ÉXODO 34:16 - Biblia Guarani Tumpa Iñee

¹⁶ ani tayɨ reta omomenda yave peraɨ reta ndive, jókuae kuña reta omboete yave itumpa reta, omboeteukata vi ko peraɨ reta pe jae reta itumpa reta.

ÉXODO 34:16 ပူးပေါင်းရင်းမြစ်များ

GÉNESIS 24:3

jare yandeYa jee re ere añetete reyapota vae, Tumpa ara pe jare ɨvɨ pe oï vae, agüɨye emaeño cheraɨ Isaac tomenda Canaán pegua tayɨ ndive, che aï ipɨte pe vae,

1 REYES 11:1

Faraón tayɨ güi, mburuvicha guasu Salomón oaɨu vi jeta ïru kuña reta ketɨ ketɨgua: moabita reta, Amón-ɨgua reta, Edom-ɨgua reta, Sidón pegua reta jare Het iñemuña reta;

1 REYES 21:25

(Mbaetɨ yé kia Acab rami vae, jembireko Jezabel jeigüe rupi ojo, oyapo ikavimbae vaeño yandeYa jesa róvai.

2 CRÓNICAS 21:11

Jare omopüa vi mbaemboete renda ɨvɨtɨ rupigua reta Judá pe, jare oyavɨuka Jerusalén pegua reta pe Tumpa kotɨ jae reta rami, jare opaete Judá pegua reta omombiauka Tumpa güi.

ESDRAS 9:12

Añave, agüɨye perayɨ reta pemomenda jae reta taɨ ndive, ani jae reta tayɨ peraɨ reta ndive, agüɨye peyapo mbɨakatu jae reta ndive ani jeta mbae güɨnoi reta vae re; jökorai mbaepuere penoi vaerä jare peyekou vaerä jókuae ɨvɨ ipo reta re, jare peeya vaerä peraɨ reta imbaerä jekuae avei pegua.’

ESDRAS 9:2

Echa jae reta jare taɨ reta güɨreko jókuae ɨvɨ pegua reta tayɨ, jökorai Tumpa jembiparavo reta oyea ïru tëta pegua reta ndive. Mburuvicha reta etei tenonde oyapo kuae mbaeyoa.”

NEHEMÍAS 10:30

Jare mbaetɨta romomenda orerayɨ reta ïru tëta pegua reta ndive, ani oreraɨ reta ave mbaetɨta romaeño omenda jokotɨgua kuñatai reta ndive.

NEHEMÍAS 10:31

Jaeramiño vi, jókuae tëta pegua reta güeru ara mbutuu pegua pe omee vaerä mbae ani mbae yau vae yave, mbaetɨta rogua chugüi reta, ani ïru ara oñeñono tee Tumpa peguarä vae pe ave; jaeramiño vi año chiúa pe mbaetɨta romaetɨ jare oreɨ̈rota opaete mbia reta re.

NEHEMÍAS 13:23

Aecha vi jókuae ara rupi, kërai Judaɨgua reta omenda kuña Asdod pegua reta ndive, Amón jare Moab iñemuña pegua reta ndive;

NEHEMÍAS 13:25

Jare ayoaka jae reta ndive, cheñeeasɨ katu ikotɨ reta. Amogüe chugüi reta ainupa, amondoro ia chugüi reta, jare jaeuka chupe reta Tumpa rovake agüɨye mo vaerä omomenda tayɨ reta ketɨgua reta ndive, jaeramiño vi taɨ reta, ani vi jae reta etei. Jare jae vi chupe reta:

SALMOS 106:39

jökorai, oyemongɨa reta oyapogüe pe, oñererokomegua reta aguasa pe rami jembiapo reta rupi.

OSEAS 1:2

YandeYa omboɨpɨ imiari Oseas rupi, körai jei chupe: “Ekua, ereko metei kuña iyaguasa pota vae, jare toime nderaɨ reta jae ndive; jökorai jae reta toyogüɨreko iyaguasa pota vae imembɨrä; echa kuae tëta iyaguasa pota rami chegüi.”

LEVÍTICO 21:15

agüɨye vaerä omongɨa iñemuña reta, jëtaɨgua reta ipɨte pe; echa che peYa ko añono tee reta.”

JOSUÉ 23:12

Echa pesɨrɨ jare peñemoïru kuae tëtaguasu reta, pepɨte pe jembɨregüe reta ndive yave, menda rupi peyea yave jae reta ndive, jare jae reta oyea pe reta ndive yave,

JOSUÉ 23:13

peikuaa voi, yandeYa ngaraa ye ma oekɨ güɨnoe omombo perenonde güi kuae tëtaguasu reta, yogüɨreko retata peve ñuai rami, pepɨ̈sa-yeyuka rami jese reta vaerä, yogüɨreko retata chikote rami peve, yogüɨreko retata peve ñurati rami peresa peguarä, opa regua pekañɨtei kuae ɨvɨ kavi yandeYa Tumpa omee peve vae güi.

JUECES 14:3

Ërei tu jare ichɨ jei reta chupe: —¿Mbaetɨ pa kuña opaete nerëtara ipɨte pe, reo vaerä reeka kuña ïru tëta rupi, filisteo itumpa-raanga pota vae reta ipɨte pe? Jare Sansón jei tu pe: —Pemomiariño cheve, echa jókuae kuñatai aipota yae ko.

JUECES 3:5

Jökorai Israel iñemuña reta omboɨpɨ yogüɨreko cananeo reta ipɨte pe, Het iñemuña reta ipɨte pe, amorreo reta ipɨte pe, ferezeo reta ipɨte pe, heveo reta ipɨte pe jare jebuseo reta ipɨte pe.

JUECES 3:6

Jare taɨ reta jare tayɨ reta omenda jókuae tëta pegua reta taɨ jare tayɨ reta ndive, jare omboete reta jae reta itumpa reta.

JUECES 8:27

Jókuae oro güi Gedeón oyapo tumpa-raanga, jare oñono Ofra pe, jae jëta pe, jare opaete Israel iñemuña reta yogüɨraja joko pe jókuae tumpa-raanga jeko pegua jare opia reta Tumpa güi; kuae rupi ou yemboavai Gedeón pe jare jo pegua reta pe.