ÉXODO 40:20 - Biblia Guarani Tumpa Iñee

²⁰ Moisés oipɨɨ ita ipe vae mborookuai reta oyekuatía oï jese vae, jare oñono käjou japɨpe jare ɨvɨra oyepɨasa vae reta oñono käjou re, jare ñɨ̈ro renda käjou itapa re.

ÉXODO 40:20 ပူးပေါင်းရင်းမြစ်များ

1 REYES 8:9

Käjou pe jaeño oï mókoi ita ipe vae, Moisés oñono pɨpe Horeb pe vae, jae ko morogüɨrökuavee päve yandeYa oyapo Israel iñemuña reta ndive Egipto güi ñogüɨnoe reta yave vae.

1 CRÓNICAS 15:3

Javoi David omboatɨ opaete Israel iñemuña reta Jerusalén pe, yandeYa ikäjou oyereroyakavo vaerä jókuae o omopüa chupea pe.

2 CRÓNICAS 5:10

Jókuae Tumpa ikäjou japɨpe pe oï vae jaeño mókoi ita oñeopagüe, Moisés oñono pɨpe Horeb pe ñogüɨnoi yave vae. Jókuae reta rupi yandeYa oyapo morogüɨrökuavee päve Israel iñemuña reta ndive, oë reta Egipto güi yave.

SALMOS 40:8

Nderemimbota ayapo vae chemboyerovia cheRu Tumpa. ¡Ndeporookuai oï chepɨa pe!”

ÉXODO 16:34

Jare Aarón omboɨru oñono käjou yemomaendúa pegua jóvai oñeñovatu vaerä yandeYa oyókuai Moisés vae rami.

ÉXODO 26:34

Jare ñɨ̈ro renda toñono reta, käjou yemomaendúa pegua iárambo tupao guakapi pegua japɨpe oñeñono tee kavi yae vae pe.

ÉXODO 31:18

Opa ma Tumpa imiari Moisés ndive ɨvɨtɨ Sinaí re yave, omee chupe mókoi ita yemomaendúa pegua, jókuae mókoi ita ipe vae, Tumpa ipoäka pe etei mborookuai reta oikuatía jese vae.

ÉXODO 40:19

omoata iárambo asoya jare iarambogua asoya oñono ye jese, yandeYa oyókuai Moisés vae rami.

ÉXODO 40:3

jare eñono pɨpe käjou yemomaendúa pegua, jare omoia vaerä emoata asoya o imboyaoa.

San Mateo 3:15

Jayave Jesús jei chupe: —Ikavi ko nde chembobautisa vaerä añave, echa jökorai yayapo opaete jupi vae. Jayave Juan ombobautisa Jesús.

Romanos 10:4

Echa Cristo re opa ma oyembopo Moisés iporookuai, opaete oporogüɨrovia vae reta oyembojupiuka vaerä.

Romanos 3:25

jae ko Tumpa omee, oime vaerä ñɨ̈ro jugüɨ rupi yarovia yave, jökorai oyekuaa kërai Tumpa jupi ko, arakae iñɨ̈ro yave ipɨaguasu reve opaete mbaeyoa reta re;

DEUTERONOMIO 10:5

Agüeyɨ ɨvɨtɨ güi, jare ita ipe vae añono käjou ayapogüe pe, yandeYa cheokuai rami, jare oime ñogüɨnoi pɨpe.

Hebreos 4:16

Jáeramo, yayemboya yaipoɨumbae reve ipɨakavi yae vae iguapɨa re, jae yandeparareko vaerä jare ipɨakavi rupi yandemborɨ vaerä yaiporara yave.

Hebreos 9:4

joko pe oï tätapɨirɨru oro pegua, käjou morogüɨrökuavee päve pegua oro pe oñeova vae, metei yapepo oro pegua maná oï pɨpe vae, Aarón ipopoka jokɨ vae jare itape reta morogüɨrökuavee päve güɨnoi vae.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.