ÉXODO 34:6 - Biblia Guarani Tumpa Iñee

⁶ YandeYa oasa jae jóvai rupi, oñeenɨi reve jee ae pe: —¡NdeYa! ¡NdeYa! ¡Tuicha yae vae, iporoparareko vae; iyarasɨ raivimbae, iporoparareko tuicha yae ete jare añetete vae!

ÉXODO 34:6 ပူးပေါင်းရင်းမြစ်များ

GÉNESIS 24:27

jare jei: “¡Toyemboete yandeYa, cheya Abraham iTumpa, echa mbaetɨ ombosɨrɨ iporoparareko cheya Abraham güi, chereru yandeYa jare aväe cheya jëtara reta jëta!”

2 SAMUEL 24:14

Jayave David jei Gad pe: —Mbaetɨ aikuaa mbae ayapo vaerä. Ërei, yandeYa ipo pe yaa vae ko jaekavi, echa tuicha ko iporoparareko, agüɨye yaa kuimbae reta ipo pe.

1 REYES 19:11

Jae jei chupe: “Eë ikatu pe, jare eñeñono ɨvɨtɨ re cheróvai.” Jare, ko yandeYa ou, jare ɨvɨtu täta yae jare imbaepuere yae vae omondoro ɨvɨtɨ vae, jare oyoka ɨ̈vavira reta vae, ou yandeYa jenonde; ërei yandeYa mbaetɨ ou jókuae ɨvɨtu re. Jare ɨvɨtu jaɨkue ou ɨvɨkana, ërei ngatu yandeYa mbaetɨ ou ɨvɨkana ndive.

1 REYES 8:30

Añave eendu, nderembiokuai iyerure, jare Israel tëta ndembae vae iyerure; oyerure reta yave kuae pe, nde reenduta vi reikoa pe, ara pe; eendu jare neɨ̈ro.

2 CRÓNICAS 30:9

Pe reta peyerova ye yandeYa kotɨ yave, tovaicho reta iporopararekota perëtara reta jare peraɨ reta ñogüɨnoi tembipɨɨrä jae reta ipo pe vae re, jare omaeñota yogüeru ye kuae ɨvɨ pe, echa yandeYa Tumpa ipɨakavi jare iporoparareko, ngaraa ko pereröɨro, pe reta peyerova ye ikotɨ yave.”

NEHEMÍAS 9:17

Mbaetɨ ikɨ̈reɨ reta oyeapɨsaka, ani imaendúa reta mɨakañɨ reta reechauka chupe reta vae re. Oyembopɨa täta reta, jare ipɨarai jeko pegua oyemongeta reta jare oiparavo reta iyeupe metei itenondeguarä, jae güɨraja ye vaerä yeokuaiasɨ katúa kotɨ, Egipto pe. Ërei nde ko Tumpa iñɨ̈ro katu vae, oyeaeä vae, ipɨaguasu vae, iporoparareko vae, mbaetɨ iyarasɨ raivi vae jare tuicha iporoaɨu vae, jare mbaetɨ reeya reta.

SALMOS 108:4

Echa, ndeporoparareko tuicha yae ko ara güi. ¡Neñee añetete vae, ojoi ko oya ara re!

SALMOS 111:4

Ñaneakañɨ rapembae ko mɨakañɨ reta oyapogüe güi. YandeYa, iyeaeä jare iporoparareko vae ko;

SALMOS 111:8

oñono ko jekuae avei pegua, oyapo ko añete rupi jare jupi rupi.

SALMOS 112:4

Pɨtumimbía pe jembipe isɨmbi vae reta pe; jae ko iyeaeä vae reta, iporoparareko jare jupi vae reta.

SALMOS 116:5

Iyeaeä jare jupi ko yandeYa, iporoparareko yae ko ñaneTumpa.

SALMOS 138:2

Ayetavatɨkata ndetupao oñeñono tee vae kotɨ amae reve, ameeta yasoropai ndeporoparareko añete vae re, echa rembotuicha nderee jare neñee opaete mbaembae güi.

SALMOS 145:8

YandeYa iyeaeä vae jare iporoparareko vae ko, jae mbaetɨ iyarasɨ raivi vae ko, iporoparareko yae vae ko.

SALMOS 146:6

jae ko oyapo ara jare ɨvɨ, ɨguasu jare opaete pɨpe yogüɨreko vae. Jae mbaetɨ oipoepɨ jeigüe.

SALMOS 31:19

¡Tuicha yae ko ndepɨakavi, oipoɨu ndegüi vae reta kotɨ! Kuimbae reta jovake remee nderé oyeko vae reta pe.

SALMOS 57:10

Echa ndeporoparareko oupitɨ ara, neñee rembopo avei vae ɨvate amapɨtu rami.

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

SALMOS 86:5

Echa nde cheYa, ndepɨakavi jare neɨ̈ro vae ko; ndeporoparareko tuicha yae ko nereenɨi vae reta kotɨ.

SALMOS 91:4

Ipepo pe ndeasoita, jare ipepo igüɨ pe nerëguambae reïta; ¡iporoangareko avei neovatuta yeopiaka rami!

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

ÉXODO 22:27

echa jaeño ko jókuae jemimonde oyeasoi vaerä pɨpe, echa mbaetɨ ko mbae re oke vaerä, ipɨatɨtɨ reve oyerure cheve yave, che aenduta chupe jókuae iyerure, echa che cheporoparareko yae ko.

ÉXODO 33:19

Jayave yandeYa jei chupe: —Che aechaukata ndeve opaete chepɨakavi, nde rupi oñemoërakuata cheree, cheporopararekota che aipota vae re jare chepɨakavita che aipota vae re.

PROVERBIOS 3:3

Agüɨye etei embosɨrɨ ndeyeugüi mboroparareko jare añetete vae; eñapɨti ndeayu re, jare eñovatu ndepɨa pe.

ECLESIASTÉS 8:11

Echa mbaetɨ oñejäa voi oiporara vaerä jókuae ikavimbae iyapoa ramo, kuimbae reta oyemongeta oyapo vaerä ikavimbaeño.

ISAÍAS 12:4

Jókuae ara rupi petairarita körai: “Pemee yasoropai jare peyerure yandeYa pe, pemoërakua tëtaguasu reta pe, jae mbaembae oyapogüe, pemomaendúa jae ko tuicha yae vae.

ISAÍAS 65:16

Oipotagüe kuae ɨvɨ pe oipota mborerekua vae, güɨnoita Tumpa iyapumbae jee re; jare oipotagüe kuae ɨvɨ pe oñererökuavee mbae oyapo vaerä yave, toyapo Tumpa iyapumbae jee re. Echa opaete tenondegua tembiporara reta opata oasa, opata okañɨ cheróvai güi.”

JEREMÍAS 32:18

Ndeporoparareko avei, ërei reinupa vi kuimbae reta tu reta iyoa jeko pegua. ¡CheYa, Tumpa tuicha ete vae jare imbaepuere yae vae, nderee jae ko yandeYa Imbaepuere yae ete vae!

JEREMÍAS 9:24

Ërei ngatu toyemboete kuae re oipota oyemboete vae: Toyemboete chekuaa vae re. Che ko jae Tumpa ayapo mboroparareko vae, morojäa jare aporombojupi ɨvɨ pe vae; echa kuaekuae reta aipota. Che ndeYa jae kuae.”

LAMENTACIONES 3:23

Ndeimbove ñavo oyembopɨau; ¡tuicha yae ete ko iporoparareko!

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

MIQUEAS 7:20

¡CheYa, embopo neñee, arakae güive rerökuavee nderee re mboroparareko oreñemuñagüe Abraham jare Jacob pe vae!

NAHUM 1:3

YandeYa mbaetɨ iyarasɨ raivi vae ko jare tuicha yae mbaepuere pe, jare mbaetɨ oeya jökoraiño jeko vae. YandeYa oguata ama ɨvɨtuai reve vae rupi, jare amapɨtu reta, ipɨ omoätati vae ko.

NÚMEROS 12:8

oyoova pe ko chemiari kavi yae jae ndive, mbaetɨ mbae iä rupi; jae chereecha etei. Jayave, ¿maera pa mbaetɨ peipoɨu peñeenguru cherembiokuai Moisés kotɨ?”

San Juan 1:17

Moisés rupi oñemee mborookuai. Ërei Jesucristo rupi ou, Tumpa ipɨakavi jare añete vae.

Romanos 2:4

Reröɨro Tumpa ipɨakavi jare ipɨaguasu yae ndeve vae. ¿Mbaetɨ pa reikuaa ipɨakavi ko ndeve, reeya vaerä ikavimbae ndepɨa pe oï vae?

DEUTERONOMIO 32:3

Echa yandeYa jee amoërakuata: ¡Pembotuicha ñaneTumpa!

DEUTERONOMIO 4:31

echa oporoparareko vae ko yandeYa Tumpa; ngaraa pereeya jare ngaraa pemboai, ngaraa vi ñakañɨ morogüɨrökuavee päve peñemuñagüe reta pe oyapo jee re vae güi.

DEUTERONOMIO 5:10

cheporoparareko opaete cheraɨu jare oyapo katu cheporookuai reta vae re.

Santiago 5:11

Añete ko, yandeve oyerovia ko jókuae oiporara vae reta. Peikuaa kërai Job ipɨaguasu yae vae regua, jare yandeYa kërai iporerekua jese taɨkue rupi vae. Echa yandeYa iporoaɨu jare iporoparareko yae.