ÉXODO 9:23 - Biblia Guarani Tumpa Iñee

²³ Jare Moisés güɨropövee ipopoka ara kotɨ, jayave yandeYa ombojɨapu ara jare ombou amandau, jare ama-tiriri yavaetegüe oa ɨvɨ re; jökorai yandeYa oitɨ amandau ɨvɨ Egipto pe.

ÉXODO 9:23 ပူးပေါင်းရင်းမြစ်များ

GÉNESIS 19:24

jayave yandeYa omongɨ ara güi azufre tata ndive, tëta Sodoma jare Gomorra iárambo;

JOB 37:13

Opaete kuae reta rupi Tumpa oiporarauka ɨvɨ pe, ani oechauka vaerä ipɨakavi.

SALMOS 147:17

Oitɨ iroɨ amandau rami, jókuae iroɨ ombou vae, ¿kia pa güɨropɨata?

SALMOS 148:8

¡Ama-tiriri jare amandau, iroɨ jare ɨ̈vɨti! ¡Ama ɨvɨtuai reve vae, oyapo Tumpa jei vae!

SALMOS 18:13

YandeYa ombou iñee ara kotɨ güi, Tuichagüe yae ete vae omoë iñee; amandau jare tätapɨi jendɨ vae rami.

SALMOS 29:3

YandeYa iñee oyeendu ɨguasu iárambo, Tumpa iyemboetea vae jɨapu; ¡yandeYa oï ɨguasu reta iárambo!

SALMOS 77:18

Ndeararɨapu oï kusumirou re; neama-vera omoembipe ɨvɨ jare omokana.

ÉXODO 19:16

Jare mboapɨa ara pe, köe ma ou yave, ou amapɨtu pɨtumimbi vae ɨvɨtɨ opa oyasoi, ara jɨapu jare ama-vera, jare temimbɨñee täta yae vae; jare teyupa pe ñogüɨnoi vae reta opaetei orɨrɨi okɨɨye güi.

ÉXODO 20:18

Opaete Israel iñemuña omae jare oendu reta ararɨapu, ama-vera, jare mimbɨ vecha kuimbae-räti pegua oñee vae, jare ɨvɨtɨ jätati vae; kuae oecha reta yave, orɨrɨi okɨɨye güi, jare osɨrɨ reta mombɨrɨ.

ÉXODO 9:18

Mase, pɨareve koyave ambouta yavaetegüe amandau, Egipto arakae oikoɨpɨ ramo güive añave rupi mbaetɨi oime kuae nunga vae.

ÉXODO 9:24

Jökorai oa jeta yae amandau, ama-tiriri ndive vae; mbaetɨi oa jókuae nunga opaetei ɨvɨ Egipto re arakae oikoɨpɨ güive.

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

EZEQUIEL 38:22

Che aiporaraukata chupe reta mbaerasɨ ovakatu vae, manoɨvɨ, jare amongɨta jese jare isundaro reta re ama ɨvɨtuai reve, amandau, tata azufre ndive vae.

JOSUÉ 10:11

Jare otekuarai yogüɨraja ramboeve Israel iñemuña reta güi, Bet-horón güi yagüeyɨa pe, yandeYa oitɨ jese reta amandau tuichagüe jare oyuka jeta amorreo reta Israel iñemuña reta oyuka vae güi.

Apocalipsis 16:18

Jayave ama-vera reta, ñee reta, ararɨapu reta jare ɨvɨkana tätagüe; ɨvɨkana tuicha yae vae, mbaetɨi oyeapo jókuae nunga ɨvɨ pegua reta yogüɨreko güive.

Apocalipsis 16:21

Jare ara güi oa opaete vae reta re metei amandau guasu reta, treinta kilo oasa ipoɨ vae. Jare ɨvɨ pegua reta jei ñee ikavimbae vae Tumpa kotɨ, jókuae susere amandau guasu rupi vae re, echa jókuae susere oasa ete ikaviä.

Apocalipsis 8:7

Jayave tenondegua araɨgua omoñee mimbɨguasu, jare oa ɨvɨ re amandau jare tata tugüɨ ndive. Jare mbɨte seri ɨvɨra reta jare opaete ñana ókai.