ÉXODO 8:27 - Biblia Guarani Tumpa Iñee

²⁷ Mboapɨ ara roguatata ñuu rupi, jare romeeta mɨmba oyeyukagüe oreYa Tumpa pe, jae oreokuai rami.

ÉXODO 8:27 ပူးပေါင်းရင်းမြစ်များ

ÉXODO 10:26

Orerɨmba reta rogüɨrajata vi ko orerupíe, ngaraa metei ipɨ̈sa ave opɨta; echa chugüi reta roipɨɨta romee oreYa Tumpa pe, jare mbaetɨño roikuaa mbae pe romboeteta oreYa rojo ma roväe yave.

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ÉXODO 3:18

Oendu retata neñee; jare reota nde jare Israel iñemuña itenondegua reta ndive mburuvicha guasu Egipto pegua pɨri, jare pereta chupe: “OreYa, hebreo reta iTumpa oyekuaa oreve; jáeramo, añave rojota ñuu kotɨ, mboapɨ ara roguatata romee vaerä mɨmba oyeyukagüe oreYa Tumpa pe.”

ÉXODO 34:11

Peyapo che poyókuai añave vae; mase, che amoëta amombo perenonde güi amorreo reta, cananeo reta, heteo reta, ferezeo reta, heveo reta jare jebuseo reta.

ÉXODO 5:1

Kuae jaɨkue rupi Moisés jare Aarón yogüɨraja jei Faraón pe: —OreYa, Israel iTumpa jei körai: “Emaeño toyogüɨraja chembae vae reta ñuu kotɨ oyapo vaerä cheve arete mbaemboete pegua.”

ÉXODO 5:3

Jayave jae reta jei: —Ore hebreo reta iTumpa oyekuaa oreve; añave, rojota ñuu kotɨ mboapɨ ara roguatata, jare romeeta mɨmba oyeyukagüe oreYa Tumpa pe, agüɨye vaerä güeru oreve mbaerasɨ ovakatu vae ani tovaicho.

LEVÍTICO 10:1

Nadab jare Abiú, Aarón taɨ reta metei ñavo oipɨɨ ikäti kavi vae incienso oyeapɨ pɨpe vae, jare oñono reta pɨpe tätapɨi jare ikäti kavi vae incienso, jökorai güɨroike reta yandeYa jóvai tata ambuae vae, jae mbaetɨ oyókuai reta jese vae.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!