ÉXODO 38:17 - Biblia Guarani Tumpa Iñee

¹⁷ Poste reta iguapɨka jiero iyu vae pegua ko, jare itɨ̈ai reta jare iyapɨte regua korepoti pegua. Opaete poste reta iyapɨte regua korepoti pegua katuai ko.

ÉXODO 38:17 ပူးပေါင်းရင်းမြစ်များ

1 REYES 7:16

Oyapo vi jiero iyu vae pegua jókuae mókoi okɨta iyapɨte omopöra vae reguarä. Jókuae iyapɨte reguarä vae metei ñavo ɨvategüe güɨnoi mókoi metro veinticinco centímetro.

ÉXODO 27:10

Veinte poste, jare veinte iguapɨka toyeapo jiero iyu vae pegua; poste itɨ̈ai jare iyapɨte regua korepoti pegua.

ÉXODO 38:16

Opaete asoya reta oka re oyere vae lino oñepövagüe pegua ko.

ÉXODO 38:18

Asoya oka jöke reguarä oyeapo vae, jae ko ipoki ombaapo vae jembiapo, vecharaagüe inimbo jovɨ vae pegua, pɨ̈taü vae, pɨ̈taasɨ vae jare lino oñepövagüe pegua, güɨnoi juri metro pukugüe jare mókoi metro veinticinco centímetro ɨvategüe, asoya reta oka re oyere vae rami.

NÚMEROS 3:36

Jae reta ipo pe toï tupao guakapi pegua ɨvɨra reta oñeopagüe jare ɨvɨra oyepɨasa vae reta, jare okɨta reta, jare iguapɨka reta, jare opaete ïru mbaembae reta;

NÚMEROS 4:32

joka ikësea poste reta, iguapɨka reta, etaka reta jare tɨmasa reta, jare opaete mbaembae reta jókuae peguarä oiporu vae. Pemokañɨmaa opaete mbaembae güɨrajata vae.