ÉXODO 34:29 - Biblia Guarani Tumpa Iñee

²⁹ Javoi Moisés ogüeyɨ ɨvɨtɨ Sinaí güi, güeru reve ipo pe jókuae mókoi ita ipe vae, mborookuai reta oyekuatía oï jese vae; ërei ɨvɨtɨ güi ogüeyɨ ou yave, Moisés mbaetɨ oikuaa jova jembipe ko vae, imiari güire Tumpa ndive.

ÉXODO 34:29 ပူးပေါင်းရင်းမြစ်များ

ÉXODO 16:15

Jare Israel iñemuña reta oecha yave jei reta oyoupe: “¿Mbae ra kuae?” Echa mbaetɨ oikuaa reta mbae ra ko vae. Jayave Moisés jei chupe reta: —Jae ko mbɨyape, yandeYa omee peu vaerä vae.

ÉXODO 31:18

Opa ma Tumpa imiari Moisés ndive ɨvɨtɨ Sinaí re yave, omee chupe mókoi ita yemomaendúa pegua, jókuae mókoi ita ipe vae, Tumpa ipoäka pe etei mborookuai reta oikuatía jese vae.

ÉXODO 32:15

Jayave Moisés ogüeyɨ ye ɨvɨtɨ güi, güeru reve ipo pe mókoi ita ipe vae, mborookuai oyekuatía oï jese vae, jova yoyavi reve oyekuatía vae.

ÉXODO 34:35

Israel iñemuña reta omae yave Moisés re, oecha reta jova jembipe, jare Moisés jekuae oñono ye jova re jókuae äka-soya, oike ye regua imiari Tumpa ndive.

ECLESIASTÉS 8:1

¿Kia pa yarakuaa vae rami? ¿Kia pa, oikuaa opaete mbaembae regua vae rami? Kuimbae iyarakuaa, oyekuaa jese; mbaetɨ jova arasɨ oiko.

San Mateo 17:2

Jare joko pe oyemoambuae jae reta jóvai. Jova jembipe kuaraɨ jembipe rami, jare jemimonde tïiasɨ jembipe.

San Marcos 14:40

Jayave ou ye jemimboe reta ñogüɨnoia pe, jare oecha oke ye ñogüɨnoi. Echa jae reta jopeɨ yae reta ma. Jare mbaetɨ oikuaa mbae jei reta chupe.

San Marcos 9:6

Pedro mbaetɨ oikuaa mbae jei vaerä, echa okɨɨye yae reta.

San Lucas 2:49

Jayave Jesús jei chupe reta: —¿Maera pa chereeka? ¿Mbaetɨ pa peikuaa ikavi ko ayapo vaerä cheRu iparavɨkɨ?

San Lucas 9:29

Jare Jesús oyerure ramboeve, jova oyemoambuae jare jemimonde tïiasɨ jare jembipe.

San Juan 5:13

Ërei jókuae okuera vae mbaetɨ oikuaa. Echa Jesús ojo ma jeta vae reta joko pe ñogüɨnoi vae ipɨte güi.

Hechos 12:9

Jayave Pedro oë araɨgua jupíe. Jae mbaetɨ oikuaa añete ra araɨgua oyapo vae. Ipɨa pe oyemongeta opaete kuae oecha oï ike peecha.

Hechos 23:5

Jayave Pablo jei: —Tëtara reta, mbaetɨ aikuaa jae ko sacerdote tenondegua ete vae. Echa oyekuatía oï: “Agüɨye ere mbae ikavimbae vae nderuvicha kotɨ.”

Hechos 6:15

Jayave opaete joko pe mburuvicha judío reta oguapɨ ñogüɨnoi vae omae ngatu Esteban re, jare oecha jova araɨgua jovaecha chupe reta.

2 Corintios 3:13

Mbaetɨ royapo Moisés rami. Echa jae omboyasoi jova metei tarapo pe, agüɨye vaerä Israel iñemuña reta oecha kërai ogüe jókuae jova jembipe vae.

DEUTERONOMIO 10:5

Agüeyɨ ɨvɨtɨ güi, jare ita ipe vae añono käjou ayapogüe pe, yandeYa cheokuai rami, jare oime ñogüɨnoi pɨpe.

JOSUÉ 2:4

Ërei kuña Rahab, opa yepe omoñemi jókuae mókoi kuimbae reta, jare jei: —Yogüeru ko añete chépɨri kuimbae reta, ërei mbaetɨ aikuaa ketɨgua reta ko vae.

JOSUÉ 8:14

Mburuvicha guasu Hai pegua oikuaa kuae regua yave, ndeimboveasɨ jaɨai oë joko pegua reta ndive oñeraro vaerä Israel iñemuña reta ndive, ɨvɨtɨ päu ipe kavi vae Arabá pe, oikuaambae reve tëta ikupe kotɨ oime ɨ̈ru Israel iñemuña reta oñemi kavi okätɨro ñogüɨnoi vae.

Apocalipsis 1:16

Jae güɨnoi chiu yasɨtata reta ipo iyakatu pe, jare iyuru güi oë metei kɨsepuku jaimbe yoyavi vae. Jova jembipe yae kuaraɨ jembipe yae rami.

Apocalipsis 10:1

Jare aecha ogüeyɨ ara güi araɨgua imbaepuere yae vae oñeova amapɨtu pe jare iñäka re yɨɨ, jova jembipeasɨ kuaraɨ rami jare itɨma reta tata jɨsɨ vae rami.

JUECES 16:20

Jare jei chupe: —¡Sansón, ko filisteo reta yogüeru ndeve! Sansón okuera oke oï vae güi yave, oyemongeta oyeyora vaerä tenonde yave rami, ërei jae mbaetɨ oikuaa yandeYa osɨrɨ ko chugüi vae.