ÉXODO 8:14 - Biblia Guarani Tumpa Iñee

¹⁴ Jare omboatɨ mboatɨ etei reta pïte jëogüegüe, jare iine yae otimbo opaete ɨvɨ rupi.

ÉXODO 8:14 ပူးပေါင်းရင်းမြစ်များ

1 REYES 18:26

Jare jae reta oipɨɨ toro oñemeeuka chupe reta vae jare oyapo kavi reta, jare oenɨi reta Baal jee rupi ndeimbove güive kuaraɨ ara mbɨte regua, jei reve: “¡Baal! ¡Emboyevɨ oreve!” Ërei mbaetɨ ñee ave, jare mbaetɨ kia omboyevɨ vaerä; ërei jae reta jekuae güɨrave, opɨrae oyere mɨmba oyeyuka oyeapɨ jese vae oyapogüe iyɨ́vɨri rupi.

1 REYES 18:29

Oasa ma kuaraɨ ara mbɨte yave, jare jae reta jekuaeño täta rupi osapúkai imbokeregüe nunga, ou regua oväe mɨmba oyeyukagüe oñemee kaaru yave vae iora, ërei mbaetɨ oyeendu ñee ave, jare mbaetɨ kia omboyevɨ vaerä jare oendu vaerä.

ÉXODO 7:21

Jökoraiño vi jevae reta ɨ rupigua opa omano; jare ɨ̈aka iine yae otimbo ramo, Egiptoɨgua mbaetɨ ipuere jou ɨ joko güi. ¡Oime tugüɨ opaete ɨvɨ Egipto rupi!

ÉXODO 8:13

YandeYa oyapo Moisés oiporu rami, jare omano pïte reta o rupi, oka rupi jare ñana rupi ñogüɨnoi vae.

ÉXODO 8:15

Ërei Faraón oecha jaekaviño ma oputuu ye yave, omotäta ipɨa jare mbaetɨ oipota oyeapɨsaka jae reta iñee re, yandeYa jei rami.

ÉXODO 8:24

Jare yandeYa oyapo jökorai, ombou jeta ye oipotagüe mberu oporomoambeko yae ete Faraón jo pe vae, jare jembiokuai reta jo pe, jare opaete tëta guasu Egipto re; jare opaetei ɨvɨ oikomegua kuae mberu reta jeko pegua.

ÉXODO 9:11

Jare imbaekuaa vae reta mbaetɨ ipuere yogüeru oyovaicho Moisés kotɨ kuru jeko pegua, echa ikuru imbaekuaa vae reta jare opaete Egiptoɨgua reta.

ISAÍAS 19:11

¡Mbaetɨ ko iyarakuaa Zoán pegua mburuvicha reta, opa oikomegua Faraón omboarakuaase vae reta iyarakuaa! ¿Maera pa jei reta Faraón pe: “Iyarakuaa katu vae reta iñemuña ko ore, arakae vae mburuvicha guasu reta iñemuñagüe ko ore”?

ISAÍAS 34:2

Echa yandeYa iyarasɨ oï opaete tëtaguasu reta kotɨ, jare opaete sundaro reta kotɨ, opata omboai, opata omee mano pe.

EZEQUIEL 39:11

Jókuae ara rupi ameeta Gog jɨvɨa jendarä ɨvɨ Israel pe, ɨvɨtɨ päu ipe kavi vae, kuaraɨ oëa kotɨ oï ɨguasu güi vae, oyopiata oguatagüe reta jape, echa joko pe oñotɨ retata Gog jare opaete oñemoïru jae ndive vae reta jëogüegüe; jare jókuae ɨvɨtɨ päu ombojee retata Hamón-gog.

JOEL 2:20

Tuku reta ɨvɨtuguasu kotɨ güi yogüeru vae, opata amondo ñuu kotɨ; jenonde yogüɨraja vae reta opata aitɨ Iguasu Jembochɨ vae pe, jare taɨkue yogüɨreko vae reta íguasu Mediterráneo jee vae pe; jare jetegüe opata juumbi jare iineta. ¡Echa ayapota mɨakañɨ tuichagüe!”