ÉXODO 35:21 - Biblia Guarani Tumpa Iñee

²¹ javoi, opaete ipɨa pe oyandu kɨ̈reɨ ngatu vae, ipɨakavi reve güeru mbota yandeYa pe, tupao guakapi pegua oyeapo vaerä jare opaete mbaembae pɨpegua oyeapo vaerä, jare temimonde retarä.

ÉXODO 35:21 ပူးပေါင်းရင်းမြစ်များ

2 SAMUEL 7:27

Echa nde, cheYa Tumpa imbaepuere yae ete vae Israel iTumpa reikuaauka cheve, kërai cheñemuña reta yogüɨreko aveita vae; jáeramo, che nderembiokuai añemomɨ̈rata ayerure vaerä ndeve.

1 CRÓNICAS 28:2

Jayave David opüa oyemboɨ jare jei: “Peyeapɨsaka cheré, cherëtara aaɨu vae reta: Che ayemongeta tëi amopüa vaerä metei o, käjou morogüɨrökuavee päve pegua yandeYa imbae oiko avei vaerä pɨpe, joko pe ñaneTumpa güɨnoi vaerä iporookuaía; jare ayapokatu tëi ma opaete amopüa vaerä,

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

1 CRÓNICAS 29:14

jare, ¿kia pa che jare kia pa cherëtaɨgua reta romee vaerä ndeve jeta mbota? Echa, ndembae ko opaete mbaembae, jare jaeño romee ndeve ndegüi romboresivegüe.

1 CRÓNICAS 29:3

Opaete kuae reta añono kavi ma tupao peguarä vae reve, cheporoaɨu cheTumpa jo kotɨ ramo amee chembaembae jepɨ vae oñeñovatúa güi tupao peguarä oro jare korepoti:

1 CRÓNICAS 29:8

Jare ita ipöra yae vae güɨnoi vae reta omee Jehiel ipo pe, yandeYa jo pe mbaembae jepɨ vae oñeñovatúa peguarä. Jehiel jae ko Gersón iñemuña.

1 CRÓNICAS 29:9

Opaete vae reta oyerovia omee ramo mbota ipɨa-kɨ̈reɨ ngatu reve, echa kuae mbaembae reta omee yandeYa pe opaete ipɨa ndive.

ESDRAS 2:68

Jare amogüe tëtara reta itenondegua reta yogüeru oväe yandeYa jo oikoa pe Jerusalén pe yave, omee reta mbota ipɨa-kɨ̈reɨ reve, Tumpa jo oñemopüa pɨau ye vaerä jenda ae pe.

ESDRAS 7:27

Jayave Esdras ombaemboete körai: “Toyemboete yandeYa, ñaneñemuñagüe reta iTumpa, jae oñono kuae yemongeta mburuvicha guasu ipɨa pe, oyemboete vaerä yandeYa jo Jerusalén pe oï vae.

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

ÉXODO 25:2

“Ere Israel iñemuña reta pe tomee cheve mbota; opaete kuimbae ipɨakatu reve kavi tomee reta cheve mbota;

ÉXODO 35:20

Jayave opaete Israel iñemuña reta yogüɨraja Moisés oïa güi,

ÉXODO 35:22

Yogüeru kuimbae jare kuña, opaete ipɨa-kɨ̈reɨ vae güeru mboɨ, namicha, moäka-vera jare poapɨ regua, jare opaete mbaembae oro pegua, opaete vae reta omee mbota oro pegua yandeYa pe.

ÉXODO 35:26

opaete kuña reta ipoki omaepöva vae, oyandu ipɨa pe kɨ̈reɨ ngatu vae oipöva kavara jaagüe.

ÉXODO 35:29

Kuimbae jare kuña Israel iñemuña reta, oime kɨ̈reɨ ngatu güɨnoi oporomborɨ vaerä opaete mbaravɨkɨ pe vae, oyeapo vaerä yandeYa oyókuai Moisés vae, güeru reta mbota ipɨakavi reve yandeYa pe.

ÉXODO 35:5

Pemboatɨ oyougüi reta mbota yandeYa peguarä; opaete ipɨakavi vae togüeru yandeYa pe oro, korepoti, jiero iyu vae,

ÉXODO 36:2

Jare Moisés oenɨi Bezaleel jare Aholiab, jare opaete kuimbae ipɨa arakuaa vae reta, yandeYa omee arakuaa katu chupe vae reta, oyandu ipɨa pe kɨ̈reɨ ngatu yogüeru oporomborɨ vaerä mbaravɨkɨ pe vae reta.

PROVERBIOS 4:23

Opaete mbaembae reñovatu vae güi, eñovatu kavi ndepɨa, echa jese ko oï nderekove.

JEREMÍAS 30:21

Ipɨte reta güi oëta juvicharä: Oporookuai vae oëta ipɨte reta güi aeño. Amboyemboyaukata cheyé, echa, ¿kia pa ikɨ̈reɨta oya vaerä cheré?

San Mateo 12:34

Pe reta ko jae mboi reta rami. ¿Këraiägua pa pepuereta pemiari ñee ikavigüe, pepɨapochɨ yae reve? Echa ipɨa pe yemongeta güɨnoi vae ko omoë iyuru rupi.

2 Corintios 8:12

Echa ñanekɨ̈reɨ ngatu reve ñamee yave, Tumpa omboyerovia jókuae ñanoi rupi ñamee vae. Tumpa mbaetɨ oeka yandeve mbaetɨ ñanoi vae.

2 Corintios 9:7

Metei ñavo tomee, ipɨa pe oñono omee vaerä vae. Agüɨye tomee ipɨatɨtɨ reve ani che jae chupe güiño, echa Tumpa oaɨu oyerovia reve omee vae.

JUECES 5:12

¡Epa, Débora, epa jare etairari! ¡Jare nde Barac, Abinoam taɨ, epüa jare eraja ndeyeupe reipɨɨgüe reta!

JUECES 5:3

¡Mburuvicha guasu reta, peendu cheve! ¡Mburuvicha reta peyeapɨsaka! ¡Che atairarita yandeYa pe! ¡Che atairarita Israel iTumpa pe!

JUECES 5:9

¡Chepɨa oï Israel iñemuña juvicha reta re, cherëtaɨgua reta ikɨ̈reɨ yogüɨraja ñeraro pe vae reta re! ¡Opaete vae tomboete yandeYa!