ÉXODO 37:9 - Biblia Guarani Tumpa Iñee

⁹ jare araɨgua iä reta ipepo omoata ñogüɨnoi ñɨ̈ro renda käjou itapa iárambo rupi, oyóvai ñogüɨnoi omae reta reve ñɨ̈ro renda käjou itapa re.

ÉXODO 37:9 ပူးပေါင်းရင်းမြစ်များ

GÉNESIS 28:12

Jare opaɨu: Ipaɨu pe oecha metei yeupika ɨvɨ güi ojoi ara re oya vae; jare Tumpa iaraɨgua reta jeta oyeupi jare jekuae ogüeyɨ reta jokoropi.

GÉNESIS 3:24

Jayave omombo joko güi kuimbae, jare oñono araɨgua reta Edén güi kuaraɨ oëa kotɨ jare metei kɨsepuku jendɨ vae jare oyembovava opaete rupi oguata vae, oyopia vaerä ɨvɨra tekove pegua jape.

1 REYES 6:27

Jare Salomón oñono jókuae mókoi araɨgua iä tupao japɨpe oñeñono tee kavi yae vae pe. Jókuae metei araɨgua iä ipepo omoata (oipɨso) vae oupitɨ ovapetea jare ïru araɨgua iä ipepo oupitɨ ïru ovapetea, jare ïru ipepo omboya reta oyoe o mbɨte pe.

ÉXODO 25:20

Jare araɨgua iä reta ipepo tomoata toñogüɨnoi ñɨ̈ro renda iárambo, toyóvai toñogüɨnoi, omae reta reve ñɨ̈ro renda re.

ÉXODO 37:10

Bezaleel oyapo vi metei mesa ɨvɨra käti pegua; ipukugüe güɨnoi noventa centímetro, jare ipɨgüe cuarenta y cinco centímetro jare ɨvategüe sesenta y cinco centímetro.

ÉXODO 37:8

Metei araɨgua iä oyapo metei jembeɨ re, jare ïru araɨgua iä oyapo ïru jembeɨ re, ñɨ̈ro renda käjou itapa jare araɨgua iä reta oyapo metei güiño,

ISAÍAS 6:2

Iárambo rupi ñogüɨnoi araɨgua serafín reta; metei ñavo vae güɨnoi ova ipepo; mókoi ipepo pe jova oñomi reta, ïru mókoi pe oñomi ipɨ reta, jare ïru mókoi re oveve reta.

San Juan 1:51

Añetete che jae ndeve, reechata ara oyepea oï, jare reechata vi Tumpa iaraɨgua reta oyeupi jare ogüeyɨ che Kuimbaerä oyeapo vae re.

2 Corintios 3:18

Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

Efesios 3:10

Tumpa iyarakuaa tuichagüe yae vae, oyekuaa vaerä oporogüɨrovia vae reta rupi, mburuvicha reta pe jare imbaepuere vae ara rupigua reta pe.

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Hebreos 1:14

Echa araɨgua reta Tumpa jembiokuai ko; jare jae ko ombou araɨgua reta omborɨ vaerä oyemboasaukata vae reta.

1 Pedro 1:12

Tumpa oechauka jókuae reta pe vae chupegua retaä ko, yandeveguarä ko, jae reta omombeu añave oñemoërakua oï peve ñee ikavi vae Espíritu Santo rupi ara güi ombou vae, jare araɨgua reta oipota yae tëi omae kuae mbaembae re.