EZEQUIEL 16:16 - Biblia Guarani Tumpa Iñee

¹⁶ Nderemimonde reta pe reyapo o mbaemboetea reta ɨvɨtɨ rupi, jare reiko aguasa pe joko pe. Mbaetɨi kuae nunga oyeapo, jare ngaraa ye oyeapo jókuae nunga.

EZEQUIEL 16:16 ပူးပေါင်းရင်းမြစ်များ

2 REYES 23:7

Omboai vi o reta, kuimbae reta oyogüɨroke rupi ombaemboete pɨpe vae yandeYa jo iyɨ́vɨri ñogüɨnoi vae, joko pe vi kuña reta oyapo asoya Asera peguarä.

OSEAS 2:8

Ërei jae mbaetɨ oikuaa che ko amee chupe trigo, vino jare olivo iasaite vae; che ko amoïru korepoti jare oro, pɨpe oyapo reta itumpa-raanga Baal vae.

EZEQUIEL 7:20

Oyembotuicha reta, mbaembae jepɨ ipöra vae güɨnoi reta vae rupi; jókuae mbaembae jepɨ ipöra vae pe oyapo reta itumpa-raangarä ikavimbae yae vae. Jáeramo che aipoepɨta ɨtɨrä jókuae reta.

2 CRÓNICAS 28:24

Acaz omboatɨ tembiporu reta Tumpa jo pegua jare opa oyoka, javoi oyokenda yandeYa jo jöke jare oyapouka iyeupe mɨmba oyeyuka oyeapɨ jese vae opaete Jerusalén rupi.

ISAÍAS 57:7

Ɨvɨtɨ ɨvate yae vae iyapɨte re, reñono nderupa, joko pe vi reyeupi remee mɨmba oyeyukagüe.

EZEQUIEL 16:15

Ërei reyerovia ndeyé nepöra jeko pegua, jare nerërakua yae vae reipoepɨ ndembokere vaerä, reñemee opaete oasa jokoropi vae pe.

EZEQUIEL 16:17

Reipɨɨ vi reñemopöra pɨpe vae ndembaembae, oro jare korepoti pegua che amee ndeve vae, jare reyapo kuimbae iä reta, reyapo vaerä aguasa.

JEREMÍAS 2:10

Peasa ɨ päu Quitim kotɨ jare pemae; pemondo kia Cedar pe, omae kavi vaerä jese, jae reta oyapo vi ra, kuae pegua reta rami.

EZEQUIEL 23:1

YandeYa jei cheve:

OSEAS 2:10

Iyaguasa reta jovake amonandita ¡Ngaraa kia oepɨ chegüi!