ÉXODO 34:25 - Biblia Guarani Tumpa Iñee

²⁵ Agüɨye pemee mbɨyape oyembovugüe mɨmba oyeyukagüe jugüɨ ndive, agüɨye jembɨregüe peñovatu pɨareve peguarä mɨmba oyeyuka arete Pascua pe vae.

ÉXODO 34:25 ပူးပေါင်းရင်းမြစ်များ

ÉXODO 12:10

Agüɨye etei mbae tomoembɨre reta pɨareve peguarä, jembɨregüe pɨareve pe topa toapɨ reta.

ÉXODO 12:20

Agüɨye etei oyembovugüe peu; pero ñavo rupi peu mbɨyape oyembovumbae vaeño.’ ”

ÉXODO 12:8

Jare jókuae pɨ̈tu tou reta soo oyeapegüe jare mbɨyape oyembovumbae; ñana iro vae ndive tou reta.

ÉXODO 23:18

Agüɨye pemee cheve mbɨyape oyembovugüe ndive mɨmba oyeyuka vae jugüɨgüe, mɨmba oyeyuka vae ikɨragüe ave agüɨye peñovatu pɨareve peguarä.

ÉXODO 29:34

Jembɨre pɨareve regua soo jare mbɨyape ñeñono tee pegua yave, eapɨ jókuae jembɨregüe, agüɨye kia tou, echa oñeñono tee vae ko.

LEVÍTICO 2:11

Agüɨye etei mbota oyembovugüe toñemee cheve; echa ngaraa etei ko mbae ombovu vae, ani ei yepe oyeapɨ cheve;

LEVÍTICO 7:15

Jare mɨmba oyeyukagüe yembopɨakatu pegua isoo yasoropai pegua toyeu jókuae ara oñemee oï yave; agüɨye toeya kërai ave yepe ïru ara peguarä.

NÚMEROS 9:12

agüɨye etei tomoembɨre reta mɨmba oyeyukagüe güi pɨareve peguarä, agüɨye vi toakɨo reta kërai ave ikägüegüe. Toyapo reta Pascua mborookuai amee rami.

San Mateo 13:33

Jesús jekuae imiari ye ombojaanga reve. Jei: “Araɨgua mborookuaía, mbɨyape imbovúa rami ko. Kuña omboyea jókuae mbɨyape imbovúa veinte kilo trigokúi ndive yave, opaetei ombovu vae rami ko.”

DEUTERONOMIO 16:3

Agüɨye peu mɨmba oyeyukagüe ndive mbɨyape oyembovugüe, chiu ara peu mbɨyape oyembovumbae, mbɨyape mbɨatɨtɨ pegua, echa mbaetɨ peë pɨagüive ɨvɨ Egipto güi, kuae ko pemaendúa vaerä opaete ara rupi kërai peë ɨvɨ Egipto güi vae re.

DEUTERONOMIO 16:4

Chiu ara agüɨye toyekuaa mbɨyape imbovúa opaete peɨvɨ rupi, jare tenondegua ara kaaru yave peyuka vae isoogüe agüɨye topɨta pɨareve peguarä.