ÉXODO 4:24 - Biblia Guarani Tumpa Iñee

²⁴ Jare tape rupi yogüɨraja ma yogüɨreko yave, opɨta ñogüɨnoia pe yandeYa oë japerä pe jare oipota oyuka.

ÉXODO 4:24 ပူးပေါင်းရင်းမြစ်များ

GÉNESIS 17:14

Kuimbae oyembocircuncidambae, jókuae nunga toyemombo jëtara reta ipɨte güi, echa oyavɨ ko cheporogüɨrökuavee päve kotɨ.

GÉNESIS 42:27

Ërei ngatu oguatagüe reta opɨtaa pe ñogüɨnoi yave, metei chugüi reta oipea ivoɨtarɨru omongaru vaerä imburika yave, oecha ikorepoti voɨtarɨru iyuru pe.

1 REYES 13:24

jare Tumpa iñeemombeúa Judá pegua ojo. Ërei tape rupi oë chupe yaguapope jare oyuka, jare jetegüe oyepɨso oï tape rupi. Imburika jare yaguapope joko pe vi ñogüɨnoi jëogüegüe iyɨpɨ pe.

1 CRÓNICAS 21:16

David omopüa iñäka yave oecha yandeYa iaraɨgua oyekuaa oï ɨvate, güɨnoi ipo pe ikɨsepuku güɨnoe jɨru güi vae güɨropövee Jerusalén kotɨ. Jayave David jare tenondegua reta ndive, oyetavatɨka itindɨasɨ reve ɨvɨ re, oñeapeva reve temimonde mbɨatɨtɨ pegua pe,

ÉXODO 3:18

Oendu retata neñee; jare reota nde jare Israel iñemuña itenondegua reta ndive mburuvicha guasu Egipto pegua pɨri, jare pereta chupe: “OreYa, hebreo reta iTumpa oyekuaa oreve; jáeramo, añave rojota ñuu kotɨ, mboapɨ ara roguatata romee vaerä mɨmba oyeyukagüe oreYa Tumpa pe.”

OSEAS 13:8

Aëta tape pe aövaiti metei oso kuña imembɨ oñepɨ̈ro chugüi vae rami, amopächata. Yaguapope oporou rami opata jau, mbaeporou oporoapo rami opata ambojaɨ jaɨ.

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.