ÉXODO 7:17 - Biblia Guarani Tumpa Iñee

¹⁷ Jáeramo, körai jei oreYa: ‘Kuae rupi reikuaata che ko jae peYa vae. Kuae popoka chepo pe anoi vae aiporu kuae ɨ oï ɨ̈aka pe vae re yave, oyepoepɨta tugüɨrä.

ÉXODO 7:17 ပူးပေါင်းရင်းမြစ်များ

1 REYES 20:28

Jayave ou kuimbae Tumpa iñeemombeúa mburuvicha guasu Israel pegua jóvai, jare jei chupe: —Körai yandeYa jei: “Echa Siriaɨgua reta jei, che jae Tumpa ɨvɨtɨ rupiguaño, mbaetɨ ko ɨvɨpe kavi rupigua ramo, ameeta ndepo pe kuae jeta yae vae. Jökorai peikuaata che jae ko peYa.”

2 REYES 19:19

Añave oreYa Tumpa, romoñera orereroasayepe vaerä ndembaepuere pe, oikuaa vaerä opaete mborookuaía reta ɨvɨ pegua, ndeño ko jae oreYa Tumpa vae.”

SALMOS 105:29

Opa oipoepɨ ɨ tugüɨ pe chugüi reta, jare opa oyuka pira reta pɨpegua;

SALMOS 78:44

ɨ reta oipoepɨ yave tugüɨ pe, agüɨye vaerä oɨu reta chugüi.

SALMOS 83:18

¡Toikuaa reta nde jae ko Tumpa vae, ndeño ko jae Tuichagüe yae ete opaete ɨvɨ re vae!

SALMOS 9:16

YandeYa oyekuaauka chupe reta. ¡Jae oyapo jupi vae! Jeko pɨ̈chɨi vae reta opa oyepɨɨ, jae reta ñuai oyapo vae pe yeño oa reta.

ÉXODO 1:22

Jayave Faraón oyókuai opaete jëtaɨgua reta, körai: “Pemombo ɨ pe opaete michia raɨ kuimbae oa vae, ërei kuña ko yave pemaeño toikove.”

ÉXODO 10:2

jare nde nemiari vaerä nderaɨ reta pe, nerɨmɨmino reta pe mbaembae reta ayapo Egipto pe vae, mɨakañɨ ayapo jese reta vae; peikuaa vaerä che ko jae peYa vae.

ÉXODO 4:9

Jare mbaetɨñoi ndererovia reta kuae mókoi mɨakañɨ reta rupi yave, ani neñee ave mbaetɨ oendu reta yave, eyara ɨ̈aka pegua ɨ jare epɨyere ɨvɨ pe; jare jókuae ɨ ɨ̈aka güi reyarata vae oyepoepɨta tugüɨrä ɨvɨ pe.

ÉXODO 5:2

Ërei Faraón jei: —¿Kia pa jókuae “peYa”, ayeapɨsaka vaerä iñee re jare amaeño vaerä yogüɨraja Israel iñemuña reta? Che mbaetɨ ko aikuaa peYa, ngaraa vi amaeño yogüɨraja Israel iñemuña reta.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

ÉXODO 7:20

Moisés jare Aarón oyapo yandeYa oyókuai rami; oiporu ipopoka ɨ ɨ̈aka pegua re, Faraón jovake jare jembiokuai reta jovake, jare opaete ɨ ɨ̈aka rupigua oyeapo tugüɨrä.

ÉXODO 7:5

Jare Egiptoɨgua reta oikuaata che ko jae peYa vae, aitɨ yave chembaepuere Egipto re, Israel iñemuña reta pogüɨnoe jae reta ipɨte güi yave.

EZEQUIEL 25:17

Aiporarauka yaeta chupe reta chearasɨ yae reve. Kuae ayapo vae rupi chekuaa retata che ko jae Tumpa vae.’ ”

EZEQUIEL 29:9

Ɨvɨ Egipto opɨtata ipombae, jare chekuaa retata che ko jae Tumpa vae. Echa rere: Ɨ̈aka Nilo chembae ko, che ko ayapo cheyeupe.

EZEQUIEL 30:19

Aiporaraukata Egipto pegua reta pe, jayave oikuaa retata che ko jae Tumpa vae.”

EZEQUIEL 30:8

Egipto re ayatɨka tata jare opa amboai imborɨa reta yave, oikuaa retata che ko jae peYa vae.

EZEQUIEL 32:15

Egipto opata amboai, opɨtata ipombae, opaete joko pe yogüɨreko vae reta amokañɨtei yave, oikuaa retata che ko jae Tumpa vae.’

EZEQUIEL 32:6

Nderugüɨ pe amoäkɨta ɨvɨ, jare ɨvɨtɨ reta ave, ɨ̈aka raɨ reta tɨnɨeta nderugüɨ.

EZEQUIEL 38:23

Jökorai ayembotuichaukata jare ayemboeteukata, jare opaete tëtaguasu reta oikuaata che ko jae Tumpa vae.’ ”

EZEQUIEL 39:28

Chekuaa retata che ko jae iYa Tumpa vae, echa amondo reta tembipɨɨrä tëtaguasu reta rupi, jare aru reta ye iɨvɨ ae pe yave, aeyambae reve metei ave jokoropi.

DANIEL 4:17

Kuae yemongeta oë ikotɨ vae araɨgua omaangareko vae reta güi ko, jókuae iyoambae reta güi, opaete oikove vae reta oikuaa vaerä Tuichagüe yae ete vae ko güɨnoi mbaepuere kuimbae reta iporookuaía re, echa jae omee kia nunga vae pe oipota omee yave, oñono mburuvicharä mbaeä etei kuimbae reta ipɨte pe vae.

DANIEL 4:32

jare kuimbae reta ipɨte güi ndemombo retata, jare mɨmba reta ñana rupigua ndive reikota, jare guaka reta rami ndemongaru retata; jökorai chiu año reikota, reikuaa regua kërai Tuichagüe yae ete vae ko güɨnoi mbaepuere kuimbae reta iporookuaía re jare jae omee mborookuaía kia nunga vae pe oipota omee yave.”

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

DANIEL 5:21

Jare oyemombouka kuimbae reta ipɨte güi, jare ou ipɨa opɨta mɨmba reta rami, jare oiko mburika reta ñanaɨgua ndive. Ñana jou guaka rami, jare ɨsápɨi opa jete omoäkɨ, oikuaa regua Tumpa Tuichagüe yae ete vae ko güɨnoi mbaepuere kuimbae reta iporookuaía re, jare jae omee mbaepuere ikɨ̈reɨ omee vae pe.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

Apocalipsis 11:6

Kuae mókoi reve güɨnoi mbaepuere ara re agüɨye vaerä okɨ opaete ara reta Tumpa iñee omoërakua reta ramboeve. Jaeramiño vi güɨnoita mbaepuere ɨ re oyapo vaerä tugüɨrä. Jaeramiño vi güɨnoita mbaepuere oiporarauka vaerä ɨvɨ pegua reta pe oipotagüe tembiporara jae reta ikɨ̈reɨ oyapo rupi.

Apocalipsis 8:8

Jayave araɨgua mokoía omoñee mimbɨguasu, jare metei ɨvɨtɨ guasuecha vae jendɨ reve oa ɨguasu pe. Jare mbɨte seri ɨguasu oyeapo tugüɨrä.