EZEQUIEL 11:1 - Biblia Guarani Tumpa Iñee

¹ Tumpa imbaepuere chereupi jare chereraja tupao jöke kuaraɨ oëa kotɨgua pe. Joko pe ñogüɨnoi veinticinco kuimbae. Jókuae reta ipɨte pe aecha mburuvicha reta tëta pegua, jae ko Jaazanías, Azur taɨ jare Pelatías, Benaía taɨ.

EZEQUIEL 11:1 ပူးပေါင်းရင်းမြစ်များ

1 REYES 18:12

Aja ramboeve kuae güi yandeYa iEspíritu ndererajata kuae güi che mbaetɨ aikuaa vae pe. Javoi che aja Acab pe romombeu yave royuta roeka, javoi Acab mbaetɨ neväe yave, cheyukata. Che nderembiokuai chetaɨrusu güive amboete yandeYa vae ko.

2 REYES 2:16

jare jei reta chupe: —Mase, ore nderembiokuai pɨte pe oime cincuenta kuimbae jëia vae. Toyogüɨraja toeka jókuae ndemboea, güɨramoi yandeYa iespíritu oupi jare oitɨ mbae nunga ɨvɨtɨ re, ani ɨvɨtɨ päu pe. Ërei Eliseo jei chupe reta: —Agüɨye pemondo metei ave.

2 REYES 25:23

Judá pegua sundaro ruvicha reta, jare opaete isundaro reta oikuaa yave kuae regua, yogüeru Mizpa pe imiari vaerä Gedalías ndive. Jae ko Ismael, Netanías taɨ; Johanán, Carea taɨ; Seraías, Netofaɨgua Tanhumet taɨ; jare Jaazanías, metei kuimbae Maaca pegua taɨ. Yogüeru jupiegua ndive ndive.

ISAÍAS 1:10

Mburuvicha reta Sodoma pegua, peendu yandeYa iñee; mburuvicha reta Gomorra pegua, peyeapɨsaka ñaneTumpa iporookuai re.

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

EZEQUIEL 10:19

Jókuae mbae reta omopüa ipepo jare oyemboɨvate reta ɨvɨ güi. Che aecha kërai oyemboɨvate reta ɨvɨ güi ruera reta ndive, jare opɨta reta tupao jöke pe, kuaraɨ oëa kotɨ. Israel iTumpa iyemboetea oï jae reta iárambo.

EZEQUIEL 10:22

Jova reta, ɨ̈aka Quebar jee vae jembeɨ pe aecha vae rami etei; metei ñavo oguata reta jenonde kotɨ.

EZEQUIEL 11:13

Chemiari aï ramboeve yandeYa jee re, Pelatías, Benaía taɨ omanoɨvɨ. Jayave ayetavatɨka chetindɨasɨ reve ɨvɨ re, jare asapúkai täta jae: “¡Atataɨ cheYa! ¿Opata pa remokañɨtei Israel pe jembɨregüe reta?”

EZEQUIEL 11:24

Javoi Tumpa imbaepuere chereupi jare chereraja ye Babilonia pe, jókuae oechauka cheve vae rupi, jókuae tembipɨɨ reta ñogüɨnoia pe. Jare joko pe okañɨ chegüi opaete oyekuaa cheve vae.

EZEQUIEL 22:27

Nderuvicha reta aguarayaɨmba reta rami oporoyuka, opɨyere reta tugüɨ, oporoyuka reta oyemboikokatu vaerä.

EZEQUIEL 3:12

Jayave yandeYa imbaepuere chemopüa, jare cheraɨkue kotɨ aendu ñee täta jɨapu vae jei: “¡Toyemboeteuka yandeYa iyemboetea, jae oïa güi!”

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

EZEQUIEL 37:1

YandeYa ombou imbaepuere cheré, jare chereraja cheñono metei ɨvɨtɨ päu ipe kavi vae pe, tɨnɨe maekägüe otinigüe oïa pe.

EZEQUIEL 40:6

Jaɨkue rupi ou kuaraɨ oëa kotɨgua öke oï vae kotɨ; oyeupi yeupika rupi jare ojäa jókuae öke-ɨta ipegüe, güɨnoi mboapɨ metro.

EZEQUIEL 41:1

Javoi chereroike tupao pe, jare ojäa okɨta reta, güɨnoi ipɨguasugüe mboapɨ metro jare jovaicho kotɨ jaeramiño vi, jökorai ipɨgüe tupao.

EZEQUIEL 8:16

Jayave chereraja yandeYa itupao joka japɨpe pe, jare aecha yandeYa itupao jöke jare mɨmba oyeyuka oyeapɨ jese vae ipäu pe, veinticinco rupi kuimbae ikupe omee ñogüɨnoi yandeYa itupao kotɨ, omae reta kuaraɨ oëa kotɨ, itindɨasɨ reve ɨvɨ re omboete reta kuaraɨ.

EZEQUIEL 8:3

Jare jókuae kuimbaeecha vae ombou ipo jare chepɨɨ chea pe. Jare Tumpa imbaepuere chereraja ɨvate ɨvɨ güi, Tumpa oechauka cheve vae rupi chereraja Jerusalén pe, jare cheñono öke japɨpe pegua pe, ɨvɨtuguasu kotɨ omae vae pe, joko pe oï tumpa-raanga yandeYa omboarasɨuka vae iä.

OSEAS 5:10

YandeYa jei: “Judá pegua mburuvicha reta, jae ko ɨvɨ jembeɨ güɨrosɨrɨ vae reta rami, ¡chearasɨ yaeta ikotɨ reta!

Hechos 8:39

Jare oë reta ɨ güi yave, yandeYa iEspíritu güɨraja joko güi Felipe. Jare eunuco mbaetɨ ye oecha. Jare oyerovia reve ojo jëta kotɨ.

Apocalipsis 1:10

Espíritu Santo güɨnoi mbaepuere cheré tenondegua ara semana iyɨpɨ pe, jare aendu chekupe kotɨ ñee tätagüe, mimbɨguasu iñee rami,