EZEQUIEL 1:1 - Biblia Guarani Tumpa Iñee

^1-3 Che sacerdote Ezequiel, Buzi taɨ, metei ara aï ɨ̈aka Quebar jembeɨ pe, Babilonia pe, tembipɨɨ oyereraja vae reta ipɨte pe yave, oyepea ara, jare aecha Tumpa. Kuae ko oasa treinta añoa re, irundɨa yasɨ re, pandepo araa pe, jae ko pandepo año ma mburuvicha guasu Joaquín oyererajauka tembipɨɨrä yave. YandeYa ombou oñono ipo cheré.

EZEQUIEL 1:1 ပူးပေါင်းရင်းမြစ်များ

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

GÉNESIS 46:2

Jare jókuae pɨ̈tu oyekuaa Tumpa jare imiari Israel pe ipaɨu rupi jare jei chupe: —Jacob, Jacob. Jare jae jei: —Ko aï.

SALMOS 137:1

Ɨ̈aka Babilonia pegua jembeɨ pe roguapɨ yepi, jare royaeo yepi oremaendúa yave Sión re.

ÉXODO 24:10

jare joko pe oecha reta Israel iTumpa; oecha reta ipɨ igüɨ pe ipe kavi, ita zafiro jee vae jembipeasɨ rami vae, ara jembipeasɨ oï rami etei vae.

ISAÍAS 1:1

Isaías, Amoz taɨ oechagüe; jae oecha Judá jare Jerusalén regua, Uzías iara pe, Jotam iara pe, Acaz iara pe jare Ezequías, jae ko mburuvicha guasu reta Judá pegua.

ISAÍAS 6:1

Jókuae año mburuvicha guasu Uzías omano yave, che aecha yandeYa oguapɨ oï metei mburuvicha guasu iguapɨka ɨvate jare ipöra yae vae pe; jare jemimonde jembeɨ omotɨnɨe oñemoai tupao pe.

JEREMÍAS 29:15

Ërei pe reta pere: ‘YandeYa omee yandeve ñeemombeúa reta kuae Babilonia pe.’

EZEQUIEL 10:1

Javoi aecha jókuae araɨgua querubín reta iárambo oasavía pe oyekuaa metei mburuvicha iguapɨaecha vae, ita zafiro jee vae rami vae.

EZEQUIEL 10:10

Irundɨ reve ruera reta oyovake päve, jare oyekuaa ruera reta japɨpe ñavo oimeecha ïru ruera.

EZEQUIEL 10:15

Jare oyemboɨvate ɨvɨ güi jókuae mbae reta; jae ko kuae reta che aecha ɨ̈aka Quebar jembeɨ pe vae.

EZEQUIEL 10:20

Kuae reta etei ko aecha Israel iTumpa igüɨ pe, ɨ̈aka Quebar jee vae jembeɨ pe. Jayave aikuaa mbae reta ko vae.

EZEQUIEL 10:22

Jova reta, ɨ̈aka Quebar jee vae jembeɨ pe aecha vae rami etei; metei ñavo oguata reta jenonde kotɨ.

EZEQUIEL 11:24

Javoi Tumpa imbaepuere chereupi jare chereraja ye Babilonia pe, jókuae oechauka cheve vae rupi, jókuae tembipɨɨ reta ñogüɨnoia pe. Jare joko pe okañɨ chegüi opaete oyekuaa cheve vae.

EZEQUIEL 3:15

Jare aja aväe Tel-abib pe, ɨ̈aka Quebar jembeɨ pe, Israel iñemuña reta tembipɨɨrä yogüɨrekoa pe, joko pe apɨta jae reta ndive, jare kïrii aiko chiu ara.

EZEQUIEL 3:23

Apüa jare aja ɨvɨpe kavi kotɨ, jare joko pe aecha yandeYa iyemboetea ɨ̈aka Quebar jembeɨ pe aecha rami; ayetavatɨka chetindɨasɨ reve ɨvɨ re.

EZEQUIEL 40:2

Tumpa oechauka cheve vae rupi chereraja ɨvɨ Israel pe, jare cheñono metei ɨvɨtɨ ɨvate yae vae re, jókuae re aecha metei o tuicha vae arayevɨ kotɨ metei tëta guasuecha.

EZEQUIEL 43:3

Jókuae aecha vae, jae ko yandeYa ou omboai Jerusalén yave oyekuaa rami jare ɨ̈aka Quebar jembeɨ pe oyekuaa cheve rami; jare ayetavatɨka chetindɨasɨ reve ɨvɨ re,

EZEQUIEL 8:3

Jare jókuae kuimbaeecha vae ombou ipo jare chepɨɨ chea pe. Jare Tumpa imbaepuere chereraja ɨvate ɨvɨ güi, Tumpa oechauka cheve vae rupi chereraja Jerusalén pe, jare cheñono öke japɨpe pegua pe, ɨvɨtuguasu kotɨ omae vae pe, joko pe oï tumpa-raanga yandeYa omboarasɨuka vae iä.

OSEAS 12:10

Che amomiari ñeemombeúa reta, jeta aechauka chupe reta, jupi reta chemiari ambojaanga reve.

JOEL 2:28

“Kuae jaɨkue rupi ambouta cheEspíritu opaete vae reta re; jare peraɨ reta jare perayɨ reta oñemoñeeta cheregua; jare ndechi reta opaɨuta jare taɨrusu reta oechata Tumpa oechauka vae.

NÚMEROS 12:6

Jare jae jei chupe reta: “Peyeapɨsaka añave cheñee re: Oime yave pepɨte pe cheñeemombeúa, ayeechaukata chupe, ipaɨu pe chemiarita jae ndive;

NÚMEROS 4:3

treinta año güɨnoi vae güi cincuenta año güɨnoi vae pe, opaete ipuere oyapo tupao guakapi pegua pe mbaravɨkɨ vae reta.

San Mateo 17:9

Jare ɨvɨtɨ guasu güi ogüeyɨ yogüeru ramboeve, Jesús oyókuai reta jei: —Agüɨye pemombeu kia pe ave kuae peecha vae, che Kuimbaerä ayeapo vae ndei aikove ye omanogüe vae reta ipɨte güi mbove.

San Mateo 3:16

Jare Juan ombobautisa ma yave, Jesús oë ɨ güi. Jare jupivei oecha ara oyepea, jare oecha vi Tumpa iEspíritu ogüeyɨ jese pɨkasu rami.

San Marcos 1:10

Jare Jesús opüa ye ɨ güi yave, oecha ara oyepea, jare oecha vi Espíritu Santo ogüeyɨ jese pɨkasu rami.

San Lucas 3:21

Metei ara Juan ombobautisa opaete vae güɨnoi yave, ombobautisa vi Jesús. Jare Jesús oyerure ramboeve, ara oyepea.

San Lucas 3:23

Jesús güɨnoi treinta año omboɨpɨ iparavɨkɨ yave. Ïru vae reta ipɨa pe oyemongeta jae ko José taɨ ete. José ko jae Elí taɨ.

San Juan 1:51

Añetete che jae ndeve, reechata ara oyepea oï, jare reechata vi Tumpa iaraɨgua reta oyeupi jare ogüeyɨ che Kuimbaerä oyeapo vae re.

Hechos 10:11

jare oecha ara oyepea jare metei asoya tuicha vae rami vae ogüeyɨ ɨ́vɨkotɨ. Kuae oñeapɨti reve irundɨ ekina reta pe oyembogüeyɨ.

Hechos 10:3

Kuae kuimbae oecha kavi ipaɨu pe metei Tumpa iaraɨgua oike jae oïa pe mboapɨ ora ma kaaru yave. Araɨgua jei chupe: “¡Cornelio!”

Hechos 7:56

Jayave Esteban jei: —¡Mase! Aecha ara oyepea oï, jare aecha vi Kuimbaerä oyeapo vae oï Tumpa iyakatu kotɨ.

2 Corintios 12:1

Mbaetɨta jaekavi ayembotuicha vaerä che aeño, ërei tamombeu peve kërai yandeYa oechauka jare oikuaauka cheve vae.

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.

Apocalipsis 4:1

Kuae jaɨkue rupi amae jare aecha metei öke oyepea oï ara pe. Jare ñee tenonde yave aendu mimbɨguasu iñee rami vae imiari cheve vae jei cheve: “Eyeupi kuae pe jare aechaukata ndeve mbaembae oasata kuae jaɨkue rupi vae.”