EZEQUIEL 12:12 - Biblia Guarani Tumpa Iñee

¹² Juvicha jae reta ndive oï vae, ovoɨta ivoɨta iyatiɨ re jare oëta jeseve oguambɨ tëta ikësea oyemombu vae rupi jäve jäve ma yave; oñovata jova agüɨye vaerä oecha jókuae ɨvɨ.

EZEQUIEL 12:12 ပူးပေါင်းရင်းမြစ်များ

2 REYES 25:4

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi; ojo mburuvicha guasu tape Arabá kotɨ ojo vae rupi.

2 REYES 7:5

Jayave, pɨ̈tu ma yave opüa reta yogüɨraja Siriaɨgua reta jeyupa kotɨ; ërei opata ma yogüɨraja oväe yave, oecha reta mbaetɨ etei kia joko pe vae.

JOB 24:16

Imonda vae oike pɨ̈tu yave o reta rupi, ara pe oyeokenda reta o pe, tembipe jovaicho reta ko.

JEREMÍAS 24:8

Ërei ngatu Sedequías, mburuvicha guasu Judá pegua, jare mburuvicha reta jare ïru Jerusalén pegua reta opɨtaño kuae ɨvɨ pe vae, ani oñemoëta Egipto pe vae, amaeta jese reta ɨva ikavimbae yae vae rami, jókuae mbaetɨ etei ikavi oyeu vaerä vae rami.

JEREMÍAS 32:5

jare Nabucodonosor güɨrajaukata Sedequías Babilonia kotɨ, jare joko pe opɨtata che ayu ye chupe regua; yepe tëi peñeraro Caldeaɨgua reta ndive, ërei ngaraa pepuere, Che peYa jae kuae.’ ”

JEREMÍAS 37:17

mburuvicha guasu Sedequías omondo güɨnoeuka jare güeruruka jae oïa pe; jare Jeremías oyereraja ma mburuvicha guasu jóvai yave, jae oparandu vɨari chupe: —¿Oime pa mbae nunga ñee yandeYa güi? Jeremías jei chupe: —Oime. Jae ko kuae: “Nde cheruvicha guasu, reata mburuvicha guasu Babilonia pegua ipo pe.”

JEREMÍAS 39:4

Jare mburuvicha guasu Sedequías jare isundaro reta oecha yave kuae oasa oï vae, otekuarai reta tëta guasu güi. Ñogüɨnoe reta pɨ̈tu yave, tape mburuvicha guasu iko raɨ rupi oasa vae rupi, öke tëta guasu ikësea mókoi oyóvai ñogüɨnoi vae ipäu pe oï vae rupi, jare yogüɨraja tape Arabá kotɨ ojo vae rupi.

JEREMÍAS 42:7

Jare payandepo araa pe yandeYa imiari Jeremías pe,

JEREMÍAS 52:7

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta ndive otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi, jare mburuvicha guasu ojo tape Arabá kotɨ ojo vae rupi.

EZEQUIEL 12:4

Ara pe etei enoe ndembaembae reta opaete vae jovake, reota reï tembipɨɨrä oyereraja ïru ɨvɨ pe vae rami; jaeramiño vi kaaru yave opaete vae reta jovake, reëta tembipɨɨrä oyereraja ïru ɨvɨ pe vae rami.

EZEQUIEL 12:6

Jare jäve jäve ma yave, evoɨ ndevoɨta jare eë jeseve opaete vae jovake. Eñova nderova, agüɨye vaerä reecha kuae ɨvɨ. Echa roñono ko rembojaanga vaerä Israel iñemuña reta pe.”