ÉXODO 40:10 - Biblia Guarani Tumpa Iñee

¹⁰ Epɨyere vi asaite yeparavo pegua mɨmba oyeyukagüe opaetei oyeapɨ jese vae re jare opaete jembiporu reta re; jökorai eñono tee mɨmba oyeyuka oyeapɨ jese vae, jare toiko oñeñono tee kavi yae vae.

ÉXODO 40:10 ပူးပေါင်းရင်းမြစ်များ

ÉXODO 30:29

Körai eñono tee jare topɨta oñeñono tee kavi yae vae; kuae reta re oipotagüe mbae oñeátai yave, toñeñono tee topɨta.

ÉXODO 40:11

Epɨyere vi jókuae asaite ɨrɨru re jare iguapɨka re, jökorai eñono tee.

ISAÍAS 11:2

Jese oïta yandeYa iEspíritu; espíritu pɨaarakuaa katu pegua jare arakuaa katu, espíritu yemboarakuaa pegua jare mbaepuere pegua, espíritu oikuaa yae mbae vae, jare oipoɨu yandeYa güi vae.

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

LEVÍTICO 6:17

Agüɨye tomboyɨ reta mbae oyembovu pɨpe vae ndive; amee ko chupe reta mbota oyeapɨ oñemee cheve vae güi jae reta imbaerä; jae ko mbae oñeñono tee kavi yae cheve vae, mɨmba oyeyukagüe mbaeyoa re vae rami, jare mɨmba oyeyuka ñɨ̈ro peguarä vae rami.

LEVÍTICO 8:11

Jare oñapiramo jókuae olivo iasaite güi chiu ye mɨmba oyeyuka oyeapɨ jese vae re, jökorai oñono tee mɨmba oyeyuka oyeapɨ jese vae jare opaete jembiporu reta, ɨrɨru, ɨrɨru iguapɨka, oñeñono tee vaerä Tumpa pe.

San Lucas 1:35

Jayave araɨgua jei María pe: —Espíritu Santo outa nderé. Tuichagüe yae vae imbaepuere pe neovata. Jáeramo jókuae Iyoambae vae oata vae, jeeta ko Tumpa Taɨ.

San Juan 17:19

Kuae reta jeko pegua añeñono tee ma ndeveguarä, jae reta vi oñeñono tee vaerä neñee añete vae rupi.

San Juan 3:34

Jókuae Tumpa ombou vae imiari Tumpa iñee, echa Tumpa omee chupe iEspíritu.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Hebreos 7:26

Echa kuae nunga sacerdote tenondegua ete ko ikavi yandeve; echa jae ko jupi vae, jekombae vae, ikɨambae vae, oyembosɨrɨ iyoa vae reta güi vae tuichagüe yae vae;