ÉXODO 35:30 - Biblia Guarani Tumpa Iñee

³⁰ Moisés jei Israel iñemuña reta pe: “Mase, Judá iñemuña pegua güi yandeYa oiparavo Bezaleel, Uri taɨ, Ur jɨmɨmino.

ÉXODO 35:30 ပူးပေါင်းရင်းမြစ်များ

ÉXODO 35:31

Jare omee chupe Tumpa iEspíritu, arakuaa katu, oikuaa katu yae vaerä mbaembae jare ipoki yae vaerä opaete mbaembae oyapo,

ISAÍAS 28:26

Echa Tumpa ko omboe kavi kërai oyapo vaerä.

1 Corintios 12:11

Ërei opaete kuae mbaembae reta iyapoa meteiño, jae ko Espíritu Santo etei, jae omee metei ñavo pe oipota omee rupi.

1 Corintios 12:4

Espíritu Santo omee mbaepuere vae reta oyoavɨ avɨ ko oyougüi, ërei Espíritu Santo meteiño ko.

1 Corintios 3:10

Che ko jae ipoki o oyapo vae rami. Tumpa ipɨakavi rupi omee cheve añono vaerä o iguapɨkarä. Jare ïru vae ko jae omopüa oï o iguapɨka iárambo vae rami. Ërei metei ñavo tomae kavi kërai omopüa vaerä o iguapɨka iárambo.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.