ÉXODO 6:1 - Biblia Guarani Tumpa Iñee

¹ YandeYa jei Moisés pe: —Añave reechata Faraón ndive ayapota vae; echa chembaepuere rupiño omaeñota peo, chembaepuere rupiño jae etei pemoëta iɨvɨ güi.

ÉXODO 6:1 ပူးပေါင်းရင်းမြစ်များ

2 REYES 7:19

Jayave jókuae mburuvicha guasu imborɨa jei yepe Tumpa iñeemombeúa pe: —Yepe tëi yandeYa oipea yave ara, ngaraa ko jökorai oasa jókuae rere vae. Eliseo jei chupe: —Mase, nde reechata, ërei ngaraa reu jókuae güi.

2 REYES 7:2

Mburuvicha guasu imborɨa jei Tumpa iñeemombeúa pe: —Yepe tëi yandeYa oipea ara, ngaraa ko oasa jókuae rere vae. Ërei Eliseo jei: —Mase, nde reechata, ërei ngaraa reu jókuae reta güi.

2 CRÓNICAS 20:17

Mbaetɨta ko pe reta peñeraro. Peyemboɨ kïrii, jare peechata kërai yandeYa pereepɨ. ¡Judá pegua reta jare Jerusalén pegua reta, agüɨye pekɨɨye, agüɨye peyembopɨtu; peporepeña pɨareve jese reta, echa yandeYa oïta pe reta ndive!’ ”

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 12:6

YandeYa iñee ikɨambae ko; ¡korepoti oyeambae rami ko, oyekɨa yoe kavi yae horno pe vae rami!

SALMOS 136:12

imbaepuere yae rupi güɨnoe vae, echa iporoparareko jekuae avei vae ko.

SALMOS 89:13

Ndeyɨva imbaepuere yae ko, ndepo akatu ipɨ̈rata jare imbaepuere yae.

ÉXODO 11:1

YandeYa jei yepe Moisés pe: —Metei mbae ikavimbae vae aru ye ñotai räri Faraón re jare Egipto re, jayave ramo jae omaeñota peo kuae güi; jae etei opata pemombo kuae güi.

ÉXODO 12:31

Jare jókuae pɨ̈tu Faraón oenɨiuka Moisés jare Aarón, jare jei chupe reta: —Peë cherëta güi, pe reta jare opaete Israel iñemuña reta, pekua pemboete peYa, pe pere rami.

ÉXODO 12:33

Jare Egiptoɨgua reta omoangeko opa reta vaerä omoë iɨvɨ güi, echa jei reta: “¡Opata ñamano!”

ÉXODO 12:39

Jare omboyɨ reta mbɨyape oyembovumbaeño güeru reta Egipto güi vae, echa Egiptoɨgua reta opa ramboeve omoë iɨvɨ güi, mbaetɨ oyupavo reta oyapo vaerä tembíu iyeupe.

ÉXODO 13:14

jare ïru ara rupi peraɨ reta oparandu yave peve: ‘¿Mbae pa ko kuae?’ Pe pereta chupe reta: ‘YandeYa orerenoe imbaepuere yae ete rupi Egipto güi, yeokuaiasɨ katu güi.

ÉXODO 13:16

Añave toiko pepoapɨ re ani peresɨva re mbae ikañɨmaa vae rami, yandeYa orerenoe imbaepuere yae ete rupi Egipto güi vae jeko pegua.’ ”

ÉXODO 13:3

Jare Moisés jei opaete vae pe: “Pemaendúa kuae ara peñerenoe Egipto güi vae re, yeokuaiasɨ katu güi, echa yandeYa perenoe kuae güi imbaepuere rupi. Jáeramo agüɨye peu mbɨyape oyembovugüe.

ÉXODO 13:9

Kuae toiko pepoapɨ re ani peresɨva re mbae ikañɨmaa vae rami, pemaendúa avei vaerä yandeYa iporookuai re; jae perenoe imbaepuere yae ete rupi Egipto güi vae jeko pegua.

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

ÉXODO 15:6

CheYa, ndepo ndeakatu kotɨgua omboyekuaa ndembaepuere, ndepo ndeakatu kotɨgua omoamɨri tovaicho reta.

ÉXODO 7:4

Jare Faraón ngaraa oyeapɨsaka peñee re; ërei che aitɨta chembaepuere Egipto re, anoeta chesundaro reta, chembae vae, Israel iñemuña reta ɨvɨ Egipto güi tuichagüe morojäa rupi.

ÉXODO 7:5

Jare Egiptoɨgua reta oikuaata che ko jae peYa vae, aitɨ yave chembaepuere Egipto re, Israel iñemuña reta pogüɨnoe jae reta ipɨte güi yave.

ISAÍAS 63:12

jókuae iyemboetea oñono Moisés re vae; ɨguasu omboyao jae reta japerä vae, jökorai oyapo jee jërakua yae avei vaerä vae,

NÚMEROS 11:23

Jayave yandeYa jei Moisés pe: —¿Che ndeYa mbaetɨ pa chepo? Añave reechata oyembopota ra cheñee, ani mbaetɨta ra vae.

NÚMEROS 23:23

Echa Jacob iñemuña reta re mbaetɨ ko oa moroäɨvo. Mbaekuaa rupi maratuta vae oyemombeu vae ave ko mbaetɨ oa Israel iñemuña reta re. Añave rupi jei reta ñogüɨnoi chupe: ‘¡Jeta mɨakañɨ oyapo neTumpa ndeve!’

Hechos 13:17

Israel pegua reta iTumpa oiparavo ñaneñemuñagüe reta, jare ombotuichauka Egipto pe ketɨgua yogüɨreko ramboeve. Jare Tumpa imbaepuere yae rupi opa güɨnoe joko güi

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?