EZEQUIEL 16:52 - Biblia Guarani Tumpa Iñee

⁵² Nde reropɨata ko ñemomarai jare ñemomichi, echa oasa ete ndeyoa nderɨke jare ndepɨkɨɨ güi, ërei jae reta jupiñota opɨta. Nde reiporarata jókuae ñemomarai jare ñemomichi.

EZEQUIEL 16:52 ပူးပေါင်းရင်းမြစ်များ

GÉNESIS 38:26

Jayave Judá oikuaa imbae ko vae, jare jei: “Jae oyapo jupi vae chegüi, echa mbaetɨ amee Sela chupe.” Jare mbaetɨ ye oyapakua jae ndive.

1 REYES 2:32

YandeYa ko omboekovia chupe oporoyuka vae; echa oyuka mókoi kuimbae jekombae jare ikavi yae vae reta cheru David oikuaambae reve: Abner, Ner taɨ, sundaro reta itenondegua ete Israel pegua, jare Amasa, Jeter taɨ sundaro reta itenondegua ete Judá pegua.

JEREMÍAS 23:40

Jare aruta peré ñemomichi jekuae avei pegua jare ñemomaraiasɨ mbaetɨta peakañɨ chugüi vae.’ ”

JEREMÍAS 3:11

YandeYa jei cheve: “Ipɨapochɨ vae Israel mbaetɨ jeko ete mbatee jupimbae vae Judá güi.

JEREMÍAS 31:19

Che asɨrɨ ndegüi, ërei añave ayembopɨambuae chereko güi; aikuaa cheyoa ko jare akua cheu re chepɨatɨtɨ güi; chemomarai yae cheyoa reta chetaɨrusu pegua.’

JEREMÍAS 51:51

Pe reta pere: “Oremara yae roï, echa roendu ikavimbae oyapo reta orekotɨ vae. Oremomaraiuka yae, echa ketɨgua reta oike, tupao ikɨambae yae vae pe.”

EZEQUIEL 16:47

Nde reiko jae reta yogüɨreko rami, reyapo jae reta oyapo vae. Ërei mbaetɨ ndeangapɨɨ, ndereko oasa ete yé ikaviä chugüi reta.

EZEQUIEL 16:48

Che peYa Tumpa jae cheyé aeño: Ndepɨkɨɨ Sodoma jare tëta raɨ reta iyɨvɨrigua ave mbaetɨ oyapo, nde jare ndeɨ́vɨri tëta raɨ reta ñogüɨnoi vae ndive peyapo rami.

EZEQUIEL 16:53

Che amee yeta Sodoma jare Samaria pe, oï kavi ye vaerä, jare opaete tëta raɨ reta iyɨ́vɨri ñogüɨnoi vae pe; jare ndeve amee yeta vi reï kavi ye vaerä,

EZEQUIEL 16:54

ërei reropɨata ñemomichi, jare nemomaraita opaete reyapogüe, echa kuae rupi reikota yembopɨakaturä chupe reta.

EZEQUIEL 16:56

Ndepɨayemboetese ndeyé, reyóyai yóyai yepi ndepɨkɨɨ Sodoma oiporara yave,

EZEQUIEL 16:63

Nemaenduata jare nemarata, jare ngaraa ye ma neñee remoë, nemara jeko pegua, cheɨ̈ro ma yave ndeve opaete reyapogüe re. Che ndeYa jae.”

EZEQUIEL 32:24

Joko pe oï Elam jare iyɨ́vɨri opaete isundaro reta jɨvɨa; opaete jae reta omano ñeraro pe, jae reta ko Tumpa re güɨroviambae reta, opaete yogüɨraja ɨvɨgüɨ kotɨ. Echa oporomongɨɨye reta yepi ɨvɨ pe, ërei añave ñogüɨnoi ñemomarai pe omanogüe reta ñogüɨnoia pe.

EZEQUIEL 36:15

Ngaraa ye ma amaeño peendu ïru tëtaguasu reta peangao vae, ngaraa ye ma peiporara ñeeasɨ katu reta tëta reta güi, ngaraa ye ma amokañɨtei kuae tëta iñemuña reta. Che Tumpa jae kuae.’ ”

EZEQUIEL 39:26

Imara retata oyembopɨapochɨ reta chekotɨ vae jeko pegua, yogüɨreko pɨagüive ma iɨvɨ pe jare mbaetɨ ma kia omongɨɨye yave,

EZEQUIEL 44:13

Ngaraa ma oyeokuai reta cheve sacerdoterä, ngaraa vi oya reta chembaembae oñeñono tee vae re ave, mbaembae oñeñono tee kavi yae vae re. Yogüɨrekota ñemomarai rupi, ikavimbae yae oyapo reta jeko pegua.

OSEAS 10:6

Jókuae toro taɨrusu vae iä ave oyererajaukata Asiria pe, omee reta vaerä mburuvicha guasu pe. Jökorai Efraín pegua reta oñemomaraiukata, jare Israel oñemomaraita itumpa-raanga reta ndive.

San Lucas 6:37

Agüɨye pemboeko voi ïru vae, agüɨye vaerä peyemboekouka. Agüɨye peiporarauka voi ïru vae pe mbae re, agüɨye vaerä vi peiporara. Peɨ̈ro ïru vae pe, iñɨ̈ro vaerä vi peve vae.

Romanos 1:32

Kuae reta oikuaa tëi Tumpa jei kërai jókuae ikavimbae iyapoa reta omano tai ko. Ërei jae reta jeieteño oyapo jare ipɨakatu reta vi jókuae nunga iyapoa reta ndive.

Romanos 2:10

Ërei imboeteata jare ipɨakatuta, opaete ikavi vae oyapo vae reta, tenonde ete judío reta, jaɨkue rupi judiombae vae reta vi.

Romanos 6:21

Echa ¿mbae ikavi vae pa penoi jókuae mbaembae reta añave pemomarai perenoi vae güi? Echa jókuae mbaembae oporogüɨraja mano pe.

1 SAMUEL 24:17

Jare jei David pe: —Jupi yae nde chegüi, che ayapota tëi ndeve ikavimbae vae, ërei nde remboekovia cheve ikavi vae pe.