EZEQUIEL 14:4 - Biblia Guarani Tumpa Iñee

⁴ Nemiari jae reta ndive, ere chupe reta: ‘Körai jei yandeYa Tumpa: Opaete Israel iñemuña reta oñono ipɨa pe tumpa-raanga reta omboete vaeräño vae, jare omae reta jókuae mbaeyoa oyapouka chupe reta vae kotɨño, jare ou oparandu ñeemombeúa pe vae, che peYa jaeta jókuae ou vae pe, jeta itumpa-raanga güɨnoi rupi.’

EZEQUIEL 14:4 ပူးပေါင်းရင်းမြစ်များ

2 REYES 1:16

jare jei chupe: —Körai jei yandeYa: “Remondo ñee jerajaa reta oparandu vaerä Baal-zebub tumpa Ecrón pegua pe, ¿mbaetɨ pa Israel pe Tumpa, reparandu vaerä chupe? Kuae jeko pegua ngaraa ma repüa jókuae nderupa güi, echa remanota.”

ISAÍAS 3:11

¡Paravete iyoa vae! Ngaraa ojo kavi, echa iyoa reta oï rupi jekoviata chupe.

ISAÍAS 66:4

Jayave, che aiparavota vi tembiporara chupe reta, aruta chupe reta, jae reta okɨɨye yae chugüi vae. Echa aporoenɨi tëi yave mbaetɨ kia omboyevɨ cheve, cheñee amoë tëi yave, mbaetɨ kia oendu cheve; ikavimbae oyapo reta cheróvai, oiparavo reta iyeupe, mbaetɨ etei ipöra cheve vae.”

EZEQUIEL 14:3

“Nde kuimbae, kuae kuimbae reta oñono ipɨa pe tumpa-raanga reta omboete vaeräño, omae reta jókuae mbaeyoa oyapouka chupe reta vae kotɨño. ¿Amaeñota yera oparandu reta mbae re cheve?

EZEQUIEL 14:6

Jáeramo ere Israel iñemuña reta pe: ‘Körai jei yandeYa Tumpa: Peyerova ye chekotɨ, peyembosɨrɨ petumpa-raanga reta güi, jare peeya opaete pɨ̈chɨi yae vae.’

EZEQUIEL 14:7

Echa oipotagüe kuimbae Israel iñemuña reta ani ketɨgua reta Israel pe yogüɨreko vae opia yave chegüi, jare oñono ipɨa pe tumpa-raanga reta omboete vaeräño, omae reta jókuae mbaeyoa oyapouka chupe reta vae kotɨño vae, javoi ou ñeemombeúa pe oparandu vaerä cheve yave, che etei amombeuta chupe oipota oikuaa vae.

EZEQUIEL 2:7

Nde emombeu chupe reta cheñee, ipuere oyeapɨsaka nderé ani mbaetɨ vi, echa jae reta ko iñeereendumbae.

EZEQUIEL 3:4

Jayave jei cheve: “Nde kuimbae, ekua emoërakua Israel iñemuña reta pe, emombeu chupe reta cheñee reta.

EZEQUIEL 44:12

Oyeokuai reta tumpa-raanga reta jare oyavɨuka reta Israel iñemuña reta pe jeko pegua. Jáeramo jae cheree re ae ikotɨ reta, toiporara reta iyoa re ae.

SOFONÍAS 1:3

Amokañɨteita kuimbae reta, mɨmba reta, güɨra reta, pira reta, ngaraa amaeño iyoa vae re; amokañɨteita kuimbae reta ɨvɨ iárambo güi.” YandeYa jei körai: