EZEQUIEL 12:2 - Biblia Guarani Tumpa Iñee

² “Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

EZEQUIEL 12:2 ပူးပေါင်းရင်းမြစ်များ

2 REYES 17:14

Ërei Israel iñemuña reta mbaetɨ oendu, ipɨatäta yae reta iñemuñagüe reta ipɨatäta yae rami, echa jae reta mbaetɨ güɨrovia iYa Tumpa;

2 REYES 17:15

güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

SALMOS 78:40

¡Mbovɨ ye rupi oyembopɨapochɨ reta ikotɨ, omboarasɨuka reta ñuu pe!

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 30:1

YandeYa jei: “¡Paravete, cheraɨ oyembosɨrɨ chegüi vae reta, oyemongeta reta mbae oyapo vaerä, oparandumbae reve cheve, oyupavo reta mbae oyapo vaerä, mbaetɨ reve che añono ipɨa pe, jökorai jeiete omoïru reta mbaeyoa iyeupe!

ISAÍAS 30:9

Echa kuae tëta pegua reta ko ipɨapochɨ vae jare yapu yae vae, mbaetɨ oipota reta oendu yandeYa iporookuai vae.

ISAÍAS 43:8

Pembou tëta chembae vae, oime tëi jesa, ërei jesambae rami, oime tëi iyapɨsa, ërei iyapɨsambae rami.

ISAÍAS 44:18

Jókuae nunga reta mbaetɨ mbae oikuaa, mbaetɨ iyarakuaa; echa jesa oñeova oï rami mbaetɨ ipuere mbae oecha, jaeramiño vi ipɨa mbaetɨ ipuere mbae oikuaa.

ISAÍAS 6:5

Jayave jae: “¡Atataɨ, maera pa ko amanota! Echa che kuimbae iyuru ikɨa Tumpa jóvai reve, jare tëta iyuru ikɨa Tumpa jóvai vae reta ipɨte pe aiko reve aecha Mburuvicha guasu, yandeYa Imbaepuere yae ete vae.”

ISAÍAS 65:2

Ara ñavo arökuavee tëi chepo tëta ipɨapochɨ vae pe, jókuae tëta oguata tape ikavimbae rupi, ipɨa jemimbota rupiño.

JEREMÍAS 4:17

Oimama retata tëta guasu reta Judá pegua, ko reta re oyangareko vae reta rami, echa oyembopɨapochɨ reta chekotɨ. Che ndeYa jae kuae.

JEREMÍAS 5:21

Peendu kuae, pe yarakuaambae jare ipɨa täta vae reta, oime tëi peresa reta, ërei mbaetɨ peecha, oime tëi peapɨsa reta, ërei mbaetɨ peendu.

JEREMÍAS 5:23

Ërei ngatu pe reta peyembopɨa täta jare peyembopɨapochɨ; peyerova chegüi jare opa chereeya.’

JEREMÍAS 7:26

Ërei ngatu pe mbaetɨ peyapo che jae peve vae, jaeño peyembopɨa täta oasa ete ye peñemuñagüe reta güi.

EZEQUIEL 12:1

YandeYa jei cheve:

EZEQUIEL 12:25

Echa che chemiarita, jare jae vae oyembopota jupivei. Pe tëta ipɨapochɨ vae reta, pe etei ko peechata oyembopo vae. Che peYa ko jae kuae.”

EZEQUIEL 17:12

“Eparandu kuae tëta ipɨapochɨ vae pe, oikuaa reta ra kuae oyembojaanga vae re. Ere chupe reta: ‘Mburuvicha guasu Babilonia pegua ou Jerusalén pe oipɨɨ mburuvicha guasu Judá pegua jare iyɨvɨrigua mburuvicha reta, jare opa güɨraja reta jupíe Babilonia pe.

EZEQUIEL 2:3

jei cheve: “Nde kuimbae, romondota Israel iñemuña reta pɨri, metei tëta iñeereendumbae, oyembopɨapochɨ chekotɨ vae reta kotɨ. Jae reta jare iñemuñagüe reta oyembopɨapochɨ ckekotɨ añave regua.

EZEQUIEL 24:3

Jare kuae tëta oyembopɨapochɨ chekotɨ vae pe ere rembojaanga reve: YandeYa Tumpa jei cheve: ‘Eñono metei yapepo tata pe jare eñono ɨ pɨpe,

EZEQUIEL 3:9

Roapota täta yae ita diamante jee vae täta yae ïru ita reta güi rami. Agüɨye eipoɨu ani ekɨɨye chugüi reta, echa jae reta ipɨapochɨ yae ko.”

EZEQUIEL 44:6

Ërei ere jókuae ipɨapochɨ vae Israel iñemuña reta pe: ‘Körai jei yandeYa: ¡Joko peño mo! Pe ikavimbae yae vae iyapoa reta, Israel iñemuña reta.

San Marcos 4:12

Kuae ayapo agüɨye vaerä oikuaa kavi, yepe tëi oecha reta, ërei mbaetɨ oecha kavi reta, yepe tëi oendu reta, ërei mbaetɨ oikuaa reta, agüɨye vaerä oyerova reta Tumpa kotɨ, iyoa reta oyemboai vaerä.”

San Lucas 8:10

Jayave Jesús jei chupe reta: “Amombeu ma peve Tumpa iporookuaía regua peikuaambae vae, ërei ïru vae reta amboe ambojaanga reve, yepe tëi oecha reta, agüɨye vaerä oecha reta, jare yepe tëi oendu reta, ërei mbaetɨta oikuaa reta.

San Juan 12:40

“Tumpa oesaöva reta jare ombopɨa täta, agüɨye vaerä oecha kavi reta jare agüɨye vaerä oikuaa kavi reta, jare agüɨye vaerä oyepoepɨ reta. Echa oyepoepɨ reta yave, Tumpa ombogüerata.”

2 Corintios 3:14

Ërei Israel iñemuña reta oikuaa kaviä. Echa jekuaeño iyarakuaa oyeasoi oï, Moisés jova oyasoi äka-soia pe rami omongeta reta yave morogüɨrökuavee päve indechi vae. Ërei Cristo rupiño ipuere oyepea.

Efesios 4:18

echa iyemongeta oyembopɨtumimbi ma. Mbaetɨ güɨnoi reta tekove Tumpa omee vae, mbaetɨ oikuaa reta ipɨatäta ramo;

DEUTERONOMIO 29:3

pe reta peecha ko opaete jókuae yemboaporova tuichagüe jare mɨakañɨ tuichagüe.

DEUTERONOMIO 29:4

Ërei mbaetɨño yandeYa omee peve peikuaa vaerä, peecha vaerä jare peendu vaerä mbae ko oipota jei opaete kuaekuae vae.

DEUTERONOMIO 31:27

Echa che aikuaa pepɨapochɨ jare pepɨa täta vae; añave rupi oimeño vɨteri aiko pepɨte pe yave viña pa pepɨapochɨ yandeYa kotɨ, ¡vɨtei ndipo amano ma yave!

DEUTERONOMIO 9:24

¡Che amboɨpɨ pokuaa güive pepɨapochɨ reteiño yandeYa kotɨ!

DEUTERONOMIO 9:7

Agüɨye peakañɨ pemboarasɨuka yandeYa Tumpa ñuu pe vae güi. Pepɨapochɨ ko yandeYa kotɨ ɨvɨ Egipto güi peë güive kuae pe peväe regua.