EZEQUIEL 16:41 - Biblia Guarani Tumpa Iñee

⁴¹ Oapɨ retata ndero reta, jare ndereko ojäa retata jeta vae kuña reta jóvai. Jökorai amboapɨta ndeaguasa pota vae, ngaraa ye remboepɨ ndeaguasa reta pe.

EZEQUIEL 16:41 ပူးပေါင်းရင်းမြစ်များ

2 REYES 25:9

jare oapɨ yandeYa jo, mburuvicha guasu jo, jare opaete o reta Jerusalén pegua; oapɨ opaete mburuvicha reta jo.

JOB 34:26

Jeko kavimbae reta rami oinupa, opaete vae reta jovake.

ISAÍAS 2:18

jare opaeteita omboai tumpa-raanga reta jókuae ara.

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

JEREMÍAS 39:8

Javoi Caldeaɨgua reta oapɨ mburuvicha guasu jo jare o reta tëta guasu pegua, jare opa ombosururu reta tëta guasu Jerusalén ikësea.

JEREMÍAS 52:13

jare oapɨ yandeYa itupao, mburuvicha guasu jo jare opaete o reta Jerusalén pegua; opaete o tuichagüe reta;

EZEQUIEL 11:9

Aiporaraukata pereko re peve: Pogüɨnoeta kuae tëta guasu güi, jare pomeeta ketɨgua reta ipo pe.

EZEQUIEL 16:33

Opaete kuña omee jete vae reta okovara, ërei ngatu nde, ndeí rembopota ndeaguasa reta, yogüeru vaerä oipota rupi güi ndeaguasarä.

EZEQUIEL 23:10

Jae reta opa omonandi oeya; jare opɨ̈ro chugüi imembɨ kunumi reta jare kuñatai reta, jare jae reta etei oyuka kɨsepuku pe. Kuae jërakua yae opaete kuña reta ipɨte rupi, echa jupi rupi oiporara jeko re.

EZEQUIEL 23:27

Jökorai amboapɨta ndegüi ndekuimbae pota yae vae, ndeaguasa pota reyeapo Egipto pe vae; ngaraa ye ma reecha Egiptoɨgua reta jare ngaraa ye ma nemaendúa jese reta.

EZEQUIEL 23:48

Che amokañɨta kuae ɨvɨ güi jókuae aguasa oyeapo vae. Jökorai opaete kuña reta oikuaata opɨta iyegua, agüɨye vaerä omomoe kuae kuña reta jeko ikavimbae vae.

EZEQUIEL 37:23

Ngaraa ye ma oyemongɨa reta tumpa-raanga reta omboete vae rupi, pɨ̈chɨi Tumpa pe vae rupi jare oyembopɨapochɨ reta Tumpa kotɨ vae rupi. Aepɨta opaete oyembopɨapochɨ reve oyapo vae rupi iyoa vae güi, jare aitɨota; yogüɨrekota chembaerä jare che aikota jae reta iTumparä.

EZEQUIEL 5:15

Chearasɨ reve aiporarauka ma ndeve yave, tëtaguasu reta ndeɨvɨrigua ndeyoyaita, ñemomarai pe reikota. Che ndeYa jae jökorai.

EZEQUIEL 5:8

Jáeramo che ndeYa jae: Che ayemboyovaichota ndekotɨ Jerusalén; aiporaraukata ndeve tëtaguasu reta jovake,

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

ZACARÍAS 13:2

YandeYa Imbaepuere yae ete vae jei: Jókuae ara amboaita tumpa-raanga reta jee, jare ngaraa ye ma kia imaendúa jese. Amboaita vi ɨvɨ güi ñeemombeúa reta jare espíritu ikavimbae pegua.

DEUTERONOMIO 13:11

Jökorai opaete Israel iñemuña reta toikuaa jare toipoɨu, jökorai ngaraa ma oime ikavimbae oyapo vae.

DEUTERONOMIO 13:16

Jare pemboatɨ opaete mbaembae reta oka guasu pe jare peyatapɨ jese, opaetei tókai tëta guasu imbaembae ndive, mɨmba oyeapɨ jese vae re mɨmba oyeyukagüe opaetei oyeapɨ rami. Jókuae tëta guasu topɨta tëtagüerä, jare ngaraa ye ma oñemopüa.

DEUTERONOMIO 22:21

penoe tu jöke pe, jare kuimbae tëta pegua reta toyapi ita pe toyuka, teko ikavimbae oyapo Israel iñemuña reta pe ipɨte pe jeko pegua, jare tu jo mbaetɨ omboete jeko pegua. Jökorai peekɨ ikavimbae pepɨte güi.

DEUTERONOMIO 22:24

mókoi reve penoe tëta guasu jöke pe, jare peyapi ita pe peyuka; jókuae kuñatai tomano mbaetɨ ramo jäse tëta guasu pe, jare jókuae kuimbae tomano oyuvanga ramo japicha jembirekorä vae re; jökorai peekɨ ikavimbae pepɨte güi.

1 Timoteo 5:20

Mbaetɨ oipota oeya iyoa vae reta pe emboeta opaete vae jóvai, ïru vae reta okɨɨye vaerä vi.