ÉXODO 8:19 - Biblia Guarani Tumpa Iñee

¹⁹ Jayave imbaekuaa vae reta jei Faraón pe: —¡Tumpa imbaepuere ko kuae! Ërei Faraón ipɨa oñemotäta, mbaetɨ oipota oyeapɨsaka jae reta iñee re, yandeYa jei rami.

ÉXODO 8:19 ပူးပေါင်းရင်းမြစ်များ

GÉNESIS 41:24

Jare jókuae trigo jäɨ kavimbae vae reta opa jou jókuae chiu trigo jäɨ kavi vae; jare amombeu tëi ma ichoropa vae reta pe, ërei mbaetɨ kia ipuere omombeu chepaɨu regua.”

SALMOS 8:3

Aecha yave ara, ndepo pe reyapogüe, yasɨ jare yasɨtata reta reñono jese vae,

ÉXODO 10:23

Mbaetɨ kia ave ipuere oecha japicha, jare mbaetɨ kia ave oë oïa güi mboapɨ ara rupi; ërei opaete Israel iñemuña reta güɨnoi tembipe jo rupi.

ÉXODO 10:7

Jayave Faraón jembiokuai reta jei: —¿Kërai yave pa ikueraita yandembosusere kuae kuimbae? Emaeño mo toyogüɨraja kuae kuimbae reta omboete vaerä iYa Tumpa. ¿Mbaetɨ pa reikuaa Egipto opa ma ko oyemboai oï vae?

ÉXODO 11:7

Ërei opaete Israel iñemuña reta güi, kuimbae reta jare mɨmba, ngaraa metei yaɨmba ave iñaro oyeendu; peikuaa vaerä ambuaeyee ko cheYa, pe Egiptoɨgua reta Israel iñemuña reta güi vae.

ÉXODO 7:13

Ërei jeseve Faraón ipɨa oñemotäta, mbaetɨ oipota oyeapɨsaka jae reta iñee re, yandeYa jei rami.

ÉXODO 7:4

Jare Faraón ngaraa oyeapɨsaka peñee re; ërei che aitɨta chembaepuere Egipto re, anoeta chesundaro reta, chembae vae, Israel iñemuña reta ɨvɨ Egipto güi tuichagüe morojäa rupi.

ÉXODO 7:5

Jare Egiptoɨgua reta oikuaata che ko jae peYa vae, aitɨ yave chembaepuere Egipto re, Israel iñemuña reta pogüɨnoe jae reta ipɨte güi yave.

ÉXODO 9:26

Jaeño ete ɨvɨ Gosén pe, Israel iñemuña reta yogüɨrekoa pe mbaetɨ oa amandau.

ÉXODO 9:4

Jare che amboyaota Israel iñemuña reta jɨmba Egiptoɨgua reta jɨmba güi; jökorai mbaetɨta omano Israel iñemuña reta jɨmba.’ ”

DANIEL 2:19

Jókuae pɨ̈tu Tumpa oechauka Daniel pe jókuae yaikuaambae vae, jese Daniel omboete Tumpa ara pe oï vae

San Mateo 12:28

Ërei che ambosɨrɨ aña reta oya jese vae reta güi Tumpa iEspíritu imbaepuere rupi. Jökorai pepuere peikuaa ou ma ko oväe peve Tumpa iporookuaía.

San Lucas 11:20

Ërei che ambosɨrɨ aña reta oya jese vae reta güi Tumpa imbaepuere rupi. Jökorai pepuere peikuaa ou ma ko oväe peve Tumpa iporookuaía.

San Juan 11:47

Jayave sacerdote reta itenondegua reta jare fariseo reta omboatɨ opaete mburuvicha reta, jare jei reta: —¿Mbae pa yayapota? Kuae kuimbae jekuae ñoi oyapo jeta mɨakañɨ reta.

Hechos 4:16

—¿Mbae ra yayapota kuae kuimbae reta pe? Echa opaete Jerusalén pegua reta oikuaa mɨakañɨ tuicha vae ko oyapo reta, jare yande reta yaikuaku rapeä ko.

1 SAMUEL 6:3

Jae reta jei: —Pemondo ye Tumpa ikäjou yave, agüɨye pemondo jökoraiño, pemondo vi mbota peyemboepɨ vaerä, jayave pekuerata jare peikuaata maera Tumpa oiporarauka peve.

1 SAMUEL 6:9

Jare pemae peï jese; jare tape ojo Bet-semes kotɨ vae rupi ojo yave iɨvɨ ae pe, jayave Tumpa ko oiporarauka tuicha yandeve, ërei mbaetɨ ojo yave jókuae tape rupi, jayave jaeä ko oiporarauka yandeve, mbaerasɨiño ko.