ÉXODO 34:7 - Biblia Guarani Tumpa Iñee

⁷ Jeta ñemuña reta re iporoparareko vae, iñɨ̈ro ikavimbae iyapoa pe, ipɨarai vae pe, mbaeyoa iyapoa pe, ërei mbaetɨ oeya jekombae rami mbae pɨ̈chɨi iyapoa, echa ko iñemuñagüe reta imbaeyavɨ oiporarata taɨ reta, jɨmɨmino reta, jɨmɨmino taɨ reta jare jɨmɨmino reta jɨmɨmino.

ÉXODO 34:7 ပူးပေါင်းရင်းမြစ်များ

GÉNESIS 19:16

Jare Lot oë raiviä ramo, araɨgua reta oipɨɨ ipo pe, jare jembireko jare tayɨ reta vi yandeYa iporoparareko jese rupi; jökorai opa güɨnoe tëta güi ikatu pe.

1 REYES 8:30

Añave eendu, nderembiokuai iyerure, jare Israel tëta ndembae vae iyerure; oyerure reta yave kuae pe, nde reenduta vi reikoa pe, ara pe; eendu jare neɨ̈ro.

1 REYES 8:32

eendu ara pe jare eyapo jupi vae nderembiokuai pe. Jeko vae toiporara jeko re aeño, jare jekombae pe eyapo jupi vae jeko kavi rupi.

2 CRÓNICAS 30:9

Pe reta peyerova ye yandeYa kotɨ yave, tovaicho reta iporopararekota perëtara reta jare peraɨ reta ñogüɨnoi tembipɨɨrä jae reta ipo pe vae re, jare omaeñota yogüeru ye kuae ɨvɨ pe, echa yandeYa Tumpa ipɨakavi jare iporoparareko, ngaraa ko pereröɨro, pe reta peyerova ye ikotɨ yave.”

NEHEMÍAS 1:5

Jae körai: “Romoñera cheYa Tumpa ara pe reï vae, imbaepuere yae vae, tuicha yae ete vae jare kɨɨyea yae vae, omboete avei morogüɨrökuavee päve oyapogüe vae, jare reiparareko avei opaete nderaɨu vae reta, jare ndeporookuai reta oyapo vae;

NEHEMÍAS 9:32

Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta yogüɨreko güive añave regua.

JOB 10:14

Jae ko, cheyoa yave, nde remae reï cheyoa re, jare mbaetɨ neɨ̈ro cheve kërai yepe.

SALMOS 103:3

Iñɨ̈ro ko cheve opaete cheyoa reta re, jae ko chembogüera opaete chembaerasɨ güi,

SALMOS 109:14

YandeYa timaendúa tu oyapo ikavimbae vae re, jare ichɨ iyoa agüɨye tomboai;

SALMOS 130:4

Ërei nde ko neɨ̈ro vae, reyemboeteuka vaerä.

SALMOS 136:10

Pemboete, Egipto pe membɨrɨpɨ reta oyuka vae, echa iporoparareko jekuae avei vae ko.

SALMOS 136:15

Faraón isundaro reta ndive opa oyasoiuka Ɨguasu Pɨ̈ta vae pe vae, echa iporoparareko jekuae avei vae ko.

SALMOS 25:11

CheYa Tumpa, neɨ̈ro cheve cheyoa yae vae re, nderee imboetea yae jeko pegua.

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

SALMOS 99:8

Nde oreYa Tumpa, ¡iyerure rembopo yepi chupe reta! Nde neɨ̈ro yepi chupe reta, ërei jembiapo ikavimbae vae re reiporarauka yepi chupe reta.

ÉXODO 23:21

Agüɨye pesɨrɨ chugüi, peendu iñee; agüɨye pepɨarai chupe, echa jae ngaraa iñɨ̈ro peve pepɨarai vae re, echa cherekovia pe jae oï.

ÉXODO 23:7

Peyembosɨrɨ apu reta güi, agüɨye peyuka jekombae vae jare jupi vae, echa che mbaetɨta ambojupi jeko vae.

ÉXODO 33:19

Jayave yandeYa jei chupe: —Che aechaukata ndeve opaete chepɨakavi, nde rupi oñemoërakuata cheree, cheporopararekota che aipota vae re jare chepɨakavita che aipota vae re.

ÉXODO 34:9

Jare jei: —Añave cheYa, ndepɨakatu ko chekotɨ yave, ekua orerupíe añave; echa kuae reta ipɨa täta yae vae ko, neɨ̈ro oreve orembaeyavɨ re, oreyoa re jare toroiko ndembaerä.

ISAÍAS 45:21

Pemiari oyoupii jare peikuaauka oyoupe, peparandu oyoupe: ¿Kia ra omombeu kuae regua iyɨpɨ güive voi? ¿Kia ra jei arakae güive voi ma? Che ko, che peYa ko ayapo jókuae. Mbaetɨ yé ko ïru Tumpa chegüi. Mbaetɨ yé ko chegüi ïru Tumpa jupi vae jare oporoepɨ vae.

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

JEREMÍAS 32:18

Ndeporoparareko avei, ërei reinupa vi kuimbae reta tu reta iyoa jeko pegua. ¡CheYa, Tumpa tuicha ete vae jare imbaepuere yae vae, nderee jae ko yandeYa Imbaepuere yae ete vae!

JEREMÍAS 9:24

Ërei ngatu toyemboete kuae re oipota oyemboete vae: Toyemboete chekuaa vae re. Che ko jae Tumpa ayapo mboroparareko vae, morojäa jare aporombojupi ɨvɨ pe vae; echa kuaekuae reta aipota. Che ndeYa jae kuae.”

DANIEL 9:4

Ayerure cheYa Tumpa pe, ayemombeu reve chupe körai: ‘CheYa, Tumpa tuicha yae vae, jupi ko oyepoɨu vaerä ndegüi, reñererökuavee vae rembopo avei; nde ndeporoparareko, nderaɨu vae reta re jare ndeporookuai oyapo vae reta re;

DANIEL 9:9

OreYa Tumpa, ndegüi ko outa mboroparareko jare ñɨ̈ro. Yepe tëi ore orepɨa pochɨ ndekotɨ,

MIQUEAS 6:11

¿Aeyata pa jekombae, mbaejäaka oyemboyoavɨgüe güɨnoi vae? ¿Jare omboɨru oñono, ojäa kavimbae reve vae?

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

NAHUM 1:6

Iyarasɨ yave, ¿kia pa ipuereta oyemboɨ jae jóvai? ¿Kia pa ipuereta güɨropɨa iyarasɨ? Iyarasɨ oñemoai tata rami, jae jóvai osururu ɨ̈vavira reta.

San Mateo 12:31

Jáeramo che jae peve, opaete ɨvɨ pegua reta iyoa reta jare opaete iñee ikavimbae Tumpa kotɨ vae pe, jae iñɨ̈rota. Ërei ñee ikavimbae jei Espíritu Santo kotɨ vae pe, Tumpa ngaraa iñɨ̈ro.

San Mateo 6:12

Neɨ̈ro oreve oreyoa reta re, ore oreɨ̈ro iyoa orekotɨ vae reta pe rami.

San Lucas 7:42

Ërei mbaetɨ kërai omboepɨ reta vaerä ramo, iñɨ̈ro chupe reta ipía re. Ere cheve, kuae mókoi vae güi ¿kia nunga pa oaɨu yaeta oporombopía vae?

San Lucas 7:48

Jayave Jesús jei kuña pe: —Cheɨ̈ro ma ndeve ndeyoa reta re.

Hechos 13:38

Jáeramo, tëtara reta, peikuaa kavi oñemoërakua peve Jesús rupi Tumpa iñɨ̈rota peve peyoa reta re vae.

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Efesios 4:32

Ërei pepɨakavi oyoupe, peyoparareko, peɨ̈ro oyoupe, Tumpa iñɨ̈ro peve Cristo rupi rami.

DEUTERONOMIO 32:35

oiporarauka jare omboepɨuka vae ko che, iara pe ogüɨapi retata. Echa köi yae ma oï oiporara reta vaerä, ¡oäro güɨnoi vae köi yae ma!

DEUTERONOMIO 7:10

ërei jae etei omokañɨtei imotareɨa pe; oärombae reve oipararauka imotareɨa pe, jae etei ko omboepɨta chupe.

DEUTERONOMIO 7:9

Peikuaa peyeupe yandeYa Tumpa, jae ko Tumpa; Tumpa jupi vae, ombopo morogüɨrökuavee päve jare mboroparareko opaete iporoaɨu ikotɨ vae reta pe jare oyapo iporookuai vae reta pe;

Hebreos 12:29

echa ñaneTumpa ko tata opaetei oapɨ mbae oeya vae rami vae.

JOSUÉ 24:19

Ërei Josué jei chupe reta: —Ngaraa pepuere peyeokuai yandeYa pe, echa jae ko Tumpa Iyoambae jare jägüɨro jembiparavo re vae; ngaraa güɨropɨa pepɨapochɨ reta jare peyoa reta.

1 Juan 1:9

Yamombeu yave Tumpa pe yandeyoa reta, jae ko jupi yae iñɨ̈ro vaerä yandeyoa reta re jare yandeyoe vaerä opaete ikavimbae güi.

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.