ÉXODO 38:18 - Biblia Guarani Tumpa Iñee

¹⁸ Asoya oka jöke reguarä oyeapo vae, jae ko ipoki ombaapo vae jembiapo, vecharaagüe inimbo jovɨ vae pegua, pɨ̈taü vae, pɨ̈taasɨ vae jare lino oñepövagüe pegua, güɨnoi juri metro pukugüe jare mókoi metro veinticinco centímetro ɨvategüe, asoya reta oka re oyere vae rami.

ÉXODO 38:18 ပူးပေါင်းရင်းမြစ်များ

2 CRÓNICAS 3:14

Oyapo vi asoya o imboyaoa vecharaagüe jovɨ vae, pɨ̈taü vae, pɨ̈taasɨ vae jare lino pegua; jókuae asoya re omopöra oikuatía araɨgua iä reta.

ÉXODO 26:1

Toyapo reta tupao guakapi pegua payandepo asoya güɨnoi vae, lino oñepövagüe pegua, jare vecharaagüe inimbo jovɨ vae, pɨ̈taü vae, pɨ̈taasɨ vae pegua; jare toyapo reta jese ipoki rupi kavi araɨgua reta iä.

ÉXODO 26:36

Tupao guakapi pegua jökerä toyapo reta asoya vecharaagüe jovɨ vae, pɨ̈taü vae, pɨ̈taasɨ vae jare lino oñepövagüe pegua, ipoki ombaapo vae reta jembiapo.

ÉXODO 38:17

Poste reta iguapɨka jiero iyu vae pegua ko, jare itɨ̈ai reta jare iyapɨte regua korepoti pegua. Opaete poste reta iyapɨte regua korepoti pegua katuai ko.

ÉXODO 38:19

Irundɨ poste, irundɨ iguapɨka ndive jiero iyu vae pegua, jare itɨ̈ai reta, jare tɨ̈ai oñova vae korepoti pegua jare iyapɨte omopöra vae korepoti pegua vi.