ÉXODO 7:23 - Biblia Guarani Tumpa Iñee

²³ Jare Faraón oyerova ye jo kotɨ, mbaetɨ etei ipɨakañɨ omae kuae oyeapogüe re.

ÉXODO 7:23 ပူးပေါင်းရင်းမြစ်များ

JOB 7:17

Tumpa, ¿mbae pa ko kuimbae, rembotuicha yae vaerä, jare reyemoambeko yae vaerä jese?

SALMOS 62:10

Agüɨye eyeko ndepɨarai re, jare repɨ̈rogüe rupi remboatɨ vae re; reikokatu yae ma yave, agüɨye ndepɨa jeseiño.

ÉXODO 7:22

Ërei Egipto pegua imbaekuaa vae reta jökorai etei vi oyapo reta imbaekuaa rupi, jare Faraón ipɨa oñemotäta, mbaetɨ oipota oyeapɨsaka jae reta iñee re, yandeYa jei rami.

ÉXODO 7:24

Jare opaete Egipto rupi oyapo reta ɨkua ɨ̈aka jembeɨ rupi güɨnoe reta vaerä ɨ jou, echa mbaetɨ ipuere reta jou ɨ ɨ̈aka rupigua.

ÉXODO 9:20

Faraón jembiokuai reta, yandeYa jei vae güi okɨɨye vae opa güeru jo rupi jembiokuai reta jare jɨmba reta;

ÉXODO 9:21

ërei, yandeYa iñee mbaetɨ güɨrovia vae reta, oeyaño ñana rupi jembiokuai reta jare jɨmba reta.

PROVERBIOS 22:17

Emboɨke ndeapɨsa eyeapɨsaka iyarakuaa vae reta iporomboarakuaa re; eñono ndepɨa pe che romboarakuaa vae re.

PROVERBIOS 24:32

Kuae aecha yave opɨta chepɨa pe, aecha yave opɨta metei yemboe rami cheve, jae ko:

PROVERBIOS 28:14

Oyerovia ko Tumpa güiño oipoɨu avei vae, ërei ipɨa omotäta vae, oata ikavimbae pe.

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 47:7

Ndeyemongeta pe reiko aveita mburuvicha guasurä, mbaetɨ reyemongeta kuae re, mbaetɨ vi reyemongeta jaɨkue rupi këraita ko reiko vae re.

JEREMÍAS 36:24

Mburuvicha guasu jare iyɨvɨrigua mburuvicha reta oendu yave, mbaetɨ etei okɨɨye reta, jare mbaetɨ kërai ave omboyekuaa reta ipɨatɨtɨ.

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

EZEQUIEL 40:4

Jókuae kuimbae jei cheve: “Nde kuimbae, emae jare eyeapɨsaka kavi, agüɨye neakañɨ opaete aechaukata ndeve vae güi, echa jaerä ko ndereru kuae pe. Kuae reecha vae re nemiari Israel iñemuña reta pe.”

HABACUC 1:5

YandeYa jei: “Pemae tëtaguasu reta peɨvɨrigua re; jare pepɨakañɨ jese. Echa köi yae ma mbae ayapo vaerä perovake, ngaraa perovia oyemombeu peve yave.

MALAQUÍAS 2:2

Mbaetɨ yave peendu jare mbaetɨ yave pepɨakatu reve chemboete, ayepopeyuta peré jare mbaembae penoi vae re, echa mbaetɨ chemboete pepɨakatu reve.” Jei yandeYa Imbaepuere yae ete vae.

DEUTERONOMIO 32:46

Jare jei Israel iñemuña reta pe: “Peendu kavi opaete ñee reta chemiari añave vae re, pemboe vaerä peraɨ reta, oyeandu reve kavi oyapo reta vaerä opaete ñee reta kuae mborookuai pegua.

1 SAMUEL 4:20

Omae jese vae reta oecha omanota yave jei chupe: “Agüɨye ekɨɨye, nemembɨ metei kunumi raɨ ko.” Ërei jae mbaetɨ iñee omoë jare mbaetɨ vi oyeapɨsaka jese.