ÉXODO 8:26 - Biblia Guarani Tumpa Iñee

²⁶ Ërei Moisés jei chupe: —Mbaetɨ orepuere royapo vaerä körai, echa jökorai yave romeeta ko oreYa Tumpa pe Egiptoɨgua reta pe pɨ̈chɨi yae vae. Jare Egiptoɨgua reta omboete mɨmba vae royuka romee jae reta jóvai yave ¿ngaraa pa jae reta oreapi oreyuka ita pe?

ÉXODO 8:26 ပူးပေါင်းရင်းမြစ်များ

GÉNESIS 43:32

Jare oñono tee reta chupe tembíu, jare Jacob taɨ reta pe oñono tee reta vi, jökorai vi Egiptoɨgua jae ndive okaru vae reta pe; echa Egiptoɨgua reta mbaetɨ ko okaru hebreo reta ndive, echa mbae pɨ̈chɨi yae ko chupegua reta.

GÉNESIS 46:34

Jayave pere chupe: —Ore nderembiokuai reta jare oreñemuñagüe reta mbaemɨmba iya ko oretaɨrusu güive voi. Jökorai pepuere vaerä peiko ɨvɨ Gosén pe, echa Egiptoɨgua reta pe ikaviä ko yogüɨreko päve vaerä vecha iyangarekoa reta ndive.

2 REYES 23:13

Jaeramiño vi mburuvicha guasu güɨröɨro güi omboai mbaemboete renda ɨvɨtɨ rupigua Jerusalén jóvai oï vae, ɨvɨtɨ Olivo güi arayevɨ kotɨ, kuae reta jae ko Salomón mburuvicha guasu Jerusalén pegua omopüa Astoret peguarä vae, Sidón-ɨgua reta itumpa kuña ikavimbae yae vae; Quemos peguarä, Moab pegua reta itumpa-raanga ikavimbae yae vae, jare Milcom, Amón iñemuña reta itumpa-raanga ikavimbae yae vae.

ESDRAS 9:1

Opa oyeapo kuaekuae reta yave, mburuvicha reta yogüeru chekotɨ jei reve: “Israel iñemuña reta, sacerdote reta, jare levita reta mbaetɨ oyembosɨrɨ kuae ɨvɨ pegua tëta reta güi, jae ko cananeo reta, heteo reta, ferezeo reta, jebuseo reta, amonita reta, moabita reta, Egiptoɨgua reta jare amorreo reta güi, oyapo reta teko pɨ̈chɨi jae reta rami.

ÉXODO 3:18

Oendu retata neñee; jare reota nde jare Israel iñemuña itenondegua reta ndive mburuvicha guasu Egipto pegua pɨri, jare pereta chupe: “OreYa, hebreo reta iTumpa oyekuaa oreve; jáeramo, añave rojota ñuu kotɨ, mboapɨ ara roguatata romee vaerä mɨmba oyeyukagüe oreYa Tumpa pe.”

ÉXODO 8:8

Jayave Faraón oenɨi Moisés jare Aarón, jare jei chupe reta: —Peyerure peYa kotɨ oekɨ vaerä chegüi pïte reta jare cherëta güi, javoi amaeñota yogüɨraja nerëtaɨgua reta, omee reta vaerä mɨmba oyeyukagüe peYa pe.

ISAÍAS 44:19

Mbaetɨ oyemongeta reta, oata arakuaa chupe reta jei vaerä: “¡Kuae amboete aï vae, ɨvɨraño ko! Echa, kuae ɨvɨra jaɨgüe pe ayatapɨ, itätapɨigüe re amboyɨ mbɨyape jare soo jau vaerä; jare jókuae ɨvɨra jembɨregüe güi ayapo kuae mbae ikavimbae yae vae.”