EZEQUIEL 15:4 - Biblia Guarani Tumpa Iñee

⁴ Oyeapɨ vaeräño ikavi. Tata pe oñeñono yave, jarembae voi opa ókai. ¿Mbaerä pa ikavita jayave?

EZEQUIEL 15:4 ပူးပေါင်းရင်းမြစ်များ

SALMOS 80:16

Opaetei ókai oï, opa oyemboai, emokañɨtei ndearasɨ rupi iyasɨaa jare japɨa reta.

ISAÍAS 1:31

Kuimbae imbaepuere vae mbae javiyugüe ramiñota, jare jembiapo reta tatapiriri ramiñota; mókoi reve voi jendɨta jare mbaetɨta kia ombogüe vaerä.”

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

EZEQUIEL 15:3

Uva iɨgüe ikaviä etei ko mbaerä. ¡Mbaerendarä ave mbaetɨ ikavi!

EZEQUIEL 15:5

Ndei ókai mbove mbaetɨ mbaerä ikavi. ¡Vɨtei pa añave opa ma ókai güire, mbaetɨ ikavi mbaerä!

EZEQUIEL 15:6

Jáeramo che peYa jae körai: Uva iɨ oyemombo tata pe ókai vaerä rami, jökorai amombota Jerusalén pe yogüɨreko vae reta tata pe.

EZEQUIEL 19:14

Iyɨpɨ güi oë tata, opa oapɨ jäka jare ia reta, mbaetɨ etei opɨta jäka ipoguasugüe mburuvicha guasu reta ipo peguarä.’ ” Jae kuae tairari yaeo pegua, jare yaeo peguarä toyeporu.

AMÓS 4:11

“Pomokañɨtei, Sodoma jare Gomorra opa amboai rami; tatasɨgüe tata güi oñerenoegüe rami peasayepe, ¡ërei mbaetɨ peyerova ye chekotɨ!” Jei yandeYa.

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

San Mateo 3:12

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”

San Juan 15:6

Jókuae mbaetɨ oï cheré vae oyemombota metei jäka oyeasɨa oyemombo yɨpi vaerä vae rami. Jare yɨpigüe oyemboatɨ jare oyemombo oyeapɨ vaerä.

Hebreos 12:29

echa ñaneTumpa ko tata opaetei oapɨ mbae oeya vae rami vae.

Hebreos 6:8

ërei jókuae ɨvɨ pe oñemoña yave ñurati katuai, ɨvɨ iya jeita: “Mbaetɨ ikavi kuae ɨvɨ.” Tumpa oyepopeyuta jese jare opata oyeapɨ.