EZEQUIEL 11:16 - Biblia Guarani Tumpa Iñee

¹⁶ Jáeramo ere chupe reta: ‘Körai jei yandeYa Tumpa: Che opa anoe amombo jare opa amoai moai reta mombɨrɨ ïru tëtaguasu reta oikuaambaea rupi, ërei jeseve che etei aikota chupe reta omboete reta vaerä, ïru ɨvɨ pe yogüɨreko ramboeve.’

EZEQUIEL 11:16 ပူးပေါင်းရင်းမြစ်များ

SALMOS 31:20

Nde reï jae reta ndive vae rupi reroasayepe oporomomburu vae reta güi; reñono reta ndero guakapi pegua pe rami, jovaicho reta iporoangao güi.

SALMOS 44:11

Oremee vecha reta oyereraja mbaeyukaa pe rami; opa oremoai moai tëtaguasu reta rupi;

SALMOS 90:1

OreYa, nde reiko oreve oreñepɨ̈rokarä, jekuae kuae avei rupi.

SALMOS 91:1

Nde, reiko Tumpa Tuichagüe yae ete vae iporoangareko igüɨ pe vae. Reiko Imbaepuere yae ete vae ipo pe.

PROVERBIOS 18:10

Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

ISAÍAS 4:5

jare yandeYa oyapota amapɨtu pɨtumimbi vae ara pe, tembipe jare tata jendɨ vae pɨ̈tu yave, opaete o ñavo re Sión pe, jare opaete oyomboatɨa re. Echa yandeYa iyemboetea oïta opaete mbaembae iárambo küaraɨa rami,

ISAÍAS 8:14

Jae toï peve mbaemboetea; ërei Israel iñemuña reta oyemboyao mókoi tëtaguasu ñogüɨnoi vae peguarä oïta ita rami, ipɨ̈sa-yeyuka oyepɨaka reta jese vaerä; ñuai ramita, Jerusalén pegua reta oa pɨpe vaerä.

JEREMÍAS 26:11

Jayave sacerdote reta jare ñeemombeúa reta, omoë reta iñee mburuvicha reta pe jare opaete vae reta pe, jei reve: “Kuae kuimbae omanota ko, echa omoërakua kuae tëta guasu kotɨ maratuta vae. Pe reta etei peendu rami.”

JEREMÍAS 26:7

Jare sacerdote reta, ñeemombeúa reta jare opaete vae reta oendu Jeremías imiari kuae ñee reta yandeYa itupao pe vae.

JEREMÍAS 29:11

Echa che aikuaa yemongeta reta anoi pekotɨ vae: Yemongeta mbɨakatu pegua, mbaetɨ ikavimbae pegua, amee vaerä peve peäro peiko vae.

JEREMÍAS 29:7

Peiko kavi jókuae tëta guasu pogüɨrajauka pɨpea pe, jare peyerure cheve jese, echa ikavi oiko yave, pe reta peiko kavita vi.

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

JEREMÍAS 31:10

Tëtaguasu reta, peyeapɨsaka yandeYa iñee re, jare pemoërakua mombɨrɨ ɨguasu jembeɨ rupigua reta pe, pere: ‘YandeYa opa omoai moai Israel iñemuña reta, ërei omboatɨ yeta jare oyangarekota jese, vecha iyangarekoa, ivecha re oyangareko rami.’

JEREMÍAS 42:11

Agüɨye pekɨɨye mburuvicha guasu Babilonia pegua güi, jókuae pekɨɨye yae chugüi vae. Agüɨye pekɨɨye, echa che aï pe ndive poepɨ vaerä jare pogüɨroasayepe vaerä imbaepuere güi. Che peYa ko jae kuae.

EZEQUIEL 20:23

Jaeramiño vi, chepo aupi reve jae chupe reta ñuu pe, opata amoai moai opaete tëtaguasu reta rupi vae,

LEVÍTICO 26:44

Yepe tëi opaete kuae mbaembae reta oasa pe reta ndive, peiko ramboeve perovaicho reta iɨvɨ pe, che ngaraa pogüɨröɨro, ngaraa vi pogüɨromara jare pomokañɨtei, ngaraa amboai morogüɨrökuavee päve ayapo peñemuñagüe reta ndive vae, echa che ko peYa Tumpa.

ZACARÍAS 2:6

YandeYa jei: “Che ko opa pomoai moai kerupi, petekuarai añave ɨvɨtuguasu kotɨ güi.

DEUTERONOMIO 4:27

YandeYa opata pemoai moai tëtaguasu reta rupi, mbovɨ yae peyekuaata jókuae yandeYa pererajata vae ipɨte pe.