EZEQUIEL 16:57 - Biblia Guarani Tumpa Iñee

⁵⁷ ndeiño ikavimbae reyapogüe oyekuaa mbove; ërei añave iñeeasɨ katu ndekotɨ opaete Siria pegua reta jare filisteo reta. ¡Opaete vae nemotareɨ!

EZEQUIEL 16:57 ပူးပေါင်းရင်းမြစ်များ

SALMOS 50:21

Opaete kuae reyapo, ërei che chekïriiño; nde reyemongeta, che nde ramiño. Ërei che amboetata ndeve, ¡jaeta ndeve nderova pe etei!”

ISAÍAS 14:28

Jókuae año mburuvicha guasu Acaz omano yave, Isaías omoërakua kuae ñee:

ISAÍAS 7:1

Acaz, Jotam taɨ, Uzías jɨmɨmino oiko mburuvicha guasurä Judá pe yave, Rezín mburuvicha guasu Siria pegua jare Peka mburuvicha guasu Israel pegua, jae ko Remalías taɨ, yogüeru oporepeña Jerusalén re, ërei mbaetɨ ipuere reta opɨ̈ro.

JEREMÍAS 33:24

“¿Mbaetɨ pa reikuaa amogüe ketɨgua reta kuae pe yogüɨreko vae jei che aröɨro ko mókoi tëtara aiparavo vae, jae ko Israel jare Judá? ¡Jáeramo güɨröɨro reve omae reta chembae vae reta re, jare mbaetɨ ma oipapa tëtaguasu rami!

LAMENTACIONES 4:22

Sión pegua reta, jae ma iyapɨ reiporara vae; Tumpa ngaraa ye ma omaeño reyereraja tembipɨɨrä. Ërei, pe Edom pegua reta, Tumpa oiporaraukata peyoa re peve, omboyekuaata pembaeyoa reta.

EZEQUIEL 16:27

Jáeramo, aiporarauka ndeve, apɨ̈ro ndegüi nderembíu, jare romee nemotareɨ vae filisteo reta ipo pe, jae reta güɨnoti ndereko ikavimbae vae.

EZEQUIEL 16:56

Ndepɨayemboetese ndeyé, reyóyai yóyai yepi ndepɨkɨɨ Sodoma oiporara yave,

EZEQUIEL 21:24

Jáeramo yandeYa Tumpa jei körai: Ikavimbae peyapo vae jare peporoyuka vae oyekuaa oï; opaete mbaeyoa peyapo vae oyekuaa oï. Echa opaete peyoa reta re yemomaendúa oï ramo peñemeeukata perovaicho reta ipo pe.

EZEQUIEL 22:4

Jeta reporoyuka vae rupi ndeyoa, jare tumpa-raanga reta reyapo vae rupi reyemongɨa; jókuae rupi jeieteño remoköi ora ndeyeupe, jare ou ara iyapɨ vaerä ndeve. Jáeramo roapota tëtaguasu reta nemomarai vaerä, jare opaete vae reta ndeyóyai yóyai vaerä.

EZEQUIEL 23:32

Che ndeYa Tumpa jae körai: Ameeta reɨu chearasɨ oï kopa pe vae re, nderɨke oɨu jese vae, jae ko kopa iporusu vae; nemotareɨta ïru tëtaguasu reta, ndeyóyai yóyai retata,

EZEQUIEL 27:16

Edom pegua reta ogua ndegüi jeta mbaembae renoi vae, oipoepɨ reta ndegüi ita ipöra vae ndive, temimonderä pɨ̈taü vae ndive, temimonderä oñemopöra vae pe jare lino pegua vae pe, ïta rami vae coral jee vae pe, jare ita reta pɨ̈ta rubí jee vae pe.

EZEQUIEL 5:14

Jerusalén, nderendagüeño opɨtata; romomaraiukata ïru tëtaguasu reta ndeɨ́vɨri ñogüɨnoi vae ipɨte pe, ndereecha vaerä opaete oguatagüe oasa jokoropi vae.

EZEQUIEL 5:15

Chearasɨ reve aiporarauka ma ndeve yave, tëtaguasu reta ndeɨvɨrigua ndeyoyaita, ñemomarai pe reikota. Che ndeYa jae jökorai.

OSEAS 2:10

Iyaguasa reta jovake amonandita ¡Ngaraa kia oepɨ chegüi!

OSEAS 7:1

Israel pegua reta aipoano yave, oyekuaa Efraín jare Samaria ikavimbae oyapo vae. Echa iyapu reta; imonda vae rami oike reta o pe, jare omaepɨ̈ro reta ikatu rupi.

SOFONÍAS 3:19

Jókuae ara che, añemopüata opaete oiporarauka ndeve vae reta kotɨ. Amborɨta vecha iköcho vae, aru yeta okañɨgüe; amboeteukata jare jërakua yaeta opaete ɨvɨ rupi.

NÚMEROS 23:7

Jare jae jei ombojaanga reve mbae oasata vae, körai: “Aram güi chereru Balac, Moab pegua mburuvicha guasu, ɨvɨtɨ reta kuaraɨ oëa kotɨ ñogüɨnoia güi: ‘Eyu eyepopeyu cheve Jacob iñemuña reta re. Ere ñee ikavimbae Israel iñemuña reta kotɨ cheve.’

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.