ÉXODO 7:19 - Biblia Guarani Tumpa Iñee

¹⁹ YandeYa jei ye Moisés pe: —Ere Aarón pe: “Eipɨɨ ndepopoka jare eropövee ɨ re kuae Egipto pe, ɨ̈aka kotɨ, ɨ̈aka raɨ kotɨ, ɨupa kotɨ jare opaete ɨrɨru tuicha vae kotɨ oyeapo vaerä tugüɨrä.” Toime tugüɨ opaete ɨvɨ Egipto rupi; jökorai vi vaso reta ɨvɨra pegua jare ita pegua rupi.

ÉXODO 7:19 ပူးပေါင်းရင်းမြစ်များ

GÉNESIS 1:10

Tumpa ombojee jókuae otini vae “ɨvɨ” jare ɨ yatɨ vae ombojee “ɨguasu reta”. Jare oecha ikavi yae ko.

2 REYES 4:29

Jayave Eliseo jei Giezi pe: —Eyupavo, ko oï chepopoka jare ekua jokotɨ. Kia nunga vae nerövaiti yave, agüɨye maraetei eyapo chupe, kia nunga vae maraetei oyapo ndeve yave, agüɨye emboyevɨ chupe. Javoi chepopoka eñono kunumi raɨ jova re.

ÉXODO 10:12

Jayave yandeYa jei Moisés pe: —Emopüa ndepopoka ɨvɨ Egipto re, ou vaerä tuku reta opaete tëta guasu Egipto re, opa vaerä jou opaete amandau oyukapambae.

ÉXODO 10:21

YandeYa jei Moisés pe: —Emopüa ndepo ara kotɨ ou vaerä pɨtumimbi opaete ɨvɨ Egipto re, tipɨtumimbi yeyé opaete vae oyandu etei vaerä.

ÉXODO 14:16

Eupi ndepopoka jare eropövee ɨguasu re, jare emboyao, jare toike Israel iñemuña reta jókuae ɨguasu ipäu rupi, ɨvɨ otini vae rupi.

ÉXODO 14:21

Jayave Moisés güɨropövee ipopoka ɨguasu re, jare jókuae pɨ̈tu yandeYa ombou ɨvɨtu täta yae vae kuaraɨ oëa kotɨ güi ombosɨrɨ vaerä ɨ oyougüi jare otini, jökorai ɨ oyemboyao opɨta.

ÉXODO 14:26

Jayave yandeYa jei Moisés pe: —Emopüa ndepopoka ɨguasu re, ɨ opa ye vaerä ou jenda pe, oyasoi vaerä Egiptoɨgua reta, käretou pegua reta jare opaete sundaro kavayu regua reta.

ÉXODO 4:9

Jare mbaetɨñoi ndererovia reta kuae mókoi mɨakañɨ reta rupi yave, ani neñee ave mbaetɨ oendu reta yave, eyara ɨ̈aka pegua ɨ jare epɨyere ɨvɨ pe; jare jókuae ɨ ɨ̈aka güi reyarata vae oyepoepɨta tugüɨrä ɨvɨ pe.

ÉXODO 8:16

Jayave yandeYa jei Moisés pe: —Ere Aarón pe: “Eropövee ndepopoka jare eiporu ɨvɨkúi re, oyeapo vaerä kɨrä opaete kuae tëta guasu Egipto pe.”

ÉXODO 9:33

Moisés oë Faraón jóvai güi ñoete, tëta guasu güi ikatu pe yave omopüa ipo, jare oyerure yandeYa pe, jare osondo ararɨapu jare amandau, jare mbaetɨ ye okɨ ɨvɨ iárambo.

ISAÍAS 19:10

echa opata ipɨsa reta osoro, pira imoñemuñaka oyapo vae reta, ipɨatɨtɨta.

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

HABACUC 3:8

CheYa, ¿ndearasɨ pa ɨ̈aka reta kotɨ? ¿Ndearasɨ pa ɨguasu reta kotɨ? ¿Jaerä pa repo ndekavayu reta re jare reyeupi nekäretou pe ñeraro regua rami?