ÉXODO 9:14 - Biblia Guarani Tumpa Iñee

¹⁴ echa añave opaete mbaerasɨ reta amondota nderé, nderembiokuai reta re, nerëta pegua reta re, reikuaa vaerä mbaetɨ ye ïru Tumpa che rami opaete kuae ɨvɨ pe vae.

ÉXODO 9:14 ပူးပေါင်းရင်းမြစ်များ

2 SAMUEL 7:22

jáeramo, nde cheYa Tumpa: ¡Tuichagüe yae ko nde! Echa mbaetɨ ko kia nde rami vae, jare mbaetɨ yé ïru Tumpa ndegüi, echa ore etei ko roendu jókuae.

1 REYES 8:38

eendu opaete yerure reta kia ñavo oyerure yave, ani opaete ndembae vae Israel güi, oime yave susere; ërei oupi ipo oyerure kuae tupao kotɨ yave. Nde eendu ara pe, jókuae reikoa pe, jare neɨ̈ro chupe; jare emee metei ñavo pe kërai jeko oï rupi, echa ndeño reikuaa kuimbae reta ipɨa iyemongeta.

1 CRÓNICAS 17:20

CheYa, mbaetɨ yé kia nde rami, mbaetɨ yé ïru Tumpa ndegüi ore etei roendu oreapɨsa rupi rami.

SALMOS 86:8

CheYa Tumpa, ¡mbaetɨ tumpa-raanga reta güi metei ave nde rami vae! ¡Nderembiapo ave mbaetɨ omboyovake vae!

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ÉXODO 8:10

Jare Faraón jei: —Pɨareve. Jare Moisés jei: —Toyeapo nde rere rami, reikuaa vaerä mbaetɨ ye kia oreYa Tumpa rami vae.

ÉXODO 8:6

Jayave Aarón güɨropövee ipopoka opaete ɨ Egipto pegua re, jare oë pïte opaete ɨvɨ Egipto rupi.

ÉXODO 9:15

Echa, añave ambouta ndeve, reiporara vaerä jare nerëta pegua reta re, metei mbaerasɨ pɨ̈chɨi vae jare rekañɨteita ɨvɨ güi;

ISAÍAS 45:5

Cheño ko jae opaete vae iYa, mbaetɨ yé ko ïru; mbaetɨ yé ko ïru Tumpa chegüi. Che ko amee mbaepuere ndeve ñeraro peguarä, yepe tëi nde mbaetɨ chekuaa.

ISAÍAS 46:9

pemaendúa oasa arakae güive voi ma vae re. Che ko jae Tumpa, mbaetɨ yé ko ïru Tumpa; mbaetɨ yé oime che rami vae.

JEREMÍAS 10:6

CheYa, mbaetɨ kia nde rami vae; nde ko tuichagüe, nderee tuichagüe jare imbaepuere yae vae.

JEREMÍAS 10:7

Nde ko tëtaguasu reta Juvicha guasu, ¿kia pa oipoɨu potaä ndegüi? Jupi ko ndegüi oipoɨu vaerä opaete vae. Echa opaete yarakuaa katu vae reta güi jare mburuvicha guasu reta ɨvɨ pegua güi, mbaetɨ kia nde rami.

JEREMÍAS 19:8

Aipoepɨta kuae tëta opɨta vaerä ipombae jare kɨɨyearä, opaete oasa jokoropi vae ipɨakañɨta jese jare okɨɨye yaeta opaete oyemboai vae re.

DANIEL 5:21

Jare oyemombouka kuimbae reta ipɨte güi, jare ou ipɨa opɨta mɨmba reta rami, jare oiko mburika reta ñanaɨgua ndive. Ñana jou guaka rami, jare ɨsápɨi opa jete omoäkɨ, oikuaa regua Tumpa Tuichagüe yae ete vae ko güɨnoi mbaepuere kuimbae reta iporookuaía re, jare jae omee mbaepuere ikɨ̈reɨ omee vae pe.

LEVÍTICO 26:18

Ërei opaete kuaekuae reve mbaetɨño peendu cheve yave, che ayerovata pekotɨ aiporarauka vaerä peve chiu ye, peyoa reta jeko pegua.

LEVÍTICO 26:21

Mbaetɨ yave peiko kavi che ndive, jare jekuaeño mbaetɨ peendu cheporookuai reta yave, che amoïruta peve chiu ye mbaerasɨ pɨ̈chɨi vae, mbaeyoa peyapo rupi.

LEVÍTICO 26:28

che ayovaichota vi pe ndive chearasɨ reve, jare aiporaraukata peve chiu ye, peyoa reta re.

MIQUEAS 6:13

Kuae jeko pegua che aiporarauka peve, peikoasɨ katuta peyoa jeko pegua.

DEUTERONOMIO 3:24

‘CheYa Tumpa, nde remboɨpɨ reechauka che nderembiokuai pe ndetuicha yae vae, jare ndembaepuere; echa mbaetɨ yé ïru Tumpa ara pe ani ɨvɨ pe ikavi yae oyapo vaerä nde reyapo rami vae.

DEUTERONOMIO 4:35

Oyekuaa peve peikuaa vaerä yandeYa jae ko Tumpa, mbaetɨ yé ïru chugüi.

Apocalipsis 18:8

Jáeramo metei ara peño oyeapota chupe jeta mbaesusere: mano, mbɨatɨtɨ jare karuai, jare opata ókai, echa imbaepuere yae ko yandeYa Tumpa ojäa vae.”

Apocalipsis 22:18

Opaete kuae ñee reta oyekuatía oï kuae tembikuatía pe vae oendu vae reta pe jae: Oime yave kia kuae ñee reta omoïruta vae, Tumpa güeruta jese tembiporara reta oyekuatía oï kuae tembikuatía pe vae.

1 SAMUEL 4:8

¿Këraita pa yaiko? ¿Kia pa yandereepɨta kuae Tumpa imbaepuere yae vae güi? ¡Jae ko jókuae Tumpa Egiptoɨgua reta oyuka ñuu rupi oipotagüe mbaerasɨ pɨ̈chɨi pe vae!