EZEQUIEL 16:4 - Biblia Guarani Tumpa Iñee

⁴ Jókuae ara rea ramo yave nepürúa mbaetɨ oyeasɨa ndegüi, mbaetɨ ɨ pe ndeyoe vae, yukɨ pe ave mbaetɨ ndepichɨ vae jare mbaetɨ neoma ñomaa pe vae.

EZEQUIEL 16:4 ပူးပေါင်းရင်းမြစ်များ

GÉNESIS 15:13

Jayave yandeYa jei Abram pe: —Añetete, neñemuña reta yogüɨrekota ɨvɨ ambuae pe, joko pe yogüɨreko retata tembiokuai oyeguagüe rami, jare oiporara retata cuatrociento año rupi.

LAMENTACIONES 2:20

Emae cheYa Tumpa, mbaetɨi ko kia jökorai reyapo. ¿Kuña reta jouta pa imembɨ raɨ ovoɨ vae? ¿Sacerdote jare ñeemombeúa oyeyukaukata pa o mbaemboetea pe?

LAMENTACIONES 2:22

Rembou cheve ketɨ ketɨ güi kɨɨye, metei arete ikavía pe yogüeru vae rami; cheYa, ndearasɨ iara pe mbaetɨ kia oasayepe ndegüi vae. Che ambokuakuaa vae jare ayangareko jese vae reta, cherovaicho reta opa oyuka.

EZEQUIEL 16:3

Ere chupe reta: ‘Körai jei yandeYa Tumpa Jerusalén regua: Jerusalén, ndeɨpɨ jare rea pɨpe vae jae ko ɨvɨ Canaán; nderu jae ko amorreo jare ndesɨ jae ko Het iñemuña pegua.

EZEQUIEL 20:13

Ërei Israel iñemuña reta oyembopɨapochɨ chekotɨ ñuu pe; jare mbaetɨ yogüɨreko reta cheporookuai reta rupi, güɨröɨro reta, kia oendu jare oyapo yave oikoveta vae; omboeteä reta cheara reta mbutuu pegua. Jáeramo ayemongeta aitɨ vaerä chearasɨ jese reta ñuu pe, opa vaerä amokañɨtei reta.

EZEQUIEL 20:8

Ërei oyembopɨapochɨ reta chekotɨ, jare ñäteɨ oyeapɨsaka reta cheré, mbaetɨ oeya itumpa-raanga reta, mbaetɨ oeya Egiptoɨgua reta itumpa-raanga. Jare jae aitɨ vaerä chearasɨ jese reta jókuae ɨvɨ Egipto pe; chepɨakatu vaerä apɨta chearasɨ güi.

OSEAS 2:3

Mbaetɨ yave oyapo, apɨ̈rota chugüi imbaembae jare amonandita; añonota jókuae ara ichɨ güi oa ramo yave rami, aipoepɨta ñuu ipombae pe, ɨvɨ otini vae pe, ayukaukata ɨuve pe.

OSEAS 2:5

Iyaguasa pota oyeapo ichɨ; mbaetɨ oyemboeteuka jei yave: ‘Taja taeka cheaguasa reta; tembíu jare ɨ, vecharaagüe jare lino, olivo iasaite jare kägüi omee cheve vae reta.’

San Lucas 2:12

Jare köraita peikuaa: Peväeta michia oñeoma oï metei ñomaa pe jare oyapakua oï metei mɨmba ikaruarɨru pe.”

San Lucas 2:7

Jare María imembɨrɨpɨ kuimbae oa. María oñoma metei ñomaa pe jare omboyapakua metei mbaemɨmba ikaruarɨru pe. Echa mbaetɨ chupegua retarä o.

DEUTERONOMIO 15:15

Pemaendúa peikose tembipɨɨ Egipto pe vae re, jare yandeYa Tumpa perenoe. Jáeramo che amee peve kuae mborookuai.

DEUTERONOMIO 5:6

‘Che ko jae peYa Tumpa perenoe ɨvɨ Egipto güi vae, yeokuai renda güi.

JOSUÉ 24:2

Jare Josué jei opaete vae pe: —Körai jei yandeYa, Israel iTumpa: “Arakae ete, peñemuñagüe Taré, Abraham jare Nacor tu, yogüɨrekose ɨ̈aka Éufrates jembeɨ pe; jare omboetese reta yepi tumpa ambuae.