guarani Tumpa Iñee

⁹ cheporookuai jei rami oiko; oyapo opaete cheporookuai reta. Jae kuae kuimbae añetete jupi vae. Jáeramo oikoveta, che peYa jae.

EZEQUIEL 18:9 ပူးပေါင်းရင်းမြစ်များ

1 REYES 9:4

Nde reguata kavi yave cheróvai nderu David oguata rami, opaete ndepɨa ndive jare sɨmbi rupi, reyapo reve opaete mbaembae royókuai vae, reñovatu reve cheporookuai reta,

PROVERBIOS 12:28

Tape jupi vae jae tekove pegua, jokoropi mbaetɨ mano.

EZEQUIEL 11:12

Jayave pe reta chekuaata che ko jae peYa vae. Pe reta mbaetɨ peiko cheporookuai rupi, mbaetɨ peyapo, ërei pemomoe tëtaguasu reta peɨ́vɨri yogüɨreko vae jeko.’ ”

EZEQUIEL 18:10

Ërei oime yave kuae kuimbae taɨ imonda jare oporoyuka, ani opaño mbae ikavimbae oyapo,

EZEQUIEL 18:17

oiporuka ikorepoti yave mbaetɨ oasa ete okovara jese; mbaetɨ ikavimbae oyapo ïru vae pe; cheporookuai jei rami oiko; oyapo opaete cheporookuai reta. ¡Jókuae kuimbae ngaraa omano tu iyoa jeko pegua! ¡Oikoveta ko!

EZEQUIEL 18:19

Pe reta peparandu yave: ‘¿Maera ra taɨ oiporaraä vi tu iyoa re?’ Echa taɨ oyapo isɨmbi vae jare jupi vae, jare oyapo opaete cheporookuai reta; jáeramo oikoveta ko.

EZEQUIEL 20:11

joko pe amee chupe reta mborookuai reta; kia oendu jare oyapo vae oikove vaerä.

EZEQUIEL 20:13

Ërei Israel iñemuña reta oyembopɨapochɨ chekotɨ ñuu pe; jare mbaetɨ yogüɨreko reta cheporookuai reta rupi, güɨröɨro reta, kia oendu jare oyapo yave oikoveta vae; omboeteä reta cheara reta mbutuu pegua. Jáeramo ayemongeta aitɨ vaerä chearasɨ jese reta ñuu pe, opa vaerä amokañɨtei reta.

EZEQUIEL 33:15

omee ye iya pe mbae opɨ̈rogüe ani oñomigüe, oyapo mborookuai tekove pegua jei vae jare oeya ikavimbae yave oikoveta ko, ngaraa omano.

EZEQUIEL 36:27

Añonota peɨvɨte pe cheespíritu, jare poapota peiko vaerä cheporookuai rupi; peñovatuta jare peyapota.

EZEQUIEL 37:24

Cherembiokuai David rami vae oikota jae reta juvicha guasurä, güɨnoi retata meteiño oyangareko jese reta vaerä; yogüɨreko retata cheporookuai reta rupi, oñovatuta jare oyapo retata.

LEVÍTICO 18:5

Jáeramo, peñovatu pepɨa pe jare peyapo cheporookuai reta. Kuimbae oyapo cheporookuai reta vae oikoveta. Che ko peYa.

AMÓS 5:14

Peeka ikavi vae peikove vaerä, agüɨye peeka ikavimbae, echa jayave yandeYa Tumpa Imbaepuere yae ete vae oïta pe ndive, pe pere rami.

AMÓS 5:24

Ërei mbaejupi tosɨrɨ ɨ rami, jare mboromboete ɨ tɨpambae rami.

AMÓS 5:4

YandeYa jei Israel iñemuña reta pe: “Peyu chekotɨ jare peikoveta.

HABACUC 2:4

Eikuatía, mase, jeko kavimbae reta oyembotuicha, ërei jupi vae reta oikoveta jupi rupi yogüɨreko vae re.”

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

San Juan 14:21

Oyeapɨsaka cheporookuai reta re jare oyapo vae, jae ko cheraɨu vae. Jare cheraɨu vae cheRu oaɨuta, jare che aaɨuta, jare ayekuaaukata chupe.

Hechos 24:16

Jáeramo che aipota chepɨa ikavi avei anoi vaerä Tumpa kotɨ jare ɨvɨ pegua reta kotɨ.

Romanos 1:17

Echa ñee ikavi vae omombeu yandeve kërai Tumpa yandembojupi ko yarovia yave. Echa Tumpa Iñee pe oyekuatía oï körai: “Tumpa ombojupi vae güɨnoita tekove oporogüɨrovia ramo.”

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

DEUTERONOMIO 11:1

Peaɨu yandeYa Tumpa, peyapo opaete iporookuai reta ara ñavo.

DEUTERONOMIO 4:1

Añave, pe Israel iñemuña reta, peendu mborookuai reta oyeapo vae re pomboe vae, peikove vaerä jare peike vaerä peiko, jókuae ɨvɨ peñemuñagüe reta iTumpa omee pevea pe.

DEUTERONOMIO 5:1

Moisés omboatɨ opaete Israel iñemuña reta jare jei chupe reta: “Peyeapɨsaka Israel iñemuña reta, kuae mborookuai reta amombeuta añave vae re, peikuaa jare peñovatu peyapo vaerä.

DEUTERONOMIO 6:25

Royapo yave opaete yandeYa Tumpa oreokuai vae jae omae kavita oreré.’

1 Juan 2:29

Peikuaa Tumpa ko jae jupi vae yave, peikuaa vi kërai Tumpa omee ma tekove opambae vae opaete jupi vae oyapo vae reta pe.

1 Juan 3:7

Cheraɨ aaɨu vae reta, agüɨye kia tapembotavɨ. Jupi vae oyapo vae, jupi ko, Jesucristo jupi rami.