ÉXODO 40:34 - Biblia Guarani Tumpa Iñee

³⁴ Jayave metei amapɨtu oñova tupao guakapi pegua, jare yandeYa iyemboetea omotɨnɨe tupao guakapi pegua.

ÉXODO 40:34 ပူးပေါင်းရင်းမြစ်များ

2 SAMUEL 7:6

Añete, mbaetɨ aiko o pe, Egipto güi anoe Israel iñemuña reta güive; aiko o guakapi pegua peño.

2 CRÓNICAS 5:13

Omoñee reta mimbɨguasu reta yave, jare otairari reta metei rami omboete vaerä jare omee vaerä yasoropai yandeYa pe yave, jare mimbɨguasu reta iñee ndive omboete reta yandeYa, jei reve: “Echa jae ipɨakavi, iporoparareko jekuae avei.” Jayave amapɨtu tɨnɨe yandeYa itupao guasu.

2 CRÓNICAS 7:2

Jare sacerdote reta mbaetɨ ipuere oike yandeYa itupao guasu pe, echa yandeYa iyemboetea tɨnɨe tupao guasu.

SALMOS 26:8

CheYa, che aaɨu ndetupao, ndeyemboetea oïa.

ÉXODO 14:24

Jare köe ma ou yave yandeYa omae Egiptoɨgua reta kotɨ jókuae amapɨtu güi, metei jɨsɨ tata vae güi, jare ombopɨajopa Egiptoɨgua reta,

ÉXODO 16:10

Aarón imiari ramboeve Israel iñemuña reta ndive, omae reta ñuu kotɨ jare oecha reta yandeYa iyemboetea jembipe oyekuaa amapɨtu re.

ÉXODO 25:8

Jare toyapo reta cheve metei o ayemboeteuka pɨpe vaerä, aiko vaerä jae reta ipɨte pe.

ÉXODO 29:43

Joko pe aïta Israel iñemuña reta ndive; jókuae o oñeñono teeta cheyemboetea rupi.

ÉXODO 33:9

Moisés oike yave jókuae tupao guakapi pegua pe, amapɨtu jɨsɨ ogüeyɨ jare ou oñeñono tupao guakapi pegua jöke pe, jare yandeYa imiari Moisés ndive.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 6:4

Jare jókuae osapúkai vae reta omokana tupao jöke reta oyekutu jese vae isapúkai pe, jare tupao tɨnɨe tätati pe.

EZEQUIEL 10:4

Jayave yandeYa iyemboetea oyemboɨvate araɨgua querubín reta iárambo güi, ojo tupao jöke pe; jare amapɨtu tɨnɨe tupao, jare yandeYa iyemboetea jembipegüe oesape oka.

LEVÍTICO 16:2

YandeYa jei Moisés pe: “Ere nderɨkeɨ Aarón pe, agüɨye toike avei tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe oïa pe, ñɨ̈ro renda käjou iárambo oï vae jóvai, agüɨye vaerä omano; echa che ayekuaata amapɨtu re ñɨ̈ro renda re.

HAGEO 2:7

Jare amborɨrɨita opaete tëtaguasu reta, jare yogüeruta opaete tëtaguasu reta kuae kotɨ imbaeyekou reta ndive; amotɨnɨeta mbae ikavigüe pe kuae o, jei yandeYa Imbaepuere yae ete vae.

HAGEO 2:9

Kuae tupao ikavi yaeta oiko kuri, tenonde yave oikose vae güi; jare ameeta mbɨakatu kuae tëta pe, jei yandeYa Imbaepuere yae ete vae.’ ”

NÚMEROS 7:89

Moisés oike tupao guakapi pegua pe, imiari vaerä Tumpa ndive yave, oendu yandeYa iñee ñɨ̈ro renda iárambo güi, jókuae mókoi araɨgua querubín iä ipäu güi, jare imiari jae ndive.

Romanos 9:4

Jae ko Israel iñemuña reta. Tumpa oyapo taɨ retarä. Oechauka iyemboetea chupe reta. Oyapo morogüɨrökuavee päve jae reta ndive, jare oikuaauka vi chupe reta Moisés iporookuai. Oyeokuai reta Tumpa pe jare jae oñererökuavee chupe reta.

Apocalipsis 15:8

Jare tupao tɨnɨe tätati pe, Tumpa iyemboetea jare imbaepuere rupi. Jare mbaetɨ etei kia ipuere oike tupao pe, ndei jókuae chiu mbaesusere jókuae chiu araɨgua reta güɨnoi vae oyeapo mbove.

Apocalipsis 21:3

Jare aendu metei ñee tätagüe ara güi jei: “Mase, Tumpa oikoa ko oï ɨvɨ pegua reta ndive. Jae oikota jae reta ndive; ɨvɨ pegua reta yogüɨrekota Tumpa imbaerä, jare Tumpa etei oikota jae reta iTumparä.