EZEQUIEL 13:10 - Biblia Guarani Tumpa Iñee

¹⁰ Jae reta ombotavɨ chembae vae reta, jei reta chupe: ‘Opaete mbae jaekaviño ko oï’, mbaetɨ etei reve mbae ikavi oï. Kia oguambɨ omopüa, jare ïru omotɨnɨe tuyuapoiño pe vae rami ko.

EZEQUIEL 13:10 ပူးပေါင်းရင်းမြစ်များ

2 REYES 21:9

Ërei jae reta mbaetɨ oendu. Manasés oasa ete oyapouka ikavimbae chupe reta tëtaguasu pegua reta jeko kavimbae, yandeYa opa omokañɨtei Israel iñemuña reta güi vae güi.

2 CRÓNICAS 18:12

Jare jókuae ojo Micaías ombou vae, jei chupe: —Mase, opareve ñeemombeúa reta omombeu ikavi vae mburuvicha guasu pe. Romoñera rere vaerä jae reta rami ikavi vae.

PROVERBIOS 12:26

Jupi vae oechauka kavi tape japicha pe, ërei iyoa vae reta oyavɨuka japicha pe.

ISAÍAS 30:10

Maratuta vae imombeúa reta pe jei: “Agüɨye peecha mbae maratuta vae”, ñeemombeúa reta pe jei: “Agüɨye pemombeu oreve jupi rupi; pere oreve mbae ipöra vae, mbae nunga oremboyerovia vaeño.

ISAÍAS 57:21

Iyoa vae reta peguarä mbaetɨ mbɨakatu.” Jei cheTumpa.

JEREMÍAS 14:13

Jare che jae chupe: “¡Atataɨ cheYa Tumpa! Ñeemombeúa reta ko omoërakua kuae tëta pe mbaetɨta ñeraro, karuai jare nde remeeta chupe reta mbɨakatu opambae vae kuae pe vae.”

JEREMÍAS 23:17

Cheñee güɨröɨro vae reta pe jei reta: ‘YandeYa jei opaete mbae oë kavita ko peve.’ Jare opaete ipɨa jeigüe reño yogüɨreko vae reta pe jei reta: ‘Ngaraa mbae ikavimbae ou peve.’ ”

JEREMÍAS 23:32

Che ayovaicho jókuae ñeemombeúa reta omombeu ipaɨu añetembae vae reta kotɨ; iñee ngatu jare iñee-yukɨ rupi oyavɨuka chembae vae reta pe. Che mbaetɨ ko ambou, mbaetɨ vi ayókuai, jayave jókuae reta mbaetɨ etei ko ipuere omborɨ opaete vae reta. Che ndeYa ko jae kuae.

JEREMÍAS 28:9

Ërei metei ñeemombeúa omoërakua yave mbae ikavi vae, iñee oyembopo yaveño opaete vae güɨroviata Tumpa ko ombou vae.

JEREMÍAS 4:10

Jare jae: “¡Atataɨ cheYa, rembotavɨ ete kavi opaete vae reta, kuae Jerusalén pegua reta! Mbɨakatu rerökuavee chupe reta, ërei jae reta oiporara yae ñogüɨnoi.”

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 50:6

Tëta chembae vae vecha okañɨgüe rami ko, mbaetɨ güɨroata kavi iyangarekoa reta, omaeño okañɨ reta ɨvɨtɨ rupi. Opa yogüɨraja ɨvɨtɨ reta rupi, iñakañɨ regua jókai güi.

JEREMÍAS 6:14

Chembae vae reta ombopɨakatu vaerä jei reta, opaete mbae jaekavi ko oï, mbaetɨ tëi ikavi oï reve.

JEREMÍAS 8:11

Chembae vae reta ombopɨakatu vaerä jei reta, opaete mbae jaekavi ko oï, mbaetɨ tëi ikavi oï reve.

JEREMÍAS 8:15

Ñaäro tëi mbɨakatu, ërei mbaetɨ etei mbae nunga ikavigüe oväe yandeve; ñaäro tëi yakuera katu yae vaerä, ërei kɨɨyeño oväe yandeve.

EZEQUIEL 13:16

jókuae ñeemombeúa reta ñogüɨnoi Israel pe vae, oecha raanga mbɨakatu vae omombeu reta Jerusalén pe, mbaetɨ etei reve mbɨakatu.’ Che peYa Tumpa jae.

EZEQUIEL 22:28

Neñeemombeúa reta omombeu jaangaiño mbae outa vae, imbaekuaa vae maratuta vae re omombeu iyapu reve ramiño ko, jei reta: ‘YandeYa Tumpa jei körai.’ Ërei che mbaetɨ chemiari chupe reta.

EZEQUIEL 7:25

Kañɨtei outa, oeka reta tëita vɨakatu, ërei ngaraa oväe chupe reta.

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

MALAQUÍAS 3:15

Jare yae añave: ‘Oyembopɨa pochɨ vae reta oyerovia yae, ikavimbae oyapo vae reta ikavi yogüɨreko, ojäa reta tëi Tumpa ipɨaguasu, ërei mbaetɨ oiporara reta.’ ”

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

1 Timoteo 4:1

Ërei Espíritu Santo omombeu kavi yandeve kërai ara reta taɨkuegua pe amogüe vae oyerovata iporogüɨrovia güi, ojo vaerä espíritu oporombotavɨ vae reta ndive jare aña reta iporomboe rupi,

2 Timoteo 3:13

ërei ikavimbae vae iyapoa reta jare oporombotavɨ vae reta, jeieteta ikavimbae oyapo. Jae reta oporombotavɨta jare oyembotavɨukata vi.

1 Juan 2:26

Körai aikuatía ma peve, oipota pembotavɨ vae reta regua.

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.