EZEQUIEL 1:27 - Biblia Guarani Tumpa Iñee

²⁷ Jare aecha oyekuaa ikúa güi ɨvate kotɨ, jiero iyu vae jembipe yae rami, jare ikúa güi ɨ́vɨkotɨ, oyekuaa tata rami. Jare iyɨ́vɨri jembipeasɨ yae.

EZEQUIEL 1:27 ပူးပေါင်းရင်းမြစ်များ

EZEQUIEL 1:4

Amae jare aecha ɨvɨtuguasu kotɨ güi ou ɨvɨtuai yavaetegüe; jare metei amapɨtu tuicha vae güi oë tata jendɨasɨ vae, jare iyɨ́vɨri jembipeasɨ yae vae. Jókuae tata mbɨte pe oyekuaa jembipe, metei jiero iyu vae oyepiro yae rami vae,

EZEQUIEL 8:2

Jare aecha metei kuimbaeecha vae; ikúa güi ɨ́vɨkotɨ tata rami, jare ikúa güi ɨvate kotɨ jembipe, jiero iyu vae oyemoembipeasɨ rami.

Hebreos 12:29

echa ñaneTumpa ko tata opaetei oapɨ mbae oeya vae rami vae.

SALMOS 97:2

Amapɨtu pɨtumimbi vae oñova güɨnoi; iguapɨa imomɨ̈rataa jae ko mbaejupi jare añete vae,

SALMOS 50:3

Outa ñaneTumpa, ërei ngaraa kïriiño ou; jenonde outa tata oporomboai vae, iyɨ́vɨri rupi, ɨvɨtuai imbaepuere yae vae.

DEUTERONOMIO 4:24

Echa yandeYa Tumpa ko, Tumpa jägüɨro vae, ¡tata oporomboai vae rami ko!

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

ÉXODO 24:17

YandeYa iyemboetea oyekuaa tata tuicha yae vae rami ɨvɨtɨ iyapɨte re, opaete Israel iñemuña reta jovake.

1 CRÓNICAS 16:27

¡Oime mbaemboete tuicha yae vae jae jóvai! ¡Oime mbaepuere jare yerovia katu jae oïa pe!

HABACUC 3:4

Jembipe, köe jembipe ou rami, ipo güi overa jembipeasɨ, jökorai omboyekuaa imbaepuere güɨnoi vae.