EZEQUIEL 1:26 - Biblia Guarani Tumpa Iñee

²⁶ Jókuae oasavi vae iárambo aecha metei mburuvicha iguapɨa, ita zafiro jee vae rami vae, jare jókuae mburuvicha iguapɨa rami vae re oguapɨ oï metei kuimbaeecha vae.

EZEQUIEL 1:26 ပူးပေါင်းရင်းမြစ်များ

1 REYES 22:19

Micaías jei ye vi: —Eyeapɨsaka yandeYa jeigüe re: Che aecha yandeYa oguapɨ oï iporookuaía pe, jare opaete iaraɨgua reta ñogüɨnoi iyɨ́vɨri, iyakatu kotɨ jare iyasu kotɨ.

SALMOS 45:6

CheRu Tumpa, ndeguapɨa mborookuaía pegua jae ko opambae jare jekuae avei vae; ndepo pegua popoka mborookuaía pegua, jae ko jupi vae pegua.

ÉXODO 24:10

jare joko pe oecha reta Israel iTumpa; oecha reta ipɨ igüɨ pe ipe kavi, ita zafiro jee vae jembipeasɨ rami vae, ara jembipeasɨ oï rami etei vae.

ISAÍAS 54:11

“¡Paravete, tëta guasu oiporara jeta mbaesusere vae, mbaetɨ reve kia ombopɨakatu vaerä! Ërei che añonota ita reta ndeguapɨka ita ipöra vae, carbunclo jee vae re, romboguapɨta ita ipöra vae, zafiro jee vae re;

ISAÍAS 6:1

Jókuae año mburuvicha guasu Uzías omano yave, che aecha yandeYa oguapɨ oï metei mburuvicha guasu iguapɨka ɨvate jare ipöra yae vae pe; jare jemimonde jembeɨ omotɨnɨe oñemoai tupao pe.

EZEQUIEL 1:22

Iñäka reta iárambo oyekuaa, metei oasavi rami vae, jembipe jësaka vae.

EZEQUIEL 1:5

jare jókuae tata jembipe vae mbɨte pe aecha irundɨ mbae; oyekuaa kuimbaeecha vae.

EZEQUIEL 10:1

Javoi aecha jókuae araɨgua querubín reta iárambo oasavía pe oyekuaa metei mburuvicha iguapɨaecha vae, ita zafiro jee vae rami vae.

EZEQUIEL 43:6

Jare aendu tupao japɨpe kotɨ güi chemomiari vae; jare jókuae chereraja vae oyemboɨ oï cheɨpɨ pe,

EZEQUIEL 43:7

jare jei cheve: “Nde kuimbae, kuae ko jae cheguapɨka mborookuaía pegua jenda, chepɨ amombutuúa; kuae pe aikota Israel iñemuña reta ipɨte pe jekuae avei rupi. Ngaraa ye ma Israel iñemuña reta omongɨa cheree ikɨambae, jae reta jare juvicha guasu reta teko pɨ̈chɨi oyapo reta vae rupi, juvicha guasu reta omano yave ave ngaraa ma omopüa reta iägüe.

EZEQUIEL 8:2

Jare aecha metei kuimbaeecha vae; ikúa güi ɨ́vɨkotɨ tata rami, jare ikúa güi ɨvate kotɨ jembipe, jiero iyu vae oyemoembipeasɨ rami.

DANIEL 10:18

Jókuae kuimbaeecha vae jekuae cheätai ye, chemomɨ̈rata pɨau ye,

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

ZACARÍAS 6:13

Jae omopüa pɨau yeta yandeYa itupao, jare jae imboetea yaeta, oguapɨta guapɨa mborookuaía pegua pe oporookuai, jare oimeta sacerdote iyɨke pe; oimeta yomboarakuaa mbɨakatu pegua oyoupii.

San Mateo 25:13

Jáeramo peäro avei. Echa mbaetɨ peikuaa mbae ara ani mbae ora pe, che Kuimbaerä ayeapo vae ayu yeta vae.

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

Hebreos 1:8

Ërei Tumpa jei Taɨ re körai: “CheRu Tumpa, ndeguapɨa mborookuaía pegua jae ko opambae jare jekuae avei vae; ndepo pegua popoka mborookuaía pegua, jae ko jupi vae pegua.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 8:1

Jáeramo, che jae ma peve vae, jae ko oime ñanoi sacerdote tenondegua ete oguapɨ ma oï Tumpa iyakatu kotɨ ara pe vae,

JOSUÉ 5:13

Metei ara Josué köiño oiko Jericó güi yave, oecha metei kuimbae ói jenonde kɨsepuku güɨnoi ipo pe vae. Jare Josué ojo ikotɨ, jare jei chupe: —¿Oreïru pa nde, ani orerovaicho pa nde?

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.

Apocalipsis 1:13

jare aecha jókuae chiu mechero jenda reta ipɨte pe metei Kuimbaerä oyeapo vaeecha vae, jemimondo puku ojoi oa ipɨ re vae, jare aecha oyekuakua metei kuakuaa ipeguasu yae vae oro pegua pe.

Apocalipsis 14:14

Amae jare aecha amapɨtu tïi vae jare jókuae amapɨtu re oguapɨ oï Kuimbaerä oyeapo vaeecha vae. Jare iñäka re güɨnoi äka-regua oro pegua, jare ipo pe metei hoz jaimbe vae.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.

Apocalipsis 5:13

Jayave opaete ara pe, ɨvɨ pe, ɨvɨgüɨ pe jare ɨguasu pe ñogüɨnoi vae reta aendu jei: “Jókuae mburuvicha iguapɨa pe oguapɨ oï vae jare Vecha kuimbae taɨrusu vae, togüɨnoi mbaemboete, yemboete, yemboetea jare mbaepuere jekuaekuae avei rupi.”