ÉXODO 36:1 - Biblia Guarani Tumpa Iñee

¹ Jayave, Bezaleel jare Aholiab, jare opaete kuimbae ipɨa arakuaa vae reta, yandeYa omee arakuaa katu chupe vae reta, oikatu vaerä oyapo opaete mbaravɨkɨ o mbaemboetea pegua vae toyapo, opaete mbaembae yandeYa oporookuai jese vae.”

ÉXODO 36:1 ပူးပေါင်းရင်းမြစ်များ

1 REYES 7:14

jae ko metei kuña imemano vae imembɨraɨe, Neftalí iñemuña reta pegua, tu oparavɨkɨse jiero iyu vae pe Tiro pe. Hiram oikatu yae, ipɨarakuaa yae jare ipoki yae oyapo vaerä opaño mbaembae jiero iyu vae pegua, jayave jae ou mburuvicha guasu jóvai jare oyapo opaete iparavɨkɨ reta chupe.

1 CRÓNICAS 2:20

Hur taɨ jae Uri, jare Uri taɨ jae Bezaleel.

1 CRÓNICAS 28:21

Ko ñogüɨnoi sacerdote jare levita reta mbaravɨkɨ oyapo vaerä tupao pe; ñogüɨnoi aveita nde ndive opaete mbaravɨkɨ pe; jökoraiño vi ikɨ̈reɨ ngatu vae reta jare ipɨarakuaa opaete mbaravɨkɨ pe vae, mburuvicha reta jare opaete vae oyapo vaerä nde rere vae.”

SALMOS 119:6

Jayave ngaraa añemomaraiuka, aendu katu yave opaete ndeporookuai reta.

ÉXODO 12:28

Jare Israel iñemuña reta opa yogüɨraja oyapo, yandeYa oyókuai Moisés jare Aarón rami.

ÉXODO 25:8

Jare toyapo reta cheve metei o ayemboeteuka pɨpe vaerä, aiko vaerä jae reta ipɨte pe.

ÉXODO 28:3

Emomiari opaete ipoki ombaapo vae, arakuaa amee chupe vae reta, oyapo reta vaerä temimonde Aarón peguarä, jökorai oñeñono tee vaerä chesacerdoterä.

ÉXODO 31:11

asaite yeparavo pegua jare incienso ikäti kavi yae vae o mbaemboetea peguarä. Kuae kuimbae reta toyapo che royókuai rami etei.”

ÉXODO 36:2

Jare Moisés oenɨi Bezaleel jare Aholiab, jare opaete kuimbae ipɨa arakuaa vae reta, yandeYa omee arakuaa katu chupe vae reta, oyandu ipɨa pe kɨ̈reɨ ngatu yogüeru oporomborɨ vaerä mbaravɨkɨ pe vae reta.

ÉXODO 38:23

Jare omborɨ Aholiab, Ahisamac taɨ, Dan iñemuña pegua, jiero pegua mbaravɨkɨ oikatu oyapo vae, mbae oikatu ojäa kavi oyapo vae, ipoki ombaapo vecharaagüe inimbo jovɨ vae pe, pɨ̈taü vae pe, pɨ̈taasɨ vae jare lino oyeambae pegua pe.

ÉXODO 39:1

Vecharaagüe inimbo jovɨ vae, pɨ̈taü vae, pɨ̈taasɨ vae, oyapo reta temimonde o mbaemboetea pegua mbaravɨkɨ oyeapo yave oyemonde vaerä. Jökoraiño vi oyapo reta temimonde ikavi yae vae Aarón peguarä, yandeYa oyókuai Moisés vae rami.

NÚMEROS 7:9

Ërei Coat iñemuña reta pe mbaetɨ omee käretou jare güeye, echa iyatiɨ re ko güɨroata retata ivoɨta o mbaemboetea pegua.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

Hebreos 8:2

jae ko o mbaemboetea añetete pegua vae pe tenondegua oparavɨkɨ vae, yandeYa omopüa vae, mbaetɨ kuimbae reta jembiapo.