ÉXODO 35:29 - Biblia Guarani Tumpa Iñee

²⁹ Kuimbae jare kuña Israel iñemuña reta, oime kɨ̈reɨ ngatu güɨnoi oporomborɨ vaerä opaete mbaravɨkɨ pe vae, oyeapo vaerä yandeYa oyókuai Moisés vae, güeru reta mbota ipɨakavi reve yandeYa pe.

ÉXODO 35:29 ပူးပေါင်းရင်းမြစ်များ

1 CRÓNICAS 29:14

jare, ¿kia pa che jare kia pa cherëtaɨgua reta romee vaerä ndeve jeta mbota? Echa, ndembae ko opaete mbaembae, jare jaeño romee ndeve ndegüi romboresivegüe.

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

1 CRÓNICAS 29:3

Opaete kuae reta añono kavi ma tupao peguarä vae reve, cheporoaɨu cheTumpa jo kotɨ ramo amee chembaembae jepɨ vae oñeñovatúa güi tupao peguarä oro jare korepoti:

1 CRÓNICAS 29:6

Jayave metei ñoëtara ñavo itenondegua reta, metei ñemuña ñavo itenondegua reta, sundaro ruvicha reta, sundaro jeta vae juvicha reta, jare mburuvicha guasu imbaeyekou re oyangareko vae reta itenondegua reta, omee reta mbota ipɨa-kɨ̈reɨ ngatu reve,

2 CRÓNICAS 35:8

Jökorai vi omee mburuvicha guasu iyɨvɨrigua reta ipɨa yerovia reve kavi opaete vae reta pe, sacerdote reta pe jare levita reta pe. Jökorai vi Hilcías, Zacarías, jare Jehiel, Tumpa jo pe oyangareko vae reta, omee sacerdote reta pe dos mil seisciento vecha jare tresciento toro taɨrusu vae, Pascua oyeapo vaerä;

ESDRAS 3:5

Jaeramiño omee reta avei mɨmba oyeyukagüe opaetei oyeapɨ vae, yasɨ pɨau reta pe, jare opaete arete mbaemboete pegua yandeYa pe vae, jare opaete mɨmba oyeyukagüe jare amogüe omee mbota ipɨa-kɨ̈reɨ ngatu reve yandeYa pe vae.

ESDRAS 8:28

Jare jae chupe reta: “Pe reta peñeñono tee ko yandeYa pe, jökoraiño vi kuae tembiporu reta oñeñono tee ko. Korepoti jare oro jae ko mbota reta oñemee pɨa-kɨ̈reɨ ngatu reve yandeYa pe vae, ñaneñemuñagüe reta iTumpa.

ÉXODO 35:4

Moisés imiari opaete Israel iñemuña reta pe, jei reve: “Kuae ko jae yandeYa iporookuai:

ÉXODO 35:5

Pemboatɨ oyougüi reta mbota yandeYa peguarä; opaete ipɨakavi vae togüeru yandeYa pe oro, korepoti, jiero iyu vae,

ÉXODO 36:3

Jare oipɨɨ reta mbota Moisés güi Israel iñemuña reta güerugüe, o mbaemboetea pegua mbaravɨkɨ oyeapo vaerä vae. Jare Israel iñemuña reta jekuaeñoi ara ñavo güeru mbota, ipɨakavi reve omee reta vae.

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

1 Corintios 3:5

Pablo jare Apolos mbaeä ko. Ore reta ko royeokuai vaeño, orerupi peporogüɨrovia vaerä. Royapo ko mbaravɨkɨ metei ñavo yandeYa omee oreve rupi.

1 Corintios 9:17

Echa che ayapo yave chekɨ̈reɨ ngatu reve, jekoviata cheve; ërei ayapo yave cheäteɨ reve, ayapo tai yandeYa cheokuai ramoño.

2 Corintios 9:7

Metei ñavo tomee, ipɨa pe oñono omee vaerä vae. Agüɨye tomee ipɨatɨtɨ reve ani che jae chupe güiño, echa Tumpa oaɨu oyerovia reve omee vae.

Gálatas 6:16

Jare opaete kuae tekove ipɨau vae re yogüɨreko vae ndive toï Tumpa ipɨakatu jare iporoparareko, jare opaete Israel pegua reta Tumpa imbae vae ndive.

DEUTERONOMIO 11:32

peyapo opaete mborookuai reta oyeapogüe, añave che amee peve vae.

DEUTERONOMIO 12:32

Peyapo avei opaete poyókuai vae, pemoïrumbae reve ani peekɨmbae reve.

DEUTERONOMIO 4:2

Agüɨye pemoïru ñee, che poyókuai jese vae, agüɨye vi peekɨ chugüi, peyapo yandeYa Tumpa iporookuai reta, che poyókuai jese vae.

2 Pedro 1:19

Ñanoi vi ñeemombeúa reta omoërakua vae, jókuae re perovia vae ikavi yae ko. Jókuae ñee ko metei mechero omoembipe pɨtumimbía pe rami köe regua, yasɨtata köembiya omoembipe pepɨa pe regua;

JUECES 5:2

“Opaete vae tomboete yandeYa, echa oime vɨteri Israel pe mburuvicha reta oïndaivi ñeraro peguarä vae; echa oime vɨteri opaete vae ipɨte pe ikɨ̈reɨ ojo ñeraro pe vae.

JUECES 5:9

¡Chepɨa oï Israel iñemuña juvicha reta re, cherëtaɨgua reta ikɨ̈reɨ yogüɨraja ñeraro pe vae reta re! ¡Opaete vae tomboete yandeYa!