ÉXODO 34:21 - Biblia Guarani Tumpa Iñee

²¹ Ova ara peparavɨkɨ, ërei chiúa ara pe peputuu, yepe tëi maetɨ ara ani mbaarɨvo ara, peputuuta ko.

ÉXODO 34:21 ပူးပေါင်းရင်းမြစ်များ

GÉNESIS 45:6

Echa mókoi año rupi ma oï karuai opaete ɨvɨ pe, jare oataño vɨteri pandepo año oime vaerä karuai, mbaetɨta maetɨ jare mbaarɨvo.

NEHEMÍAS 13:15

Jókuae ara rupi aecha oime amogüe Judá pegua reta oyapo vino ara mbutuu pe vae, trigo oyeokuagüe ovoɨ vae reta, jare ovoɨ vi vino imburika re, ani uva, ɨva jare oipotagüe voɨta güeru reta Jerusalén pe ara mbutuu pe. Jayave añeengata chupe reta jókuae ara omaemee vae re.

ÉXODO 23:12

Ova ara peparavɨkɨ, jare chiúa ara pe peputuu, oputuu vaerä pegüeye jare pemburika, jökorai oputuu vaerä perembiokuai jare ketɨgua.

ÉXODO 31:15

Ova ara toyeparavɨkɨ, ërei chiúa ara pe, ara mbutuu pegua ko oñeñono tee che peYa pe. Oipotagüe oparavɨkɨ kuae ara mbutuu pegua pe yave, tomano.’

ÉXODO 35:2

Ova ara toyeparavɨkɨ, ërei chiúa ara toiko tee peve, ara mbutuu pegua yandeYa peguarä, kia nunga vae oyapo yave oipotagüe mbaravɨkɨ jókuae ara, tomano.

ISAÍAS 30:24

Pegüeye reta jare pemburika reta pemombaravɨkɨ vae reta ave oimeta jeta jembíu kavi.

LEVÍTICO 23:3

Peparavɨkɨ ova ara, ërei chiúa ara pe peputuu, ara mbutuu pegua ko, yemboatɨ mbaemboete pegua ko. Agüɨye peyapo mbae nunga mbaravɨkɨ, ara mbutuu pegua ko cheveguarä, peyomboatɨ oipota rupi peikoa rupi.

San Lucas 13:14

Ërei judío reta itupao pegua tenondegua iyarasɨ Jesús oporombogüera ara mbutuu pe ramo, jei joko pe ñogüɨnoi vae reta pe: —Ova ara ko oï yaparavɨkɨ vaerä. Peyu jókuae ara reta pe pekuera vaerä. Agüɨye peyu pekuera vaerä ara mbutuu pe.

San Lucas 23:56

Jare yogüɨraja reta tëta pe, oyapokavi reta ikäti kavi vae. Jayave oputuu reta ara mbutuu pe, mborookuai jei rami.

DEUTERONOMIO 21:4

jare jókuae tenondegua reta togüeru ɨvɨpe kavi pe mbaetɨ etei oyeara jare mbaetɨ oñemaetɨ pɨpea pe, joko pe guaka iñatuäti toakɨo reta.

1 SAMUEL 8:12

Jare oñonota mil vae sundaro reta juvicharä, cincuenta vae juvicharä; jaeramiño vi oñono retata oparavɨkɨ reta vaerä iko rupi, jare ombaarɨvo reta vaerä, jare oyapoukata chupe reta tembiporu ñeraro pegua, jare ikäretou ñeraro pegua reta reguarä.