EZEQUIEL 13:9 - Biblia Guarani Tumpa Iñee

⁹ Aiporaraukata jókuae ñeemombeúa jei raangaiño vae pe, jare imbaekuaa rupi maratuta vae omombeu rami iyapu reve vae pe. Kuae reta ngaraa ma ñogüɨnoi chembae vae reta ipɨte pe, ngaraa jee oñemoapɨta Israel iñemuña reta jee oïa pe, jare ngaraa vi yogüeru ye Israel iɨvɨ pe. Jayave pe reta chekuaata che ko jae peYa vae.

EZEQUIEL 13:9 ပူးပေါင်းရင်းမြစ်များ

1 REYES 13:18

Ërei indechi vae jeiete yapu reve omoñera: —Che jae vi ko Tumpa iñeemombeúa nde rami, metei araɨgua omombeu Tumpa iñee cheve jei reve: “Ekua eru ndero pe. Tokaru jare tou ɨ.”

ESDRAS 2:59

Jae kuae reta yogüeru tëta reta Tel-mela, Tel-harsa, Querub, Addán jare Imer güi vae, jare mbaetɨ ipuere oikuaa kia nunga Israel iñemuña pegua ko vae, Jae kuae reta:

NEHEMÍAS 7:62

Delaía iñemuña reta, Tobías iñemuña reta jare Necoda iñemuña reta, opaete reve seisciento cuarenta y dos.

NEHEMÍAS 7:64

Kuae reta oeka tëi iñemuñagüe reta jee reta oñemoapɨtaa pe, ërei mbaetɨ oväe reta, jáeramo omoë reta mbaravɨkɨ sacerdote pegua güi.

SALMOS 101:7

Iporombotavɨse vae ngaraa oiko chero pe; ¡metei ave iyapu vae ngaraa oiko cheróvai!

SALMOS 69:28

Opa vi emboai oikove vae reta jee oyekuatía ñogüɨnoia güi, jare agüɨye toyekuatía jupi vae reta jee ipɨte pe.

SALMOS 69:5

CheRu Tumpa, nde reikuaa che chearakuaambae vae, jare cheyoa reta mbaetɨ ko oñemi ndegüi.

SALMOS 87:6

YandeYa omoapɨtata tembikuatía pe, tëta reta jee oñemoapɨta oïa pe, jare jeita: “Kuae oë chugüi.”

SALMOS 95:11

Jáeramo, chearasɨ reve jae: ‘Mbaetɨta oike reta mbutuu ameeta vae pe.’ ”

ISAÍAS 4:3

Sión pe jembɨre vae reta, jae ko Jerusalén pe jembɨre vae reta, ombojee retata, “Oñeñono tee Tumpa peguarä vae reta”. Opaete Jerusalén pe oikove vɨteri vae reta, jee oñemoapɨta ñogüɨnoi rami,

JEREMÍAS 14:15

Jáeramo che peYa jae, jókuae ñeemombeúa reta cheree re omoërakua mbaetɨ tëi ambou reta vae regua, echa omoërakua reta mbaetɨta ñeraro ani karuai kuae ɨvɨ pe vae; jae reta omanota ñeraro jare karuai rupi.

JEREMÍAS 17:13

CheYa Tumpa, nde jae ko Israel iyeroviaka. Opaete ndereeya vae imarata ko. Opaete oyembosɨrɨ ndegüi vae, okañɨta metei kuimbae jee oyekuatía ɨvɨkúi re rami, echa ndereeya, nde ɨesaɨ osɨrɨ vae.

JEREMÍAS 23:20

Ngaraa osɨrɨ yandeYa iyarasɨ, oyeapo regua jae oyapota vae, oyapo regua jae ipɨa pe oyemongeta vae. Oväeta ara peikuaa kavi vaerä kuae mbaembae reta.

JEREMÍAS 4:9

YandeYa jei: “Jókuae ara oväe yave, mburuvicha guasu reta jare mburuvicha reta ipɨakɨɨyeta, sacerdote reta kïrii ngatuta ipɨakañɨ güi, jare ñeemombeúa reta ipɨakañɨta.”

EZEQUIEL 11:10

Ñeraro pe pemanota. Che pojäata kuae ɨvɨ Israel japɨpe pe, jayave pe reta chekuaata che ko jae peYa vae.

EZEQUIEL 12:20

Opaete tëta guasu reta oyemboaita jare ɨvɨ opɨtata ipombae; jayave pe reta chekuaata, che ko jae peYa.’ ”

EZEQUIEL 13:14

Jökorai ambosururuta jókuae oguambɨ pembotuyuapo tëi vae; ambosururuta ɨvɨ re, oyekuaata oguambɨ iguapɨka. Osururuta peré, pemanota igüɨ rupi. Jayave pe reta chekuaata che ko jae peYa vae.

EZEQUIEL 13:23

Jáeramo, ngaraa ye ma peecha oyekuaa raanga peve vae, jare ngaraa ma pemoërakua imbaekuaa vae maratuta vae re omoërakua rami. Che aepɨta chembae vae reta pepo güi, jayave pe reta chekuaata che ko jae peYa vae.’ ”

EZEQUIEL 20:38

Ambosɨrɨta pegüi ipɨapochɨ vae reta, jare oyembopɨapochɨ chekotɨ vae reta; anoe retata ɨvɨ ambuae güi, añave yogüɨrekoa güi, ërei ngaraa oike reta Israel iɨvɨ pe. Jayave pe reta chekuaata che ko jae peYa vae.

DANIEL 12:1

Jókuae ara opüata araɨgua Miguel mburuvicha tenondegua ete, nerëtara Israel iñemuña reta iyangarekoa. Outa mbɨatɨtɨ iara, mbaetɨi jókuae nunga, arakae kuimbae oyeapo ramo güive vae. Ërei jókuae ara oasayepeta nerëtaɨgua reta, opaete jee oyekuatía oï tupapire pe vae.

OSEAS 4:5

Jáeramo ara pe ani pɨ̈tu yave peata ñeemombeúa oata vi pe ndive, jare ndesɨ amokañɨteita.

OSEAS 9:3

Efraín pegua reta yogüɨraja yeta Egipto pe jare Asiria pe, joko pe jou retata tembíu mbaetɨta tëi oyeu vae. Mbaetɨta opɨta reta yandeYa iɨvɨ pe,

MIQUEAS 3:5

Körai jei yandeYa, ñeemombeúa reta regua: “Chembae vae reta pe oyavɨuka vae reta jei: ‘Toime mbɨakatu’ jei reta osapúkai omongaru vae reta pe, ërei mbaetɨ omongaru vae reta pe oeka reta ñeraro.”

MIQUEAS 3:6

“Jáeramo, ñeemombeúa reta pe pɨ̈tu ramita, pɨtumimbi ramita mbae re oikuaa vae reta pe.” Ñeemombeúa reta pe oiketa kuaraɨ; ara oyembopɨtumimbita chupe reta.

San Lucas 10:20

Ërei agüɨye peyerovia mbaepuere aña reta re penoi vae re. Ërei peyerovia peree oyekuatía ma oï ara pe vae re.

Filipenses 4:3

Jare che romoñera, nde cheparavɨkɨ ïru ete, remborɨ vaerä kuae kuña reta. Echa jae reta oparavɨkɨ täta che ndive, romombeu vaerä ñee ikavi vae. Oparavɨkɨ reta Clemente ndive jare ïru che ndive oparavɨkɨ vae reta ndive vi. Kuae reta jee oñemoapɨta ma tupapire tekove pegua pe.

Hebreos 12:23

Tumpa taɨ tenondegua reta jee oñemoapɨta oï ara pe vae reta re, Tumpa re, opaete vae ojäa vae, kuimbae reta Tumpa ombojupi vae reta iespíritu re,

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 20:12

Jare aecha omanogüe reta oyemboɨ ñogüɨnoi Tumpa jóvai, okuakuaa vae reta jare michia reta. Jare tembikuatía reta oyepea, jare oyepea ïru tembikuatía, jae ko tembikuatía tekove pegua. Jare omanogüe reta oñejäauka jembiapo reta tembikuatía reta pe oyekuatía oï rupi.

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.