EZEQUIEL 11:9 - Biblia Guarani Tumpa Iñee

⁹ Aiporaraukata pereko re peve: Pogüɨnoeta kuae tëta guasu güi, jare pomeeta ketɨgua reta ipo pe.

EZEQUIEL 11:9 ပူးပေါင်းရင်းမြစ်များ

2 REYES 24:4

jekombae reta oyuka vae re, echa jeta yae Jerusalén pe jekombae reve omano vae; jáeramo yandeYa mbaetɨ oipota iñɨ̈ro chupe.

ESDRAS 9:7

Oreñemuñagüe reta yogüɨreko güive voi ma roiko mbaeyoa rupi, orereko pɨ̈chɨi jeko pegua, ore, oreruvicha guasu reta, jare oresacerdote reta ndive, opa roñemeeuka ïru ɨvɨ pegua mburuvicha guasu reta ipo pe, royeyukauka, royererajauka oreɨvɨ güi, ropɨ̈rouka orembaembae, ñemomarai rupi roiko añave regua.

SALMOS 106:30

Ërei Finees opüa jare oyuka jókuae teko iya, jökorai jókuae manoɨvɨ osondo.

SALMOS 106:41

omee tëtaguasu reta ipo pe, jare jovaicho reta güɨnoi mbaepuere jese reta;

ECLESIASTÉS 8:11

Echa mbaetɨ oñejäa voi oiporara vaerä jókuae ikavimbae iyapoa ramo, kuimbae reta oyemongeta oyapo vaerä ikavimbaeño.

JEREMÍAS 29:20

Peendu mo cheñee, opaete pe reta pogüɨrajauka Jerusalén güi Babilonia kotɨ vae reta.’)

EZEQUIEL 11:7

Jáeramo, yandeYa Tumpa jei körai pekotɨ: Jerusalén oïta metei yapepo rami, ërei pe reta mbaetɨta peï soorä, peyukagüe reta oïta soorä; ërei pe reta pogüɨnoeta jókuae yapepo güi.

EZEQUIEL 16:38

Rojäata reyuvanga menda re jare reporoyuka vae jeko pegua, jare cherägüɨro ramo chearasɨ reve romeeta mano pe.

EZEQUIEL 16:41

Oapɨ retata ndero reta, jare ndereko ojäa retata jeta vae kuña reta jóvai. Jökorai amboapɨta ndeaguasa pota vae, ngaraa ye remboepɨ ndeaguasa reta pe.

EZEQUIEL 21:31

Aitɨta nderé chearasɨ, metei tata jendɨ yavaete vae rami; romeeta kɨɨyea yae reta jare ipïrimbae oporomboai vae reta ipo pe.

EZEQUIEL 30:19

Aiporaraukata Egipto pegua reta pe, jayave oikuaa retata che ko jae Tumpa vae.”

EZEQUIEL 5:10

Jáeramo, nderapɨpe oimeta kia jou taɨ reta vae, ani taɨ reta jou tu reta vae. Aiporaraukata ndeve, jare oikoveño opɨta vae reta amoaita oipota rupi.

EZEQUIEL 5:15

Chearasɨ reve aiporarauka ma ndeve yave, tëtaguasu reta ndeɨvɨrigua ndeyoyaita, ñemomarai pe reikota. Che ndeYa jae jökorai.

EZEQUIEL 5:8

Jáeramo che ndeYa jae: Che ayemboyovaichota ndekotɨ Jerusalén; aiporaraukata ndeve tëtaguasu reta jovake,

San Juan 5:27

Omee vi cheve mbaepuere aporojäa vaerä, che Kuimbaerä ayeapo ramo.

Romanos 13:4

echa mburuvicha reta oyeokuai ko ñogüɨnoi Tumpa pe ndemborɨ vaerä. Ërei reyapo ikavimbae vae yave, ekɨɨye. Echa Tumpa omee chupe reta mbaepuere oiporarauka vaerä. Jáeramo oyeokuai ñogüɨnoi Tumpa pe, oiporarauka vaerä ikavimbae oyapo vae reta pe.

DEUTERONOMIO 28:36

YandeYa opata pererajauka jare peruvicharä peiparavo vae ndive, tëtaguasu mbaetɨ peikuaa jare peñemuñagüe reta ave mbaetɨ oikuaa vae kotɨ. Joko pe peyeokuaita tumpa ambuae ɨvɨra pegua jare ita pegua pe.

Judas 1:15

ojäata vaerä opaete vae, oiporarauka vaerä opaete iyoa vae jupimbae oyapo vae reta pe, jare opaete ñee ikavimbae vae iyoa vae reta jei ikotɨ vae pe.”