ÉXODO 4:31 - Biblia Guarani Tumpa Iñee

³¹ Jare opaete vae güɨrovia; oendu reta yandeYa ou ko Israel iñemuña reta omborɨ vae, jare oikuaa reta Tumpa oecha kërai oiporara yae reta ko vae yave, itɨndɨ reta omboete.

ÉXODO 4:31 ပူးပေါင်းရင်းမြစ်များ

GÉNESIS 17:3

Jayave Abram oyetavatɨka jare itindɨasɨ ɨvɨ re; jare Tumpa imiari jae ndive, jei reve:

GÉNESIS 24:26

Jayave jókuae kuimbae itindɨ jare omboete yandeYa,

GÉNESIS 29:32

Lea ipurúa jare oa imembɨ jare ombojee Rubén, echa jei: “YandeYa oecha chepɨatɨtɨ vae; añave kuae re cheraɨuta cheme.”

GÉNESIS 50:24

Jare José jei jëtara reta pe: “Che amanota ma, ërei Tumpa outa metei ara pemborɨ, jae perenoeta kuae ɨvɨ güi, arakae ma Tumpa güɨrökuavee ɨvɨ Abraham pe vae, jare Isaac pe jare yanderu Jacob pe vae kotɨ.”

1 CRÓNICAS 29:20

Javoi David jei opaete oyemboatɨ ñogüɨnoi vae reta pe: “Añave pemboete yandeYa Tumpa.” Jayave yatɨ vae reta omboete yandeYa, iñemuñagüe reta iTumpa, oyetavatɨka itindɨasɨ reve ombaemboete reta yandeYa jóvai jare mburuvicha guasu jóvai.

2 CRÓNICAS 20:18

Jayave Josafat oyetavatɨka itindɨasɨ ɨvɨ re, jaeramiño vi opaete Judá pegua reta jare Jerusalén pegua reta, oyetavatɨka yandeYa jóvai jare omboete reta.

2 CRÓNICAS 32:8

Jae ndive oï kuimbae reta imbaepuere, ërei yande ndive oï yandeYa Tumpa yandemborɨ vaerä kuae ñeraro pe.” Jare mburuvicha guasu Ezequías iñee oendu reta yave, oñemoäta ngatu opaete vae.

2 CRÓNICAS 7:3

Jare Israel iñemuña reta oecha yave ou tata jare yandeYa iyemboetea tupao guasu re, oyetavatɨka reta itindɨasɨ piso re omboete reta jare omee reta yasoropai yandeYa pe, jei reta reve: “Echa jae ipɨakavi jare iporoparareko jekuae avei.”

NEHEMÍAS 8:6

Jayave Esdras omboete yandeYa Tumpa tuicha ete vae, jare opaete vae jei: ¡Amén! ¡Amén! Oupi reve ipo reta; jare oñemomichi reta jare omboete reta yandeYa Tumpa oyetavatɨka itindɨasɨ reve ɨvɨ re.

JOB 1:20

Jayave Job opüa jare omondoro jemimonde jare opaetei oñeapiasɨ ipɨatɨtɨ güi, jare oyetavatɨka itindɨasɨ ɨvɨ re jare omboete Tumpa,

ÉXODO 12:27

Pe pereta chupe reta: ‘Kuae ko oyeyuka Pascua pe yandeYa pe vae, jae oasa güɨraveño Israel iñemuña reta ñogüɨnoia iárambo rupi Egipto pe yave, yandeYa güeru yave mano Egiptoɨgua reta re jare omboasayepe yandero pegua reta.’ ” Jayave Israel iñemuña reta oyetavatɨka jare omboete yandeYa.

ÉXODO 14:31

Jare Israel iñemuña reta oecha jókuae mɨakañɨ tuicha yae yandeYa oyapo Egiptoɨgua reta kotɨ vae; jayave jae reta oipoɨu yandeYa güi, jare güɨrovia reta yandeYa re jare jembiokuai Moisés re.

ÉXODO 19:8

Jare opaete vae metei rami jei: —Opaete yandeYa jei vae royapota ko. Jare Moisés güɨraja omombeu yandeYa pe kuae tëta iñee,

ÉXODO 19:9

jayave yandeYa jei Moisés pe: —Mase, ko che ayuta ndekotɨ metei amapɨtu pɨtumimbi yae vae re, Israel iñemuña reta oendu vaerä chemiari yave nde ndive, ndererovia reta vaerä jekuae avei. Jayave Moisés omombeu yandeYa pe opaete vae iñee,

ÉXODO 2:25

Tumpa omae Israel iñemuña reta re, jare oecha kërai yogüɨreko vae.

ÉXODO 3:16

Ekua, jare emboatɨ Israel iñemuña reta itenondegua reta, jare ere chupe reta: “YandeYa, peñemuñagüe Abraham, Isaac jare Jacob iTumpa oyekuaa cheve jare jei añetete outa ko pemborɨ vae, oecha ko opaete Egiptoɨgua reta oyapo pekotɨ vae.

ÉXODO 3:18

Oendu retata neñee; jare reota nde jare Israel iñemuña itenondegua reta ndive mburuvicha guasu Egipto pegua pɨri, jare pereta chupe: “OreYa, hebreo reta iTumpa oyekuaa oreve; jáeramo, añave rojota ñuu kotɨ, mboapɨ ara roguatata romee vaerä mɨmba oyeyukagüe oreYa Tumpa pe.”

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

ÉXODO 33:10

Jare opaete vae oecha amapɨtu jɨsɨ vae tupao guakapi pegua jöke pe oï yave, metei ñavo oyetavatɨka iküaraɨa guakapi pegua jöke pe jare ombaemboete reta.

ÉXODO 34:8

Jayave Moisés jarembae pegua oyetavatɨka itindɨasɨ ɨvɨ re, jare omboete yandeYa.

ÉXODO 4:5

—Kuae rupi ndererovia retata che ndeYa Tumpa ko oyekuaa ndeve vae, neñemuñagüe Abraham, Isaac jare Jacob iTumpa.

SOFONÍAS 2:7

Judá iñemuña jembɨregüe reta yogüɨrekota jókuae ɨvɨ pe, joko pe omongaru retata jɨmba reta, jare pɨ̈tu yave oputuu retata Ascalón pegua o reta pe; echa yandeYa Tumpa outa omborɨ vaerä, jae opata güeru ye tembipɨɨ reta.

San Lucas 1:68

“Toyemboeteuka yandeYa Israel iTumpa, echa jae ou omborɨ jare oepɨ tëta imbae.

San Lucas 8:13

Jökorai vi jókuae ita pɨte rupi oa vae reta oyembojaanga Tumpa iñee oendu rupive omboresive oyerovia reve vae re, ërei kuae reta jókuae temitɨ japo matɨä ɨ́vɨkotɨ ojo rami ko. Echa michi peguaño güɨrovia. Ërei mbaemboavai ou chupe reta yave, opia reta.

RUT 1:6

Jayave oyemongeta oyerova ye vaerä imembɨtatɨgüe reta ndive ɨvɨ Moab güi; echa jërakua chupe, Tumpa iporomborɨ rupi oime ye ma tembíu jókuae jëtagüe pe.