EZEQUIEL 11:2 - Biblia Guarani Tumpa Iñee

² YandeYa jei cheve: “Nde kuimbae, jae ko kuae kuimbae reta iyemongeta ikavimbae vae, jae reta ko omboarakuaa kaviä tëta pegua reta.

EZEQUIEL 11:2 ပူးပေါင်းရင်းမြစ်များ

ESTER 8:3

Ester jekuae imiari ye mburuvicha guasu ndive, oyetavatɨka reve itindɨasɨ jae ipɨ re, oyaeo jare omoñera reve omboai vaerä Amán Agag iñemuña omee mborookuai ikavimbae yae vae, agüɨye vaerä jókuae oyeapo oï Judáɨgua reta kotɨ vae oyembopo.

SALMOS 36:4

Jupa pe oyemongeta ikavimbae reño; oiko ikavimbae rupi, mbaetɨ güɨröɨro ikavimbae.

SALMOS 36:5

CheYa, ndeporoparareko oupitɨ ara, jare ndembaejupi oupitɨ amapɨtu.

SALMOS 52:2

Ikavimbae reño reyemongeta; nekü kɨse jaimbe yae vae rami.

ISAÍAS 30:1

YandeYa jei: “¡Paravete, cheraɨ oyembosɨrɨ chegüi vae reta, oyemongeta reta mbae oyapo vaerä, oparandumbae reve cheve, oyupavo reta mbae oyapo vaerä, mbaetɨ reve che añono ipɨa pe, jökorai jeiete omoïru reta mbaeyoa iyeupe!

ISAÍAS 59:4

Mbaetɨ kia oñeapo jupi rupi, mbaetɨ vi kia oporojäa añetegüe rupi. Güɨrovia katu reta apu re, jare ñee añetembae re; ipurúa reta rami ikavimbae pe, jare omoë reta mbaeyoa.

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 5:5

Taja yarakuaa katu vae reta kotɨ tachemiari chupe reta. Echa jae reta oikuaa yandeYa jemimbota regua, iTumpa iporookuai reta. Ërei opaetei ma yepe oyembopɨapochɨ reta Tumpa kotɨ, ñäteɨ oyapo reta mborookuai jei vae.

EZEQUIEL 7:26

Oyoaɨkue yoaɨkueta ou mbaesusere; mbae ikavimbae jërakua vae jaeramiño vi. Oeka reta tëita ñeemombeúa omombeu kavi vaerä chupe reta, sacerdote reta mbaetɨta oporomboe ani tenondegua vae reta mbaetɨta vi oporomboarakuaa.

NAHUM 1:11

Nínive, ndegüi oë Tumpa kotɨ oyemongeta kavimbae; oporomboarakuaa kavimbae vae.